skol
Kigali

Ngoma: Umugore umaze imyaka 8 agendana amara ye mu gitenge yasabye ubufasha

Amakuru   Yanditswe na: Dusingizimana Remy 4 September 2021

Umugore witwa Mukakibibi Didacienne ukomoka mu karere ka Ngoma amaze imyaka 8 agendana amara ye hanze nyuma yo kubagwa ibibyimba byari mu nda,abaganga ntibayasubizemo.

Mukakibibi yabwiye BTN TV dukesha iyi nkuru ko ubuzima bwe buri mu kaga mu gihe yaba atavuwe kuko amaze igihe ibitaro bya kaminuza bya Kigali CHUK bigenda byigiza inyuma gahunda yahawe yo kubagwa none kuri ubu akaba yaramaze kwangirika inda.

Yagize ati "Narwaye ibibyimba mu nda nza hano CHUK barambaga,amara ntibongera kuyasubizamo.Nakomeje kuza hano,nza bampa ama randevu,none maze imyaka 8 mfite aya mara hanze.Nyagendana nyakikije igitenge ariko nubwo ngenda hari ubwo yifata akava amaraso.

Nasabye ko bayasubiza mu nda ariko ntibayasubizamo,ubu mfite impungenge ko nzarwara kanseri.Nari naje kwivuza,taransiferi nayivanye I Kibungo [Ngoma],nyigejeje CHUK banyandikira kujya I Kanombe,mpageze banyandikira gusubira iwacu I Kibungo.

Ntabwo nabyakiriye neza kuko sinasubira I Kibungo atariho nabagiwe.Ngomba gukurikiranwa naho nabagiwe.Kibungo n’ubundi bansiganira bavuga ngo aho yabagiwe niho agomba kuvurirwa.”

Uyu mubyeyi yakomeje avuga ko amaze imyaka 8 nta kintu akora ndetse ko kubaho kwe abikesha abagiraneza bamuha ibyokurya n’ibindi.

Umugiraneza wamucumbikiye ubwo yari yirukanwe mu bitaro bya kanombe yavuze ko ibyakorewe Mukakibibi bihesha isura mbi inzego z’ubuzima.

Uyu mugore avuga ko ubu burwayi bwatumye akena cyane kuko n’isambu yari afite yayigurishije kugira ngo yivuze ariko akaba nta buvuzi yahawe.

Uyu mubyeyi yabwiye BTN dukesha iyi nkuru ko nta n’itike yari afite imugeza mu rugo aho yasabye abagiraneza kumufasha akavuzwa amara ye agasubizwa mu nda nawe akongera kugira icyo yimarira.

Uyu mubyeyi yavuze ko abana be bavuye mu ishuri kubera ubukene yatewe n’ubu burwayi bwatumye ubu amara ye aguma hanze imyaka 8.

Ibitaro bya CHUK byabwiye BTN ko bigiye gukurikirana dosiye y’uyu mubyeyi gusa si ubwa mbere ibi bibaye kuko hari undi mubyeyi wo mu karere ka Gasabo wamaze amezi 7 agenda amara ye ari hanze nyuma yo kubagwa n’abaganga ntibayasubizemo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Muhanga: Urubyiruko rwiyemeje kuba umusemburo mu kwimakaza ihame...

Urubyiruko mu Karere ka Muhanga rwiyemeje kurushaho gutanga umusanzu mu...
15 October 2021 0

Dr. Habumuremyi Pierre Damien yashimiye Perezida Kagame wamuhaye...

Uwahoze ari Minisitiri w’Intebe,Dr Pierre Damien Habumuremyi,wahawe imbabazi...
15 October 2021 1

Umuhungu wa Dr Habumuremyi yarenzwe n’ibyishimo nyuma yo kumva ko se yahawe...

Perezida w’u Rwanda Paul Kagame yababariye Pierre Damien Habumuremyi wabaye...
14 October 2021 0

Perezida Kagame yababariye Dr.Pierre Damien Habumuremyi wigeze kuba...

Ashingiye ku bubasha ahabwa n’amategeko, Perezida wa Repubulika y’u Rwanda...
14 October 2021 2

Burera: Umugore yataye umugabo we amuziza ko babyaye umwana ufite...

Umugabo witwa Nkurunziza Jean De Dieu utuye mu murenge wa Cyanika mu...
13 October 2021 0

Nyabugogo:Imodoka ya Coaster yagonze umuntu wari uyiryamye munsi ahita...

Hafi ya gare ya Nyabugogo mu gikari cya Sitasiyo ya lisansi ya kompanyi ya...
13 October 2021 1