Ikigo cy’igihugu gishinzwe ubuzima RBC kiri gupima COVID-19 abagenzi batandukanye bo mu mujyi wa Kigali kugira ngo irebe uko iki cyorezo gihagaze mu baturage nyuma yo gutanga urukingo rwa Covid-19
Ibi RBC yabikoze mu buryo bw’inyigo aho abakoresha imihanda itandukanye y’Umujyi wa Kigali bari gupimwa hagamijwe kureba ishusho y’icyorezo mu murwa mukuru w’u Rwanda.
Iki gikorwa gisanzwe kimenyerewe ku izina rya Drive Through cyatangiye uyu munsi aho kizarangira ku cyumweru tariki (…)

Ikigo cy’igihugu gishinzwe ubuzima RBC kiri gupima COVID-19 abagenzi batandukanye bo mu mujyi wa Kigali kugira ngo irebe uko iki cyorezo gihagaze mu baturage nyuma yo gutanga urukingo rwa Covid-19

Ibi RBC yabikoze mu buryo bw’inyigo aho abakoresha imihanda itandukanye y’Umujyi wa Kigali bari gupimwa hagamijwe kureba ishusho y’icyorezo mu murwa mukuru w’u Rwanda.

Iki gikorwa gisanzwe kimenyerewe ku izina rya Drive Through cyatangiye uyu munsi aho kizarangira ku cyumweru tariki 28.03.202.Biteganyijwe ko bapima abantu 2,000.

Ku munsi w’ejo,Minisiteri y’ubuzima mu Rwanda yatangaje ko umuntu umwe ari we wahitanywe na Coronavirus, mu gihe abandi 104 bashya bayanduye.

Uwapfuye ku munsi w’ejo ni umugabo w’imyaka 77 w’i Kigali. Byatumye umubare w’abamaze gupfa guhera muri Werurwe umwaka ushize uba 298.

Abantu bashya 104 banduye batumye umubare w’abamaze kwandura bose uba 21 210.

Abakize kuri uyu wa Kane babaye 99 bituma abamaze gukira bose baba 19.540. Abakirwaye bari 1.372 barimo batanu barembye.