skol
Kigali

IFOTO Y’UMUNSI: Perezida Kagame yafotowe ari kwita ku mwuzukuru we

Amakuru   Yanditswe na: Dusingizimana Remy 20 June 2021

Mu gihe isi yose yizihiza umunsi wahariwe ababyeyi b’abagabo,Umukobwa wa nyakubahwa Perezida wa Repubulika,Ange Kagame,yashyize hanze ifoto ya Perezida Kagame Paul ari kwita ku mwuzukuru we.


Abinyujije kuri Twitter,Ange Kagame, yashyize hanze iyi foto ya nyakubahwa Perezida Kagame ari kwita ku mwuzukuru we wa mbere abihuza n’uyu munsi wahariwe abapapa.

Yahise yandikaho ubutumwa bwo gushimira se, Perezida Kagame,buri mu rurimi rw’Icyongereza.Tugenekereje mu Kinyarwanda yagize ati “Umunsi mwiza w’aba Papa ku mugabo nkunda cyane.Warakoze cyane ku bw’amahirwe wampaye yo kuba umukobwa wa papa wishimye.Ubu uri na sogokuru mwiza.Ndagukunda.”

Perezida Kagame yahishuye bwa mbere ko yabaye Sogokuru tariki ya 20 Nyakanga 2020, nyuma y’umunsi umwe umukobwa we Ange I. Kagame yibarutse imfura.

Aganira na RBA tariki 06 Nzeri 2020, Perezida Kagame yabajijwe ku makuru y’umwuzukuru we n’uko yabyakiriye tariki 19 Nyakanga 2020 ubwo yabwirwaga ko umuryango wa Ange I. Kagame na Bertrand Ndengeyingoma wibarutse umwana wabo w’imfura, avuga ko kugira abuzukuru ari byiza cyane, kandi byamunejeje.

Ati: “Ni bishya kwitwa Sogokuru, ariko ni byiza cyane. Nari menyereye kwitwa se w’abana, ariko ubu nazamutse mu ntera. Nindangiza iyi mirimo mwanshinze, mpora niteguye kuzatangira indi mirimo yo kureberera abuzukuru…”

Umunyamakuru yamubajije niba umwuzukuru ari umuhungu cyangwa umukobwa, Perezida Kagame amusubiza agira ati:”Ni umukobwa muzima, arakura vuba, iyo amasaha abuzanyijwe mu rwego rwo kwirinda COVID-19 (curfew) ataragera hari n’ubwo nyaruka nkajya kumusura.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Dr. Habumuremyi Pierre Damien yashimiye Perezida Kagame wamuhaye...

Uwahoze ari Minisitiri w’Intebe,Dr Pierre Damien Habumuremyi,wahawe imbabazi...
15 October 2021 0

Umuhungu wa Dr Habumuremyi yarenzwe n’ibyishimo nyuma yo kumva ko se yahawe...

Perezida w’u Rwanda Paul Kagame yababariye Pierre Damien Habumuremyi wabaye...
14 October 2021 0

Perezida Kagame yababariye Dr.Pierre Damien Habumuremyi wigeze kuba...

Ashingiye ku bubasha ahabwa n’amategeko, Perezida wa Repubulika y’u Rwanda...
14 October 2021 2

Burera: Umugore yataye umugabo we amuziza ko babyaye umwana ufite...

Umugabo witwa Nkurunziza Jean De Dieu utuye mu murenge wa Cyanika mu...
13 October 2021 0

Nyabugogo:Imodoka ya Coaster yagonze umuntu wari uyiryamye munsi ahita...

Hafi ya gare ya Nyabugogo mu gikari cya Sitasiyo ya lisansi ya kompanyi ya...
13 October 2021 1

Inkingo za Malariya zizatangira gukorerwa mu Rwanda umwaka utaha

Leta y’u Rwanda yatangaje ko umwaka utaha izaba yatangiye gukorera mu gihugu...
8 October 2021 0