skol
Kigali

Abantu 883 banduye COVID-19 mu Rwanda yongera guhitana abandi 5

Amakuru   Yanditswe na: Dusingizimana Remy 25 June 2021

Kuri uyu wa Kane, Minisiteri y’Ubuzima yatangaje ko COVID-19 yahitanye abantu 5 bituma umubare w’abamaze guhitanwa n’iki cyorezo baba 402.Abapfuyr n’abagabo 4 b’imyaka 73 (Kigali), 68, 56, 54 (Rubavu) n’umugore w’imyaka 54 (Rubavu).


Abantu 883 nibo basanzwe banduye iki cyorezo mu bipimo byafashwe uyu munsi,barimo 234 bo muri Kigali, 77 b’i Rubavu, 51 b’i Musanze.

Uyu munsi abakize ni 131 mu gihe abakirimo kwitabwaho n’abaganga ari 6,876 barimo 18 barembye.

Abantu 248,074 bamaze guhabwa doze ya kabiri y’urukingo rwa #COVID19 (AstraZeneca) barimo 408 bayihawe uyu munsi.

Minisiteri y’Ubuzima iherutse gutangaza ko hari abantu 400 banduye Covid-19 kandi bari barahawe dose ebyiri z’urukingo rwayo ndetse kuri ubu hari abandi batatu bamaze guhitanwa na yo.

Ni ibintu abahanga mu birebana n’inkingo bemeza ko nta mpungenge biteye, bitewe n’uko nubwo bayirwaye hari ubudahangarwa umubiri wabo uba ufite ku buryo badashobora kuremba nk’abatarakingiwe.

Minisitiri w’Ubuzima Dr. Ngamije Daniel, aherutse kubwira RBA, ko mu bantu basuzumye harimo abasaga 35 banduye kandi bari barakingiwe, ndetse bamwe baranakingiwe inkingo zombie, ariko ko icya ngombwa ari uko uwakingiwe ataremba.

Yakomeje agira ati “Ariko ntabwo usanga yazanye ibimenyetso mpuruza ngo usange yagiye kwa muganga.Nta n’umwe turajyana mu bitaro yarembye, bivuze ngo urukingo rufite akamaro tugomba kurwitabira ariko tukanamenya ko uwakingiwe agomba kwitwararika kugira ngo atandura ngo yanduze n’abandi.”

Ibivugwa na Minisitiri w’Ubuzima kandi bishimangirwa n’umuganga unafite inararibonye kuko amaze imyaka irenga 45 muri uyu mwuga, Dr. Muyombano Antoine, uvuga ko urukingo rwongerera umubiri ubudahangarwa ku buryo iyo virusi iwugezemo abasirikare bayirwanya.

Yagize ati “Iyo umuntu yakingiwe ni kimwe no kumuha ka gakoko bashegeshe bamazemo uburozi, ariko basigiye ubushobozi bwo kurinda indwara. Gukingira rero ni kimwe n’urukingo rw’iseru, ni kimwe no gutera umwana agakoko gatera iseru ariko batse bwa bushobozi kugira ngo bagasigire ububasha bwo kurinda ya ndwara umubiri.”

Yakomeje agira ati “Rero iteka iyo uhuye n’ako gakoko ukamenya ko ugomba kwirwanaho ugasa n’aho wohereza ba basirikare bawurinda, ni kimwe no kuvuga ko umuntu aba ari aho aryamiye amajanja umwanzi yaza noneho ukirwanaho.”

Asobanura uburyo hari abantu batatu bamaze guhitanwa na Covid-19 kandi bari barakingiwe, Dr Muyombano avuga ko nta gitangaza ko uwakingiwe ashobora guhitanwa n’izindi ndwara zidakira zirimo SIDA n’izindi.

Ati “Umwana wakingiwe iseru ashobora guhitanwa n’indwara y’umutima ibyo si ibintu twahakana ariko ntabwo ashobora guhitanwa n’indwara y’iseru, iyo afite umubiri ufite ubushobozi bwo kurwanya n’izindi ndwara.”

Yakomeje agira ati “Ni ukuvuga ko niba urukingo rugeze mu mubiri washegeshwe n’izindi ndwara ari kanseri, ari SIDA ari indwara y’umutima , ari indwara y’impyiko yapfa azize iyo ndwara, kuko nubwo yaba yarakingiwe ariko ntabwo aba yarakingiwe kuri izo ndwara maze kuvuga.”

Leta y’u Rwanda ikomeje gukora ibishoboka byose kugira ngo urukingo rugere ku bantu benshi bashoboka, nibura 60%. Mu gihe aba bantu bazaba barakingiwe, inzego zishinzwe ubuzima zivuga ko ari bwo ibintu bishobora kuzasubira mu murongo byahozemo Covid-19 itaraza.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Covid-19: Abakuze mu Rwanda batangiye guterwa doze ‘ya gatatu’ y’urukingo...

Abagejeje ku myaka 50 mu Rwanda batangiye guhabwa doze ya gatatu y’urukingo...
30 November 2021 0

U Rwanda rwakiriye inkura zera 30 zivuye muri Africa y’Epfo

Inkura 30 zera zinjijwe mu cyanya cy’inyamaswa cy’Akagera zivanywe muri...
29 November 2021 0

MINISANTE yahishuye umwanzuro wafashwe ku bagenzi binjira mu Rwanda...

Mu rwego rwo gukumira ikwirakwira ry’ubwoko bushya bwa COVID-19 biswe...
29 November 2021 0

U Rwanda rwasubijeho itegeko ryo kwishyira mu kato ku bantu baturutse mu...

Kubera ubukana bw’ubwoko bushya bwa Covid-19 bwagaragaye muri Afurika...
27 November 2021 0

U Rwanda rugiye kohereza muri Qatar abakozi bazanafasha mu gikombe...

Kaminuza yigisha iby’ubukerarugendo mu Rwanda imaze gusinya amasezerano yo...
27 November 2021 1

Perezida Kagame yagiriye urugendo muri RDC [AMAFOTO]

Perezida wa Repubulika,Paul Kagame yageze i Kinshasa kuri uyu wa Kane,...
25 November 2021 0