skol
Kigali

Karasira Aimable yanduriye Covid-19 aho yari afungiye bimubuza kuburana

Amakuru   Yanditswe na: Dusingizimana Remy 21 June 2021

Umuhanzi Karasira Aimable wari uzwi cyane kuri You Tube kubera ibiganiro yakundaga gukora yanduriye Covid-19 aho yari afungiye bimubuza kugezwa imbere y’urukiko rw’Ibanze rwa Nyarugenge ku nshuro ya mbere kuri uyu wa kabiri tariki ya 22 Kamena 2021.


Nkuko amakuru dukesha UKWEZI abitangaza,Karasira Aimable wagombaga kugezwa imbere y’urukiko kuri uyu wa kabiri ntakiburanye kubera Covid-19 nkuko iki kinyamakuru cyabitangarijwe na Me Evode Kayitana umwunganira afatanyije na Me Gatera Gashabana.

Me Evode Kayitana yabwiye UKWEZI ko yagiye gusura umukiriya we bamubwira ko arwaye Covid-19 ndetse yayanduriye aho afungiwe kuri sitasiyo ya Polisi ya Kicukiro mu mujyi wa Kigali.

Me Evode Kayitana yavuze ko Karasira ashobora kuba yarajyanwe mu kato I Nyarugenge ndetse ngo yemerewe kumusura igihe bishoboka.

Ati “Bamujyanye mu kato Nyarugenge,niba iba I Nyamirambo ntabwo ndahagera.Niho afungiye.Urubanza ntirukibaye kubera ubwo burwayi ntabwo ari ukubeshya.Ubushinjacyaha bwambwiye ko mfite uburenganzira bwo kujya kumusura nabo mu muryango we ko bamusura.

Ngo biramutse bibaye ngombwa ushaka kumureba yajya kumureba ariko ngo ameze neza nta kibazo.Ubu ari koroherwa.”

Karasira yatawe muri yombi ariko asanzwe afite uburwayi bwa diyabete bukabije ndetse mu minsi ishize yavuze ko anywa inzoga nyinshi kugira ngo zimuhuhure yipfire.

Karasira yavuze ko akurikiranyweho ibyaha birimo guhakana no guha ishingiro Jenoside yakorewe Abatutsi mu 1994,gukurura amacakubiri no kunanirwa kugaragaza imvano y’aho yakuye asaga miliyoni 30 FRW yasanzwe iwe.

Ku wa 31 Gicurasi 2021 nibwo Urwego rw’Igihugu rw’Ubugenzacyaha rwatangaje ko rwataye muri yombi Karasira Aimable.

Mu butumwa RIB yashyize ahagaragara, yavuze ko itabwa muri yombi ry’uyu mugabo ryaje rikurikiye ibiganiro yari amaze iminsi atanga kuri You Tube biha ishingiro Jenoside yakorewe Abatutsi mu 1994 bigaragaza ko itateguwe, binabiba amacakubiri mu banyarwanda.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Urujijo ku miryango yasigaye ahahoze inkambi ya Gihembe yafunzwe

Mu gihe kuwa mbere w’iki Cyumweru Leta y’u Rwanda yafunze ku mugaragaro...
20 October 2021 0

Ngororero: Umurambo wataburuwe ushyingurwa na ba nyirawo nyuma yo guhabwa...

Umuryango wo mu Murenge wa Gatumba mu Karere ka Ngororero washyinguye...
19 October 2021 0

Liberia:Umusore watoraguye $50,000 akayasubiza nyirayo yahembwe...

Perezida wa Liberia George Weah yahaye icyubahiro umumotari w’imyaka 18...
19 October 2021 0

"Amategeko n’amabwiriza niyubahirizwe kugira ngo habungabungwe ikibaya cya...

Ishyaka riharanira demokarasi no kurengera ibidukikije mu Rwanda...
16 October 2021 0

Muhanga: Urubyiruko rwiyemeje kuba umusemburo mu kwimakaza ihame...

Urubyiruko mu Karere ka Muhanga rwiyemeje kurushaho gutanga umusanzu mu...
15 October 2021 0

Dr. Habumuremyi Pierre Damien yashimiye Perezida Kagame wamuhaye...

Uwahoze ari Minisitiri w’Intebe,Dr Pierre Damien Habumuremyi,wahawe imbabazi...
15 October 2021 1