skol
Kigali

Liberia:Umusore watoraguye $50,000 akayasubiza nyirayo yahembwe bishimishije na Perezida Weah

Amakuru   Yanditswe na: Dusingizimana Remy 19 October 2021

Perezida wa Liberia George Weah yahaye icyubahiro umumotari w’imyaka 18 watoye amadolari y’Amerika 50,000 (agera kuri miliyoni 50 mu mafaranga y’u Rwanda) akayasubiza umucuruzi w’umugore wari wayataye mu karere ka Nimba kari mu majyaruguru ashyira uburasirazuba bw’icyo gihugu.


Perezida Weah yahuye na Emmanuel Tolue ku wa mbere mu muhango wabereye mu murwa mukuru Monronvia, amuha amafaranga na buruse (bourse) yo kwiga.

Mu minsi ya vuba aha ishize, kubera igikorwa cye, uyu mumotari yahindutse intwari muri iki gihugu cyo muri Afurika y’uburengerazuba.

Yatoye ayo mafaranga azingiye mu kigapu cya plastike ayasubiza nyirayo Musu Yancy, nyuma yuko uyu agiye kuri radio agasaba uwayatoye kuyagarura.

Madamu Yancy yashimye ubunyangamugayo bw’uwo musore, amuha amafaranga y’ububonamaso n’ibicuruzwa, byose hamwe bifite agaciro kagera ku madolari y’Amerika hafi 1,500 (agera kuri miliyoni 1,5 mu mafaranga y’u Rwanda).

Perezida Weah yashimye Bwana Tolue kubera "imyitwarire myiza idasanzwe n’ubuturage bwiza" bitanga urugero rwiza ku rubyiruko.

Perezida Weah yasezeranyije guha icyubahiro uwo musore akamuhemba umudari wa mbere ukomeye muri Liberia - umudari w’indashyikirwa - kubera ubunyangamugayo bwe.

Uretse ibyo, Perezida Weah yanahaye uwo musore amadolari y’Amerika 10,000 (miliyoni 10 mu mafaranga y’u Rwanda) ndetse amuha na moto ebyiri nshya "kugira ngo ashobore kwiyubaka no kwiteza imbere mu buryo bw’amafaranga".

Bwana Tolue, wavuye mu ishuri ageze mu mwaka wa karindwi akajya mu gukora ubucuruzi bwo gutwara abantu kuri moto, azanabona buruse yo kumwishyurira amashuri kugeza muri kaminuza.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

U Rwanda rwakiriye inkura zera 30 zivuye muri Africa y’Epfo

Inkura 30 zera zinjijwe mu cyanya cy’inyamaswa cy’Akagera zivanywe muri...
29 November 2021 0

MINISANTE yahishuye umwanzuro wafashwe ku bagenzi binjira mu Rwanda...

Mu rwego rwo gukumira ikwirakwira ry’ubwoko bushya bwa COVID-19 biswe...
29 November 2021 0

U Rwanda rwasubijeho itegeko ryo kwishyira mu kato ku bantu baturutse mu...

Kubera ubukana bw’ubwoko bushya bwa Covid-19 bwagaragaye muri Afurika...
27 November 2021 0

U Rwanda rugiye kohereza muri Qatar abakozi bazanafasha mu gikombe...

Kaminuza yigisha iby’ubukerarugendo mu Rwanda imaze gusinya amasezerano yo...
27 November 2021 1

Perezida Kagame yagiriye urugendo muri RDC [AMAFOTO]

Perezida wa Repubulika,Paul Kagame yageze i Kinshasa kuri uyu wa Kane,...
25 November 2021 0

Ubwisanzure bw’itangazamakuru mu Rwanda bwiyongereyeho 10%

Ikigo cya leta gishinzwe imiyoborere cyatangaje ko ubwisanzure...
23 November 2021 0