skol
Kigali
Fortebet

Perezida wa IBUKA mu Rwanda yavuze k’Umuyobozi wahisemo guhagararirwa n’umutetsi mu gikorwa cyo Kwibuka

Amakuru   Yanditswe na: Dusingizimana Remy 12 July 2022

Ibuka ku rwego rw’Igihugu yagize icyo ivuga ku mukozi w’Umurenge wa Rugerero mu Karere ka Rubavu wohereje utekera abanyeshuri kumuhagararira mu gikorwa cyo Kwibuka nk’umushyitsi mukuru, ivuga ko Umuyobozi w’Akarere yatinze kumufatira icyemezo.

Uyu mukozi utekera abanyeshuri biga mu Ishuri cya College Inyemeramihigo, yahagarariye umukozi ushinzwe Uburezi mu Murenge wa Rugerero, Nyiraneza Esperance na we wari woherejwe n’Umunyamabanga Nshingwabikorwa w’uyu Murenge, Murenzi Augustin.

Iki gikorwa kimaze ukwezi kurenga kibaye kuko cyabaye tariki 03 Kamena 2022 ubwo habaga umuhango wo Kwibuka ku nshuro ya 28 Jenoside Yakorewe Abatutsi wabereye ku Rwunge rw’Amashuri (GS/Groupe Scolaire) rwa Nkama.

Nyuma y’uko uyu mukozi utekera abanyeshuri ahagarariye Umukozi Ushinzwe Uburezi mu Murenge nk’Umushyitsi mukuru uhagarariye Akarere, Nyiraneza Esperance yirukanywe n’ubuyobozi bw’Akarere.

Perezida wa Ibuka ku rwego rw’Igihugu, Nkuranga Egide yashimangiye ibyatangajwe na Perezida wa Ibuka mu Murenge wa Rugerero ko iki gikorwa ari ugupfobya Jenoside Yakorewe Abatutsi.

Amakuru yamenyekanye, avuga ko ubuyobozi bw’Akarere ka Rubavu, bwamaze guhagarika uyu mukozi ushinzwe uburezi mu Murenge wa Rugerero.

Nkuranga Egide avuga ko ubuyobozi bw’Akarere bwatinze gufata iki cyemezo kuko iki gikorwa kimaze ukwezi kibaye kandi inzego zitandukanye zarahise zikora raporo zigaragaza iki kibazo.

Nkuranga avuga ko Umunyamabanga Nshingwabikorwa w’Umurenge wa Rugerero ndetse n’abarokotse bahise bakora raporo bakayishyikiriza ubuyobozi bw’Akarere ubwo iki kibazo cyari kikimara kuba.

Yagize ati “Ikosa ndarishyira ku Muyobozi w’Akarere, kuki yananiwe gufata icyemezo? Reba hashize ukwezi harabuze ufata icyemezo.”

Perezida wa Ibuka ku rwego rw’Igihugu avuga kandi ko komite ishinzwe imyitwarire ku rwego rw’Akarere yateranye nyuma yo kwakira iriya raporo y’Umunyamabanga Nshingwabikorwa n’abarokotse ikanafata icyemezo cyo kwirukana uriya mukozi ariko Umuyobozi w’Akarere akanga gushyira umukono kuri iki cyemezo.

IVOMO: RADIOTV10

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Minisitiri Mbabazi yavuze ku rupfu rwa Yanga na Buravan "batumye...

Minisitiri w’urubyiruko n’umuco Rosemary Mbabazi yatangaje ko yashenguwe...
17 August 2022 1

Indwara y’ Amavunja ifatwa nk’iyacitse mu Rwanda, iravugwa mu karere ka...

Mu myaka ishize, nibwo Perezida Paul Kagame yumvikanye avuga ko ikibazo...
17 August 2022 0

Umuryango wa Perezida Kagame wafashe iya mbere mu #Kwibaruza...

Perezida Kagame na Madamu we Jeannette Kagame babaruwe ubwo Ikigo cy’igihugu...
16 August 2022 0

Urukingo rwa kane rwa COVID rwabaye itegeko, hari abatangiye gukumirwa kuri...

Kuri iki Cyumweru tariki 14 Kanama 2022, ahategerwa imodoka zitwara abantu...
15 August 2022 0

Nyanza: Umugabo yaguwe gitumo ari gusambana na nyirabukwe

Umugabo w’imyaka 45 wo mu mudugudu Kigarama mu Kagari ka Kiruri mu Murenge...
14 August 2022 0

Amajyaruguru y’igihugu bugarijwe n’indwara yo kwiyahura, 25 barabigerageje

Ubuyobozi bw’intara bwabwiye Igihe ko abaturage babo bagaragaza indwa yo...
13 August 2022 0