skol
Kigali
Fortebet

Perezida Kagame yahaye imidali y’Ishimwe abasirikare ba MINUAR bagumye mu Rwanda bagatabara Abatutsi muri Jenoside

Amakuru   Yanditswe na: Dusingizimana Remy 4 July 2022

Perezida wa Repubulika y’u Rwanda Paul Kagame, yahaye impeta y’ishimwe izwi nk’Indengabaganizi, Abajenerali babiri mu ngabo za Ghana ku musanzu batanze mu rugamba rwo kubohora u Rwanda ubwo bari mu ngabo z’Umuryango w’Abibumbye zari zishinzwe kugarura amahoro mu Rwanda (MINUAR).

Abahawe Umudari w’Indengabahizi ni Rtd. Maj Gen Henry Kwami Anyidoho wari Umugaba wungirije wa MINUAR, na Rtd. Maj Gen Joseph Adinkra bombi bagumye mu Rwanda igihe Loni yari yafashe icyemezo cyo gukura ingabo zayo mu Gihugu.

Gen. Henry Kwami Anyidoho yashimiwe ko yabaye intangarugero mu buyobozi akanagira amahitamo meza ubwo yafataga icyemezo cy’uko Ingabo za Ghana zikomeza kurinda abasivili mu gihe izo mu bindi bihugu zari zihisemo gutaha.

Perezida Kagame yashimye umuhate w’aba bajenerali bari mu kiruhuko cy’izabukuru kuba batarageze ikirenge mu cy’abandi bahunze cyangwa bagacyurwa n’ibihugu byabo, ahubwo bagahitamo kuguma mu Rwanda kandi bagakora igikwiye.

Yavuze ko hashize igihe kirekire u Rwanda rutekereza kubashimira nk’uko rwagiye rubikorera n’abandi mu bihe bitandukanye.

Ati “Ndabashimira ubwitange n’umurava mwagaragaje aho abandi bahunze cyangwa bagatwarwa na guverinoma zabo bagatererana Abanyarwanda. Aba bajenerali bo bahisemo kuhaguma bakomez akuyobora abantu babo [abagabo n’abagore] kandi bakora igikwiye."

"Binyuze muri mwe, turashima Guverinoma n’Abanye-Ghana ku bw’iki cyemezo. Batayo y’Abanya-Ghana yakijije ubuzima bw’abatari bake mu bihe bibi. Nta musirikare n’umwe mu babigizemo uruhare udafite ibikomere bitagaragara ku mutima we uyu munsi.”

Ghana yari ifite abasirikare bagera kuri 850 mu Ngabo za MINUAR zari mu Rwanda mu gihe cya Jenoside yakorewe Abatutsi. Gen Henry Kwami Anyidoho, ni we wari wungirije General Romeo Dallaire ku buyobozi bw’izo ngabo.

Mu gihe cya Jenosde,Loni yakuye abasirikare bayo mu Rwanda basiga mu mazi abira Abatutsi benshi bari babahungiyeho bituma benshi cyane bicwa n’abicanyi bari bakomwe mu nkokora mbere.

Impeta y’ishimwe “Indengabaganizi” ihabwa umuntu cyangwa itsinda ry’abantu bakoze ibikorwa mu buryo bw’intagarugero birimo ubwitange buhebuje, batitaye ku buzima bwabo kugira ngo bakize ubuzima bw’umuntu umwe cyangwa benshi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Volcano Express igiye kuza gutanga umusada mu gutwara abagenzi I...

Urwego Ngenzuramikorere (RURA) rwatangaje ko mu rwego rwo gukemura ikibazo...
7 August 2022 0

Karongi: Bamwe mu bakobwa bari kwiteza inda kugira ngo bahabwe amafaranga...

Bamwe mu bakobwa n’abagore bo mu murenge wa Ruganda,mu karere ka Karongi...
3 August 2022 0

Ibyo wamenya kuri ba Minisitiri bashya, Dr Ngabitsinze w’Umukarateka na...

Perezida wa Repubulika yashyizeho Abaminisitiri bashya uyu munsi, aho Dr....
30 July 2022 0

Mu Rwanda:Impanuka ikomeye yahitanye abantu babiri abandi barakomereka...

Mu Karere ka Gasabo, Umurenge wa Kimironko, mu Kagari ka Kibagabaga Imodoka...
21 July 2022 1

Rubavu: Ubuyobozi bugiye kugoboka ba baturage bari batangiye kugurisha...

Mu minsi ishize nibwo abaturage bo mu Murenge wa Rubavu batangaje ko...
21 July 2022 0

Minisitiri Gatabazi yavuze amagambo yihariye ku mwuzukuru wa 2 wa Perezida...

Ange Kagame, umukobwa umwe rukumbi wa Perezida Kagame, yibarutse ubuheta...
20 July 2022 0