skol
Kigali

Musanze: Pasiteri wihakanye umugore n’umwana be yakozwe n’isoni bamusanze aho akorera

Amakuru   Yanditswe na: Dusingizimana Remy 11 February 2022

Mu murenge wa Muko w’akarere ka Musanze, Haravugwa umupasiteri wabwiraga abakirisitu ko nta mugore n’umwana afite, ariko bagatungurwa no kubona umugore n’umwana uvuga ko ari uw’uwo mupasiteri, dore ko uwo mugabo yabataye agahungira ahandi ari naho yabereye Pasiteri.

Abaturage bo muri aka gace babwiye TV1 dukesha iyi nkuru ko uyu mupasiteri yababwiye ko nta mugore n’umwana agira ndetse ko nta nabo yigeze.

Uyu mupasiteri witwa David ariko we akavuga ko yitwa Samuel yataye umugore basezeranye mu mategeko yagurishije umutungo wabo w’amatungo magufi n’amafaranga yari kuri konti bari bafite ahita ajya gushaka indi nshoreke ku ruhande ata umuryango we.

Uyu mupasiteri yavuye ahitwa ku Kabaya mu karere ka Ngororero ajya mu karere ka Musanze aho yafashe inzu abamo ayihindura icyumba cy’amasengesho hanyuma benshi biganjemo abagore baramuyoboka birangira abaye pasiteri.

Umugore w’uyu mugabo amenye ko amwihakana yahisemo kumuzanira umwana n’ibimenyetso bigaragaza ko basezeranye,abari baje mu masengesho bariruka.

Uyu mugore yabwiye TV1 ati "Amafaranga yari konti yarayajyanye,hariho n’indaya yajyanye yo ku Gisenyi arayizana ngo aje kuyigira umugore ayiha ibihumbi 100 FRW.

Ntabwo njyewe namuteye,umugabo n’uwanjye twarasezeranye byemewe n’amategeko hanyuma ansahura ibyanjye ajya kubishakamo indi nshoreke.Ibyo nibyo nari nje kubaza."

Abo yasengeraga bavuze ko kwiruka kwabo gufite impamvu kuko yababeshye ko nta mugore n’umwana afite kandi yarabataye mu cyaro.

Aba bavuze ko mu masengesho Imana yababwiraga ko uyu mupasiteri afite umugore n’umwana ariko babimubaza akavuga ko bavangiwe na shitani ndetse ngo ubu bahise bamukuraho icyizere.

Aba bavuze ko batunguwe nuko afite umugore n’umwana ndetse ko ngo ubu ari ukwizera Imana kuko abavugabutumwa barimo abanyabinyoma.

Bwana Samuel wiyita Pasiteri, yavuze ko umugore we ariwe wamubereye mubi kuko ngo yamutaye ajya gusambana hanze bamutera inda niko guhitamo kumusiga akigendera.

Ati "Njye nzi neza ko yagiye adatwite nyuma y’aho aza kumbwira ngo aratwite.Abashyitsi hari uko babifashe ariko ndagira ngo mbabwire ngo umugore niwe uri mu makosa kuko yataye urugo."

Abayoboke b’uyu mugabo bavuze ko abantu b’ubu bakwiriye gushishoza kuko ngo abiyita abakozi b’Imana nabo hari ababa bakwiriye gusengerwa.


Pasiteri wahakanye ko atigeze agira umugore n’umwana bamusanze aho yigishiriza bafite n’ibimenyetso

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Habimana Gerard

    Birikugaragara ko igihe tugezemo abiyita abakozi b’Imana abenshi baba bishakira indonye

    3 months ago

Inzindi nkuru

Urupfu rw’umwarimukazi w’umunyabigwi wigishije Jeanette Kagame, rwasheguye...

“Umwarimu mwiza ameze nka buji (bougie)-irashonga kugira ngo imurikire...
20 May 2022 0

Rusizi: Umugore yanze ko bashyingura umugabo we wiyahuye kubera...

Umugore wo mu Murenge wa Kamembe mu Karere ka Rusizi uherutse gupfusha...
20 May 2022 0

Abimukira bazava UK bateguriwe amazu meza cyane yo kubamo [AMAFOTO]

Guverinoma y’u Rwanda yatangaje ko hamwe mu hagomba gucumbikirwa abimukira...
20 May 2022 0

"Gutitiriza usaba igitsina niba ari icyaha nta mugabo uzasigara"-Karegeya

Nta gihe gishize ,Urukiko rutegetse ko Prince Kid wateguraga irushanwa rya...
19 May 2022 0

Gasabo: Umusore yambuwe n’indaya ata umutwe ajya kuryama mu irimbi

Ahagana saa yine za mu gitondo kuri uyu wa Mbere tariki ya 16 Gicurasi 2022...
17 May 2022 0

Umunyamakuru Jado Castar ukundwa na benshi mu busesenguzi bw’Imikino...

Umunyamakuru wa B&B FM,Jado Castar wahoze ari Visi Perezida wa Kabiri...
14 May 2022 1