Minisiteri y’Ubuzima yakuyeho gahunda yo gupima abantu umuriro mbere y’uko binjira ahantu runaka, aho byasabaga ko mbere y’uko umuntu yinjira apimwa umuriro.
MINISANTE ivuga ko ibikorwa byo gupimira umuriro ku marembo y’ahahurira abantu benshi bitagifatwa nk’imwe mu ngamba zo kwirinda ikwirakwizwa rya COVID19.
Mu itangazo ryasinyweho na Minisitiri w’Ubuzima,rivuga ko"bitagikenewe kandi bitagifatwa nk’imwe mu ngamba zo kwirinda ikwirakwizwa rya Covid-19."
Rikomeza riti "Minisiteri y’Ubuzima (...)

Sponsored Ad

Minisiteri y’Ubuzima yakuyeho gahunda yo gupima abantu umuriro mbere y’uko binjira ahantu runaka, aho byasabaga ko mbere y’uko umuntu yinjira apimwa umuriro.

MINISANTE ivuga ko ibikorwa byo gupimira umuriro ku marembo y’ahahurira abantu benshi bitagifatwa nk’imwe mu ngamba zo kwirinda ikwirakwizwa rya COVID19.

Mu itangazo ryasinyweho na Minisitiri w’Ubuzima,rivuga ko"bitagikenewe kandi bitagifatwa nk’imwe mu ngamba zo kwirinda ikwirakwizwa rya Covid-19."

Rikomeza riti "Minisiteri y’Ubuzima irasaba abahagarariye ibigo bya Leta n’ibyigenga, abategura gahunda zihuriza hamwe abantu benshi guhagarika ibikorwa byo gupimira umuriro aho abantu binjirira."

"Minisiteri y’ubuzima iboneyeho kandi gushishikariza abanyarwanda gukomeza kwitabira kwikingiza byuzuye, harimo no guhabwa urukingo iwo gushimangira ku bujuje ibisabwa, kwambara neza agapfukamunwa no gukaraba intoki kenshi kandi neza."

Kugeza ubu abaturarwanda basaga 60% bamaze kwikingiza COVID-19 mu buryo bwuzuye.