skol
Kigali

Ngororero: Umurambo wataburuwe ushyingurwa na ba nyirawo nyuma yo guhabwa abandi bantu

Amakuru   Yanditswe na: Dusingizimana Remy 19 October 2021

Umuryango wo mu Murenge wa Gatumba mu Karere ka Ngororero washyinguye umuntu wabo nyuma yo gutabururwa aho yari yashyinguwe n’undi muryango wari wamwibeshyeho ku burangane bw’ibitaro byawuhaye umurambo utari uw’umuntu wabo.


Uyu muturage witwa Mutuyeyezu Alexis witabye Imana, yagombaga gushyingurwa tariki 15 Ukwakira 2021 gusa umuryango we wagiye gufata umurambo ku bitaro bya Muhororo usanga ntawo.

Byaje kumenyekana ko uwo murambo wajyanywe n’undi muryango ndetse ukawushyingura uzi ko na wo ushyinguye umuntu wabo.

Abo mu muryango wa nyakwigendera Mutuyeyezu basabye guhabwa umurambo w’umuntu wabo kugira ngo bajye kumushyingura bituma utabururwa aho wari washyinguwe usubizwa mu Bitaro bya Muhororo kugira ngo habanze hakorwe igenzura ry’iki kibazo.

Uyu muryango waje kumenya ko uwo murambo ari uw’umuntu wabo, baza kuwushyingura kuri iki Cyumweru tariki 17 Ukwakira 2021 mu irimbi rya Gatumba.

Ubuyobozi bw’Ibitaro bya Muhororo, buvuga ko habayeho ikibazo cy’uburangare ku muganga watanze imirambo bikaba byaranatumye n’Urwego rw’Igihugu rw’Ubugenzacyaha (RIB) rutangira gukora iperereza kugira ngo harebwe nib anta bikorwa bigize icyaha byaba byarabayemo.

Ubuyobozi bw’ibi bitaro kandi butangaza ko na bwo buri gukora igenzura n’isesengura kugira ngo harebwe niba kiriya gikorwa cyari kigambiriwe ku buryo uwagikoze yagihanirwa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Covid-19: Abakuze mu Rwanda batangiye guterwa doze ‘ya gatatu’ y’urukingo...

Abagejeje ku myaka 50 mu Rwanda batangiye guhabwa doze ya gatatu y’urukingo...
30 November 2021 0

U Rwanda rwakiriye inkura zera 30 zivuye muri Africa y’Epfo

Inkura 30 zera zinjijwe mu cyanya cy’inyamaswa cy’Akagera zivanywe muri...
29 November 2021 0

MINISANTE yahishuye umwanzuro wafashwe ku bagenzi binjira mu Rwanda...

Mu rwego rwo gukumira ikwirakwira ry’ubwoko bushya bwa COVID-19 biswe...
29 November 2021 0

U Rwanda rwasubijeho itegeko ryo kwishyira mu kato ku bantu baturutse mu...

Kubera ubukana bw’ubwoko bushya bwa Covid-19 bwagaragaye muri Afurika...
27 November 2021 0

U Rwanda rugiye kohereza muri Qatar abakozi bazanafasha mu gikombe...

Kaminuza yigisha iby’ubukerarugendo mu Rwanda imaze gusinya amasezerano yo...
27 November 2021 1

Perezida Kagame yagiriye urugendo muri RDC [AMAFOTO]

Perezida wa Repubulika,Paul Kagame yageze i Kinshasa kuri uyu wa Kane,...
25 November 2021 0