skol
Kigali

"Abantu 6 muri 23 twasuzumye kuva ejo basanganwe Omicron"-Minisitiri w’Ubuzima

Amakuru   Yanditswe na: Dusingizimana Remy 16 December 2021

Minisitiri w’Ubuzima yavuze ko abanduye Covid-19 yo mu bwoko buteye ubwoba yitwa Omicron bakomeje kwiyongera buri uko bafashe ibipimo bityo abanyarwanda bakwiriye gukaza ingamba kugira ngo idakwirakwira.


Minisitiri Ngamije yavuze ko hari abagenzi bagera mu Rwanda bakagaragaza ko nta virusi bafite ndetse yemwe no mu Rwanda basuzumwa ntiboneke ariko nyuma y’iminsi 3 cyangwa 5 bakayisanganwa.

Minisitiri w’ubuzima Dr.Daniel Ngamije yavuze ku bantu basanzwemo Omicron,ati "Twifashishije ikoranabuhanga mu gupima iriya ndwara ya Covid mu bushobozi dufite mu gihugu,byaje kugaragara ko abantu 6 muri 23 twari twasuzumye kugeza ejo bari bafite buri bwoko bwihinduranya bwa Omicron.Icyo n’ikimenyetso kigaragaza ko nubwo abantu bashyiramo ingufu zingana gute,igihe abagenzi bakiza bapimwa bashobora gusanga nta virus bafite ariko yihishe mu mubiri wabo.Igaragara neza hashize iminsi 3 kugeza kuri 5.

Umugenzi aza yisuzumishije agaragaza ko nta covid afite ndetse akanisuzumisha ku munsi wa mbere akigera aha ugasanga ntayo afite ariko bamwe twagiye tubabona nko ku munsi wa 3 uwa 3 iyo virusi ikabagaragaraho bakiri mu kato muri za hoteli zateganyijwe kubakira."

Minisitiri Ngamije yavuze ko u Rwanda ruri mu bihe bidasanzwe kuko iyi virusi yihinduranyije ya Omicron yamaze kurugeramo ndetse avuga ko yandura cyane nkuko biri kugaragarira mu bihugu yabanjemo.Yakomeje avuga ko iyi virusi ihora itungurana bityo tugomba kwirinda kwirinda kugira umubare munini cyane w’abanduye.

Min.Dr Daniel Ngamije yagize ati " Dukwiriye kwirinda ko twagira umubare w’abantu benshi bakwandura kuko ibintu bihinduka umunsi ku wundi. Ntago dushaka gukinisha umuriro ngo twitware uko dushatse ngo iyi virus ntikaze.Ibyayo ubimenya iyo yihinduranyije ugasanga irakaze mu mubiri,abantu bararembye.Nubwo Guverinoma yiteguye gukora ibyo ishinzwe mu kwita ku barwayi b’indembe nkuko twabigaragaje ubwo twari dufite Delta Variant.

Nanone iyo witeguye ntugomba gushaka icyuho cyatuma ibintu bikugeza ku gipimo utabasha gukontorora.Icya mbere ufata ingamba zo kwirinda noneho abazarwara nitugira ibyago ikaza gukara ikabarembya tukabavura.Ntibigomba kuba intandaro zo gutuma abantu banga kubahiriza amabwiriza nkuko yatanzwe na Guverinoma.Bagomba kuyubahiriza uko yakabaye kugira ngo twirinde ikwirakwira ry’iki cyorezo."

Mu minsi ishize icyorezo cya Covid-19 cyari cyagabanutse mu Rwanda ariko imibare iri kugenda izamuka bitewe n’impamvu nyinshi zirimo kudohoka ku mabwiriza n’ibindi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Minisitiri Ngamije yahaye ubutumwa bukomeye abadashaka kwikingiza...

Minisitiri w’ubuzima,Dr.Ngamije Daniel,yatangaje ko abanga kwikingiza...
13 January 2022 0

Umujyi wa Kigali watangiye gusuzuma uko abaturage bikingije urugo ku...

Umujyi wa Kigali watangije ibarura rigomba gukorwa urugo ku rundi...
13 January 2022 0

Abarimu ibihumbi 28 bazakoresha ikoranabuhanga mu gukora ibarura rusange...

Ikigo cy’Igihugu cy’Ibarurishamibare(NISR) gitangaza ko kigeze ku musozo...
6 January 2022 1

Kalimba Zéphyrin wabaye Senateri mu Rwanda yitabye Imana

Kalimba Zephyrin wahoze ari umusenateri yitabye Imana mu ijoro ryo ku...
3 January 2022 0

IFOTO Y’UMUNSI: Perezida Kagame n’umuryango we bifurije Abanyarwanda umwaka...

Perezida Paul Kagame yifashishije ifoto ari kumwe na Madamu Jeannette...
1 January 2022 0

Abenshi mu bari kwandura Covid-19 mu Rwanda bari gusanganwa ubwoko bwa...

Minisitiri w’Ubuzima, Dr Ngamije yatangaje ko abari gusangwamo ubwandu bwa...
31 December 2021 1