skol
Kigali

Covid-19:Abashinzwe Ubuzima mu Rwanda bahakanye ko ubwoko bwa Delta butaraboneka

Amakuru   Yanditswe na: Dusingizimana Remy 2 July 2021

Ukwezi kwa Kamena 2021 kwihariye 30% by’abanduye Covid-19 bose kuva iki cyorezo kigaragaye mu Rwanda kuwa 14 Werurwe umwaka ushize. Mu kwezi kumwe gusa abanduye bavuye ku 27,023 bagera ku 39,047.


Ni ukwezi kunihariye 18% y’abamaze kwicwa na COVID-19: Abapfuye bavuye kuri 357 bagera kuri 438.

U Rwanda ruri mu cyumweru cya kabiri cyo kwiyongera kw’abandura n’abapfa kutigeze kuboneka kuva iki cyorezo cyahagera mu kwa gatatu 2020.

Mu minsi 10 ishize imibare y’abandura bashya iri ku kigereranyo cyo hejuru ya 800 buri munsi, mu gihe abamaze gupfa batangajwe muri iyo minsi ari 75.

Ishami rya UN ryita ku buzima ku isi WHO/OMS riravuga ko imibare ya Covid muri Africa iri kuzamuka kurusha ibindi bihe byose, kubera amoko mashya kandi yandura vuba y’iyi virus.

OMS ivuga ko mu byumweru bitandatu bishize imibare y’abandura yazamutse ku kigero cya 25% icyumweru ku kindi. Mu gihe abapfa biyongereye ku kigero cya 15% mu bihugu 38 muri icyo gihe.

WHO ivuga ko ubwoko bwa Delta buri kwiyongera cyane mu bihugu bya Africa, ubu bumaze kuboneka mu bihugu 16, mu gihe icyenda muri byo ubu bifite ubwiyongere budasanzwe.

Dr Matshidiso Moeti, ukuriye OMS muri Africa yagize ati: "Umuvuduko n’ingano y’iyi nkubiri ya gatatu muri Africa ni ikintu tutigeze tubona mbere.

"Gukwirakwira kunini kw’amoko mashya yandura vuba bishyize Africa mu kaga ku rundi rwego. Ukundi kwandura kuvuze ukundi kuremba n’izindi mfu."

OMS ivuga ko muri Uganda 66% by’abaremba kubera Covid bari munsi y’imyaka 45 babiterwa n’ubwoko bwa Delta.

Abashinzwe ubuzima mu Rwanda bavuga ko Delta - ubwoko bwabonetse bwa mbere mu Buhinde butarahaboneka, gusa bwabonetse ku rwego rwo hejuru ya 80% mu bipimo byo mu bihugu bituranyi.

Delta niyo yandura vuba cyane kurusha andi moko ya Covid, ku gipimo cyo kwandura kurusha andi moko kiri hagati ya 30 na 60%, nk’uko OMS ibivuga.

WHO ivuga ko imibare yerekana ko Delta yabonetse muri 97% by’ibipimo byafashwe muri Uganda na 79% mu bipimo byafashwe muri Repubulika ya Demokarasi ya Congo.

U Rwanda rwafashe ingamba zo gushyiraho akato k’iminsi irindwi ku bagenzi bavuye cyangwa baciye muri Uganda, ariko ingendo hagati yarwo na DR Congo zisa n’izakomeje.

Abinjira mu Rwanda babanza gupimwa Covid, ariko imiterere y’imipaka y’ubutaka hagati y’ibi bihugu yagiye yerekana ko bigoye kugenzura buri muturage wambutse.

Muri rusange imipaka y’ubutaka hagati y’ibi bihugu irafunze, ariko irafunguye ku bwikorezi bw’ibicuruzwa, kandi mu minsi ishize yarafunguwe hakirwa impunzi zahungaga iruka ry’ikirunga mu mujyi wa Goma, DR Congo.

Mu gihe urukingo rwa Covid rurinda abantu kuremba, muri Africa, abamaze gukingirwa byuzuye ni miliyoni 15 gusa, bangana na 1,2% by’abatuye Africa, nk’uko OMS ibivuga.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Muhanga: Urubyiruko rwiyemeje kuba umusemburo mu kwimakaza ihame...

Urubyiruko mu Karere ka Muhanga rwiyemeje kurushaho gutanga umusanzu mu...
15 October 2021 0

Dr. Habumuremyi Pierre Damien yashimiye Perezida Kagame wamuhaye...

Uwahoze ari Minisitiri w’Intebe,Dr Pierre Damien Habumuremyi,wahawe imbabazi...
15 October 2021 1

Umuhungu wa Dr Habumuremyi yarenzwe n’ibyishimo nyuma yo kumva ko se yahawe...

Perezida w’u Rwanda Paul Kagame yababariye Pierre Damien Habumuremyi wabaye...
14 October 2021 0

Perezida Kagame yababariye Dr.Pierre Damien Habumuremyi wigeze kuba...

Ashingiye ku bubasha ahabwa n’amategeko, Perezida wa Repubulika y’u Rwanda...
14 October 2021 2

Burera: Umugore yataye umugabo we amuziza ko babyaye umwana ufite...

Umugabo witwa Nkurunziza Jean De Dieu utuye mu murenge wa Cyanika mu...
13 October 2021 0

Nyabugogo:Imodoka ya Coaster yagonze umuntu wari uyiryamye munsi ahita...

Hafi ya gare ya Nyabugogo mu gikari cya Sitasiyo ya lisansi ya kompanyi ya...
13 October 2021 1