Minisitiri Gatabazi na Guverineri w’Intara y’Amajyaruguru, Nyirarugerero Dancille na Maj Gen Eric Murokore batangije Urugerero rw’urubyiruko rwarangije amashuri yisumbuye mu Ntara y’Amajyaruguru, aho batangiye iki gikorwa hubakirwa inzu n’ubwiherero umuryango utishoboye wa Mpiranyi na Nyiraguhirwa.
Ni igikorwa cyatangirijwe mu Kagari ka Nyarubuye, Umurenge wa Musanze mu Karere ka Musanze.
Kuri uyu wa Mbere tariki ya 14 Werurwe 2022,hirya no hino mu Gihugu hatangiye ibikorwa by’urugerero (...)

Sponsored Ad

Minisitiri Gatabazi na Guverineri w’Intara y’Amajyaruguru, Nyirarugerero Dancille na Maj Gen Eric Murokore batangije Urugerero rw’urubyiruko rwarangije amashuri yisumbuye mu Ntara y’Amajyaruguru, aho batangiye iki gikorwa hubakirwa inzu n’ubwiherero umuryango utishoboye wa Mpiranyi na Nyiraguhirwa.

Ni igikorwa cyatangirijwe mu Kagari ka Nyarubuye, Umurenge wa Musanze mu Karere ka Musanze.

Kuri uyu wa Mbere tariki ya 14 Werurwe 2022,hirya no hino mu Gihugu hatangiye ibikorwa by’urugerero rw’abanyeshuri barangije amashuri yisumbuyeru rufite insangamatsiko igira iti “Duhamye Umuco w’Ubutore ku Rugerero rwo Kwigira”.

I Musanze, Minisitiri w’Ubutegetsi bw’Igihugu Gatabazi JMV yashimye ibikorwa by’urubyiruko bihindura imibereho y’abaturage. Arusaba gukomereza aho ndetse arubwira ko ko igihugu kizirikana umusanzu warwo.

Minisitiri Gatabazi kandi yasabye uru rubyiruko kurwanya ibiyobyabwenge muri bagenzi babo n’inda ziterwa abangavu, kugira uruhare mu gutegura gahunda zo kwibuka ku nshuro ya 28 Jenoside yakorewe Abatutsi, gufasha kugarura mu ishuri abana baritaye no guca burundu ubuzererezi.

Uru rubyiruko rwo mu Karere ka Musanze na rwo rwahize kuzubakira inzu 4 n’ubwiherero 22 imiryango itishoboye, gucukura ingarani 802, kwitabira gahunda zo Kwibuka ku nshuro ya 28 Jenoside yakorewe Abatutsi, kurwanya ibiyobyawenge n’inda zidateganyijwe.