skol
Kigali

Ku nshuro ya mbere mu Rwanda abantu barenga ibihumbi 2000 banduye Covid-19

Amakuru   Yanditswe na: Dusingizimana Remy 30 December 2021

Kuri uyu wa Gatatu tariki ya 29 Ukuboza 2021,habonetse abanduye COVID19 bagera kuri 2,083 mu Rwanda, barimo 1,133 bo mu mu mujyi wa Kigali.Iyi ni inshuro ya mbere habonetse umubare mwinshi cyane gutya w’abanduye mu Rwanda.

Ibi byatumye umubare w’abamaze kwandura icyo cyorezo mu minsi irindwi ishize bagera ku 6.373 n’ukuvuga ijanisha rya 5%.

Kuwa Gatatu hafashwe ibipimo 22.797, byuzuza ibipimo 128.404 bimaze gufatwa mu minsi irindwi ishize.

Mu barwayi bafite Covid-19, abagera ku 1.939 basanzwemo ibimenyetso mu gihe abagera ku 144 nta bimenyetso bafite.

Abinjiye mu bitaro kuri uyu wa Gatatui ni 22, bituma abamaze kubijyamo mu minsi irindwi ishize bagera kuri 76, barimo batanu barembye.

Nta muntu witabye Imana, bivuze ko umubare w’abitabye Imana mu minsi irindwi ishize wakomeje kuguma ku bantu bane, mu gihe abamaze guhitanwa n’iki cyorezo kuva cyagera mu Rwanda, ari abantu 1.348.

Hagati aho, ibikorwa by’ikingira nabyo birakomeje, aho abantu 120.299 bahawe dose ya mbere, mu gihe abagera ku 32.733 bahawe iya kabiri. Abantu 17.109 bahawe urukingo rushimangira.

Muri rusange, abantu 7.650.176 bamaze guhabwa dose ya mbere, mu gihe abagera kuri 5.467.913 bamaze guhabwa urukingo mu buryo bwuzuye. Abagera ku 147.264 bahawe bamaze guhabwa urukingo rushimangira.

Kuva ku itariki ya 14 y’uku kwezi kwa cumi na kabiri ubwo u Rwanda rwatangazaga ko mu gihugu habonetse abantu ba mbere banduye ubwoko bushya bwa Omicron bwandura cyane kandi byihuse kurushaho, imibare yakomeje kwiyongera umunsi ku munsi.

Kuri iyo tariki abanduye bashya mu gihugu bari 50 (bangana na 0.5%) - babonetse mu mujyi wa Kigali no mu tundi turere dutanu - mu gihe mu minsi irindwi yari ishize icyo gihe bari 314, bangana na 0.3%.

Imibare mishya ya minisiteri y’ubuzima yerekana ko abo banduye mu masaha 24 ashize bangana na 9.1%, mu gihe mu minsi irindwi ishize abanduye bose hamwe ari 6,373 - bangana na 5%, muri rusange bangana na 910 bagiye bandura buri munsi.

Ubushakashatsi bugaragaza ko ubu bwoko bushya bwa Covid bufite ubukana bworoheje ugereranyije n’ubwa Delta, abanduye Omicron bakaba bashobora kugira ibyago biri ku kigero cyo hasi ho 30% kugeza kuri 70% byo gushyirwa mu bitaro.

Ariko muri iki cyumweru ishami ry’umuryango w’abibumbye ryita ku buzima (OMS/WHO) ryaburiye ko kwiyongera kw’ubwandu bishobora gutuma inzego z’ubuvuzi zigera hafi ku kunanirwa gutanga serivisi, kandi ko ibyago bitejwe na Omicron "biracyari hejuru cyane".

Mu yindi ngamba yo guhangana n’ubu bwandu bushya, u Rwanda rwagabanyije igihe cy’amezi atandatu byari bisanzwe bifata kugira ngo uwakingiwe byuzuye abone urukingo rwo gushimangira, rugishyira ku mezi atatu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Pan African Movement yahishuye igitera imirire mibi n’igwingira muri Afurika...

Umuryango uharanira ubwigenge, agaciro n’Iterambere by’Umunyafurika, Ishami...
22 May 2022 0

Urupfu rw’umwarimukazi w’umunyabigwi wigishije Jeanette Kagame, rwasheguye...

“Umwarimu mwiza ameze nka buji (bougie)-irashonga kugira ngo imurikire...
20 May 2022 0

Rusizi: Umugore yanze ko bashyingura umugabo we wiyahuye kubera...

Umugore wo mu Murenge wa Kamembe mu Karere ka Rusizi uherutse gupfusha...
20 May 2022 0

Abimukira bazava UK bateguriwe amazu meza cyane yo kubamo [AMAFOTO]

Guverinoma y’u Rwanda yatangaje ko hamwe mu hagomba gucumbikirwa abimukira...
20 May 2022 0

"Gutitiriza usaba igitsina niba ari icyaha nta mugabo uzasigara"-Karegeya

Nta gihe gishize ,Urukiko rutegetse ko Prince Kid wateguraga irushanwa rya...
19 May 2022 0

Gasabo: Umusore yambuwe n’indaya ata umutwe ajya kuryama mu irimbi

Ahagana saa yine za mu gitondo kuri uyu wa Mbere tariki ya 16 Gicurasi 2022...
17 May 2022 0