Abimukira 50 bari mu Bwongereza babwiwe ko ari bo ba mbere bazoherezwa mu Rwanda mu mugambi utarishimiwe na benshi wo kwimura abimukira.
Mu kiganiro n’ikinyamakuru Daily Mail, Boris Johnson yatangaje uwo mubare, avuga ko hari benshi bazitabaza ubutabera mu kurwanya uyu mugambi, ariko agashimangira ko leta "izakomeza uru rugamba".
Muri aya masezerano mashya, abantu bazafatwa binjiye mu Bwongereza bidaciye mu mategeko bashobora koherezwa mu Rwanda.
Uyu mwanzuro uri kwamaganwa bikomeye.
Mu (...)

Sponsored Ad

Abimukira 50 bari mu Bwongereza babwiwe ko ari bo ba mbere bazoherezwa mu Rwanda mu mugambi utarishimiwe na benshi wo kwimura abimukira.

Mu kiganiro n’ikinyamakuru Daily Mail, Boris Johnson yatangaje uwo mubare, avuga ko hari benshi bazitabaza ubutabera mu kurwanya uyu mugambi, ariko agashimangira ko leta "izakomeza uru rugamba".

Muri aya masezerano mashya, abantu bazafatwa binjiye mu Bwongereza bidaciye mu mategeko bashobora koherezwa mu Rwanda.

Uyu mwanzuro uri kwamaganwa bikomeye.

Mu bawamaganye harimo amashyirahamwe arenga 160, Musenyeri mukuru wa Canterbury,amashyaka atavuga rumwe n’uri ku butegetsi hamwe n’abategetsi bakuru bo muishyaka ry’aba Conservateur, harimo n’uwahoze ari Minisitiri w’Intebe,Theresa May.

Bose hamwe bagaragaje impungenge zabo ku bijyanye n’amarangamutima, amategeko, igiciro n’akarusho k’uwo mwanzuro.

Amashyirahamwe y’ubutabazi avuga ko benshi mu basaba ubuhungiro mu Bwongereza barimo kwihisha kubera gutinya ko bazanwa mu Rwanda.

Ubwoba bw’uko bashobora kuvanwa mu gihugu burimo gutuma bamwe bishyira mu kaga harimo n’umwe washatse kwiyahura, nk’uko bivugwa n’ishyirahamwe ritabara imbabare kw’isi Croix rouge hamwe n’ishyirahamwe Refugee Council.

Hagati aho, amato mato mato akomeje kwambutsa abantu. Imibare ya nyuma itangwa na leta yerekana ko abimukira 792 binjiye baziye mu mato mato mato mu cyumweru cyo kuva ku wa 02 kugeza kuwa 08Gicurasi.

Mu kiganiro cye, Boris Johnson yavuze ko 50 bamaze kumenyeshwa ko bagiye kwimurwa. Iyi ni intambwe ya mbere y’uyu mugambi.

Aba bantu bafite iminsi hagati irindwi na 14 kugira ngo basabe ko batoherezwa.

Byitezwe ko hari benshi bazarega mu kurwanya uyu mugambi. Minisitiri w’ubutegetsi bw’igihugu w’Ubwongereza Priti Patel avuga ko ibi bisobanura ko umugambi ushobora "gufata igihe kirekire" ariko agashimangira ko utazasubira inyuma.

Boris Johnson yabwiye icyo kinyamakuru Daily Mail ati: "Hagiye kuba amashyirahamwe menshi arwanya uyu mugambi, ubwoko bw’aya mashyirahamwe amaze igihe kirekire akoresha amafaranga y’abantu bashaka gushinga imanza nk’izi, no kurwanya ishyaka ry’abaturage, ishyaka ry’Inama y’Abadepite.Turabyiteguye.

Tuzakomeza urugamba kandi tuzarurwana. Dufite urutonde runini rw’ibintu tugomba gukora kugira ngo duhangane n’iki kibazo, dufashijwe n’abacamanza bacu".

Uyu mugambi wafashwe bivuye ku mubare w’amato mato yinjira mu Bwongereza ugenda wiyongera, aho abarenga 6000 bamaze kwinjira kugeza ubu muri uyu mwaka.

Imibare itangwa na Ministiri ivuga ko umubare w’abantu 28.526 bashoboye kwinjira, uvuye ku 8.466 mu mwaka ushize.

BBC