skol
Kigali

"Ingo zahinduwe utubari nazo turaza kuzifunga"-Minisitiri Gatabazi

Amakuru   Yanditswe na: Dusingizimana Remy 22 June 2021

Minisitiri w’Ubutegetsi bw’igihugu,Gatabazi Jean Marie Vianney yavuze ko abahinduye ingo zabo utubari bagiye guhura n’akaga kuko nazo zigiye kuzajya zifungwa n’ubuyobozi kugeza igihe Covid-19 izarangirira.


Mu kiganiro we na Minisitiri w’Ubuzima, Dr. Ngamije Daniel bagiranye na Radio Rwanda kuri uyu wa Kabiri tariki 22 Kamena 2021,Min.Gatabazi yavuze ko abahimba amayeri bakimurira utubari mu ngo zabo kandi binyuranyije n’amabwiriza yo kwirinda COVID-19,zigiye kuzajya nazo zifungwa.

Yagize ati: “Hari icyo dushaka kugarukaho n’abayobozi mu Nzego z’ibanze babyumve n’izindi nzego dukorana, hari abantu bafashe ingo zabo bazihindura utubari, bakora utubari mu ngo zabo bitwaje ko tutazifunga, izo na zo turaza kuzifunga. Ubu tugiye kujya tuzifunga kugeza ubwo Covid-19 izaba irangiye. Icyo tubasaba nibirinde icyorezo kimeze nabi.”

Minisitiri w’Ubutegetsi bw’Igihugu kandi yongeyeho ko ntawukwiye kwihanganirwa mu gihe abantu babigize nk’umukino bagahora bakora amakosa bigezo, kandi barihanangirijwe ku bijyanye no kutubahiriza amabwiriza yo kwirinda COVID-19.

Ati: “Abakora isubiracyaha, ni ukuvuga wa wundi ufungira inshuro imwe, ukamufungira kabiri ndetse gatatu agakomeza gufungura, turateganya ko twajya tubafungira kugeza igihe COVID-19 izarangirira. Ubundi twabafungiraga ukwezi kumwe ariko nyuma y’amezi nk’atatu ukabona yongeye gukora ya makosa, ntabwo tuzakomeza gukina muri ubwo buryo, tuzajya tubafungira kugeza igihe COVID-19 izarangirira kandi ntabwo nzi ngo izahagaragara ryari”.

Minisitiri Gatabazi yasabye abanyarwanda kureka gushaka impamvu zituma bumva ko bakwiriye kugenda hirya no hino ahubwo bakwiriye gutegereza ibi byumweru 2 bikarangira.

Yasabye abayobozi mu Nzego z’ibanze kutajenjeka, bakajya bagenzura iyubahirizwa ry’ingamba ziba zashyizweho mu kwirinda ikwirakwira rya COVID-19.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Urujijo ku miryango yasigaye ahahoze inkambi ya Gihembe yafunzwe

Mu gihe kuwa mbere w’iki Cyumweru Leta y’u Rwanda yafunze ku mugaragaro...
20 October 2021 0

Ngororero: Umurambo wataburuwe ushyingurwa na ba nyirawo nyuma yo guhabwa...

Umuryango wo mu Murenge wa Gatumba mu Karere ka Ngororero washyinguye...
19 October 2021 0

Liberia:Umusore watoraguye $50,000 akayasubiza nyirayo yahembwe...

Perezida wa Liberia George Weah yahaye icyubahiro umumotari w’imyaka 18...
19 October 2021 0

"Amategeko n’amabwiriza niyubahirizwe kugira ngo habungabungwe ikibaya cya...

Ishyaka riharanira demokarasi no kurengera ibidukikije mu Rwanda...
16 October 2021 0

Muhanga: Urubyiruko rwiyemeje kuba umusemburo mu kwimakaza ihame...

Urubyiruko mu Karere ka Muhanga rwiyemeje kurushaho gutanga umusanzu mu...
15 October 2021 0

Dr. Habumuremyi Pierre Damien yashimiye Perezida Kagame wamuhaye...

Uwahoze ari Minisitiri w’Intebe,Dr Pierre Damien Habumuremyi,wahawe imbabazi...
15 October 2021 1