skol
Kigali

#COVID-19 yishe abantu bashya 17 mu Rwanda abandi 913 barayandura

Amakuru   Yanditswe na: Dusingizimana Remy 19 July 2021

Minisiteri y’Ubuzima yatangaje ko uyu munsi abantu 17 bahitanywe n’icyorezo cya COVID-19, bituma abamaze gupfa bose baba 666.Abapfuye n’abagore cumi n’umwe b’imyaka 85 (Rusizi), 83 (Gicumbi), 83 (Nyanza), 82 (Musanze), 79, 67 (Bugesera), 75, 69, 56, 48 (Kigali) & 73 (Huye) n’abagabo batandatu b’imyaka 83, 73, 64, 30 (Kigali), 66 (Karongi) & 52 (Rusizi)

Abarwayi bashya bageze kuri 913, mu gihe abantu bakize ari 1,005 bagejeje abamaze gukira kuri 70%.

Abakirimo kwitabwaho n’abaganga ni 16,523 barimo 89 barembye.

Minisiteri y’Ubuzima ibinyujije mu Kigo cy’Igihugu gishinzwe Ubuzima (RBC), yatangaje bimwe mu bimenyetso byo kwitondera biranga Delta.

Ni ibimenyetso bitarimo ibisanzwe bizwi bya COVID-19 nko guhinda umuriro, inkorora ikabije no kudakora neza kw’ibyiyumviro by’amazuru n’ururimi.

Mu butumwa yashyize kuri Twitter yagize iti “Mu gihe duhanganye na COVID-19 yihinduranyije, dore bimwe mu bimenyetso biranga Delta.”

Harimo gucibwamo, isesemi no kuruka, kubabara imikaya, kubabara umutwe cyane, gucika intege, ibicurane ndetse no kumagara mu muhogo.

Umunyamabanga wa Leta muri Minisiteri y’Ubuzima Ushinzwe Ubuzima bw’Ibanze, Dr Mpunga Tharcisse, aherutse kubwira Radio Rwanda ko ubwandu bwa Delta bukomeje kwiyongera kuko 60 % by’abarwayi bashya bayifite.

Kuva Delta yaboneka mu mpera za 2020, imaze kugera mu bihugu birenga 100 birimo n’u Rwanda.

Ubu habarwaga ko 99% by’abandura mu Bwongereza ari yo bafite; 51,7% by’abandura muri Leta Zunze Ubumwe za Amerika ni yo basanganwaga, mu Bufaransa abandura 50% ni yo bafite, naho mu Buhinde aho yahereye bivugwa ko 70% by’abanduye mu nkundura ya kabiri y’icyorezo ubwo cyahitanaga ibihumbi buri munsi mu ntangiriro za 2021 ari yo basanganywe.

Ni yo ihangayikishije kurusha izindi zose bitewe n’uko ikwirakwira bwangu ugereranyije na zo. Ubushakashatsi buheruka bwerekanye ko yandura kurusha iyo mu bwoko bwa Alpha ku gipimo cya 60%.

Abarwayi bayo baremba mu buryo bwihuse akenshi bakajyanwa mu bitaro, kandi yica vuba.

Ku bijyanye n’inkingo, ubushakashatsi bw’Abongereza bwerekanye ko uwahawe dose ebyiri za Pfizer nyuma y’ibyumweru bibiri aba afite ubwirinzi bwa 88% imbere ya Delta, mu gihe uwahawe AstraZeneca aba arinzwe 60%.

Ni mu gihe mu byumweru bitatu nyuma ya dose ya mbere ubwirinzi buba ari 33% kuri izo nkingo zombi imbere yayo.

Bigaragara ko ifite uburyo bwo kwihagararaho imbere yazo kuko Pfizer ubusanzwe uwayihaweho dose ebyiri aba afite ubwirinzi bwa 95%, mu gihe AstraZeneca yo buba ari 76%.

Icyakora hagaragazwa ko izo nkingo zigifite ububasha buri hejuru bwo kurwanya abarwarira kwa muganga kubera Delta, aho Pfizer ifite 96% naho AstraZeneca ikagira 92%.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

U Rwanda rugiye kohereza muri Qatar abakozi bazanafasha mu gikombe...

Kaminuza yigisha iby’ubukerarugendo mu Rwanda imaze gusinya amasezerano yo...
27 November 2021 1

Perezida Kagame yagiriye urugendo muri RDC [AMAFOTO]

Perezida wa Repubulika,Paul Kagame yageze i Kinshasa kuri uyu wa Kane,...
25 November 2021 0

Ubwisanzure bw’itangazamakuru mu Rwanda bwiyongereyeho 10%

Ikigo cya leta gishinzwe imiyoborere cyatangaje ko ubwisanzure...
23 November 2021 0

Abangavu n’ingimbi bahishuye uko bakiriye gukingirwa Covid-19 yakerereje...

Abangavu n’ingimbi bafite hagati y’imyaka 12 na 18 benshi bari ku mashuri...
22 November 2021 0

Perezida Kagame yitabiriye Car Free Day kuri iki cyumweru [AMAFOTO]

Perezida Paul Kagame ni umwe mu banya-Kigali bitabiriye siporo rusange izwi...
21 November 2021 0

Impunzi z’abanya Eritrea na Libya ziri mu Rwanda zatangiye kubyarana...

Impunzi z’Abanya Libya na Eritrea ziri mu Rwanda zatangiye kubyarana...
20 November 2021 1