Indege yari itwaye inkingo za COVID-19 zigomba guhabwa abahawe doze ya mbere y’Astra Zeneca yamaze kugwa mu karere ka Huye ndetse n’indi zirakomereza kwerekeza hirya no hino.
Inkingo ibihumbi 15500 za AstraZeneca zamaze kugezwa ku Kibuga cy’Indege cya Kamembe aho zahise zakirwa n’ibitaro 4 byo mu turere twa Rusizi na Nyamasheke.
Mu Karere ka Rusizi hakiriwe ibihumbi 10 na ho muri Nyamasheke bakiriyeinkingo ibihumbi 5500.
Ku kibuga cy’Indege kiri hafi n’Ibiro by’Akarere ka Nyaruguru, (…)

Indege yari itwaye inkingo za COVID-19 zigomba guhabwa abahawe doze ya mbere y’Astra Zeneca yamaze kugwa mu karere ka Huye ndetse n’indi zirakomereza kwerekeza hirya no hino.

Inkingo ibihumbi 15500 za AstraZeneca zamaze kugezwa ku Kibuga cy’Indege cya Kamembe aho zahise zakirwa n’ibitaro 4 byo mu turere twa Rusizi na Nyamasheke.

Mu Karere ka Rusizi hakiriwe ibihumbi 10 na ho muri Nyamasheke bakiriyeinkingo ibihumbi 5500.

Ku kibuga cy’Indege kiri hafi n’Ibiro by’Akarere ka Nyaruguru, Indege ya RAF -0609 yahageza itanga inkingo 5500 zo gukingira Covid-19 zizahabwa abaturage ku nshuro ya kabiri.

Ni inkingo zitangira gutangwa kuri uyu wa Gatandatu mu Gihugu hose. Bityo byitezwe ko zirara zigejejwe aho zitangirwa.

U Rwanda rwari rwaratanze inkingo 350 400 mu cyiciro cya mbere cy’ikingira, cyatangiye kuwa 5 Werurwe 2021. Inkingo 102 000 mu zatanzwe zari izakozwe n’uruganda rwa Pfizer, ndetse abazihawe bamaze kubona dose ebyiri zikenerwa kugira ngo umubiri wubake ubudahangarwa mu kwirinda Covid-19.

Ku rundi ruhande, abahawe urukingo rwa AstraZeneca bahawe dose imwe, ariko ibi ntacyo byari bitwaye kuko ubushakashatsi butandukanye bwemeje ko umuntu wahawe uru rukingo ashobora kubona urundi nyuma y’amezi atatu kandi ibi bikamufasha kugira ubudahangarwa buruta ubwo yari kuba afite iyo aruhabwa vuba.

Inkingo zakiriwe ni 247 000 zirimo 117 600 zatanzwe ku bufatanye n’igihugu cy’u Bufaransa, zazanywe na Perezida Emmanuel Macron mu ruzinduko rw’iminsi ibiri yarimo gukorera mu Rwanda.

Kuri uyu wa 28 Gicurasi 2021, byitezwe ko inkingo zose zirara zigejejwe mu bigo nderabuzima aho zizatangirwa, ku buryo ku munsi w’ejo tariki ya 29 Gicurasi, zitangira gutangwa.

Byitezwe ko abantu bahawe urukingo rwa mbere rwa AstraZeneca ari bo bari buherweho bahabwa urukingo rwa kabiri, inzego z’ubuzima zifite imyirondoro yabo zikazakomeza kubaha ubutumwa bw’igihe bazabonera urukingo.