Kuri uyu wa 06 Mutarama 2023,Perezida Paul Kagame yashyize Dr Francois Xavier Kalinda muri Sena y’u Rwanda ngo asimbure Iyamuremye Augustin uherutse kwegura.
Bwana Kalinda yaherukaga guhagararira u Rwanda mu Nteko Ishinga Amategeko y’Umuryango w’Ibihugu bya Afurika y’Iburasirazuba.
Dr François Xavier Kalinda ashobora no gusimbura ku buyobozi bwa Sena Dr Iyamuremye Augustin.
Abinyujije kuri Twitter,uyu musenateri mushya yagize ati "Mbikuye ku mutima mfashe aka kanya kugirango nshimire (...)

Sponsored Ad

Kuri uyu wa 06 Mutarama 2023,Perezida Paul Kagame yashyize Dr Francois Xavier Kalinda muri Sena y’u Rwanda ngo asimbure Iyamuremye Augustin uherutse kwegura.

Bwana Kalinda yaherukaga guhagararira u Rwanda mu Nteko Ishinga Amategeko y’Umuryango w’Ibihugu bya Afurika y’Iburasirazuba.

Dr François Xavier Kalinda ashobora no gusimbura ku buyobozi bwa Sena Dr Iyamuremye Augustin.

Abinyujije kuri Twitter,uyu musenateri mushya yagize ati "Mbikuye ku mutima mfashe aka kanya kugirango nshimire byimazeyo Nyakubahwa Perezida wa Repubulika Paul Kagame ku cyizere yongeye kungirira angira Senateri. Ndamwizeza ko ntazatezuka ku nshingano shya ampaye zo gukomeza gukorera Abanyarwanda."

Dr Kalinda François Xavier ni munti?

Yavukiye mu Murenge wa Kitabi mu Karere ka Nyamagabe, afite impamyabushobozi y’ikirenga, PHD, mu by’amategeko y’ubucuruzi, yigiye mu gihugu cya Canada, muri Kaminuza ya Ottawa.

Icyiciro cya mbere n’icya kabiri, yabyize muri Kaminuza nkuru y’u Rwanda.

Mu mirimo ye, yakunze kwigisha aho yavuze ko amaze imyaka 19 ari umurezi muri Kaminuza y’u Rwanda, yanagiye abera umuyobozi mu ishami ry’amategeko.

Yize kandi mu ishuli rikuru rya ILPD, ishami rya Nyanza aho yigaga ibirebana n’ubumenyingiro mu by’amategeko (DLP).

Dr Iyamuremye Augustin yasimbuye,yeguye ku mwanya wa Perezida wa Sena no ku busenateri,kuwa 08 Ukuboza 2022.

Mu ibaruwa yanditse, yavuze ko yeguye ku mwanya w’ubusenateri n’uwa Perezida wa Sena, kubera uburwayi.Yari amaze imyaka 3 kuri uwo mwanya.