skol
Kigali

Akarere ka Rubavu kashyizwe mu kato ka "Guma mu karere" kubera Covid-19

Amakuru   Yanditswe na: Dusingizimana Remy 16 June 2021

Kubera ubwandu bwa COVID19 bukomeje kwiyongera mu Karere ka Rubavu, hafashwe icyemezo cyo kugashyira muri Guma mu karere nkuko byatangajwe na Minisiteri y’Ubutegetsi bw’igihugu.


MINALOC yagize iti "Guhera kuwa Kane tariki ya 17 Kamena 2021,aka karere ka Rubavu kashyizwe muri Guma mu karere kugira ngo inzego zibishinzwe zifatanyije n’abaturage zishobore gukurikirana neza no kugenzura iki cyorezo cya Covid-19 gikomeje gufata indi ntera.

Icyakora amabwiriza asanzwe agomba kubahirizwa mu turere tumwe na tumwe.

Ingendo zirabujijwe guhera saa Moya z’ijoro kugeza saa Kumi z’igitondo mu Karere ka Rutsiro n’imirenge imwe n’imwe yo mu Turere twa Burera, Gicumbi na Nyagatare.

Minisiteri y’ubuzima mu Rwanda ikomeje gusaba abaturage kwitwararika ingamba zo kwirinda mu gihe ubwandu bushya bwa Covid-19 bukomeza kuzamuka.

Mu gihe cy’iminsi isaga 10 ishize, abarwayi baboneka ku munsi barenga 200, mu gihe byakomeza kuri uyu muvuduko ngo bikaba bishoboka ko gahunda ya guma mu rugo yatangazwa.

Ari kuri RBA ku cyumweru,Minisitiri w’ubuzima Dr Daniel Ngamije yavuze ko ubwiyongere bwagaragaye mu minsi 10 yari ishize,buteye inkeke ndetse ko bushobora kuba bugiye kubanziriza ikindi cyiciro cy’ubwandu bwinshi mu gihugu.

Ku cyumweru gishize,Inama y’Abaminisitiri yemeje ko guhera ku wa 12 Kamena 2021, ingendo zibujijwe guhera saa tatu z’ijoro (09:00 PM) kugeza saa kumi za mu gitondo (4:00 AM). Ibikorwa byose byemerewe gukomeza bizajya bifunga saa mbiri z’ijoro (8:00 PM).

Iyi nama yemeje ko imodoka zitwara abantu mu buryo bwa rusange zitagomba kurenza 30%.

Mu gihe u Rwanda rutaragera nibura ku rugero rwa 60% bagomba gukingirwa, buri wese arasabwa kwitwararika no kubahiriza amabwiriza yo kwirinda ari yo gusiga intera ya metero, kwambara neza agapfukamunwa no gukaraba intoki kenshi bakoresheje amazi meza n’isabune cyangwa alukolo yabugenewe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

U Rwanda rugiye kohereza muri Qatar abakozi bazanafasha mu gikombe...

Kaminuza yigisha iby’ubukerarugendo mu Rwanda imaze gusinya amasezerano yo...
27 November 2021 1

Perezida Kagame yagiriye urugendo muri RDC [AMAFOTO]

Perezida wa Repubulika,Paul Kagame yageze i Kinshasa kuri uyu wa Kane,...
25 November 2021 0

Ubwisanzure bw’itangazamakuru mu Rwanda bwiyongereyeho 10%

Ikigo cya leta gishinzwe imiyoborere cyatangaje ko ubwisanzure...
23 November 2021 0

Abangavu n’ingimbi bahishuye uko bakiriye gukingirwa Covid-19 yakerereje...

Abangavu n’ingimbi bafite hagati y’imyaka 12 na 18 benshi bari ku mashuri...
22 November 2021 0

Perezida Kagame yitabiriye Car Free Day kuri iki cyumweru [AMAFOTO]

Perezida Paul Kagame ni umwe mu banya-Kigali bitabiriye siporo rusange izwi...
21 November 2021 0

Impunzi z’abanya Eritrea na Libya ziri mu Rwanda zatangiye kubyarana...

Impunzi z’Abanya Libya na Eritrea ziri mu Rwanda zatangiye kubyarana...
20 November 2021 1