Minisiteri y’Ubuzima mu Rwanda yatangaje ko ibikorwa by’ikingira bigiye gusubukurwa, nyuma y’uko igihugu cyakiriye inkingo 247,000 binyuze muri gahunda ya Covax, igamije gufasha ibihugu kubona inkingo za Covid-19.
Minisiteri y’Ubuzima yatangaje ko kuri uyu wa Gatandatu, u Rwanda rutangira gutanga doze ya 2 y’urukingo rwa AstraZeneca.
Abakingirwa muri iki cyiciro ni abahawe urukingo rwa mbere rw’Astra Zeneca, nyuma yo kwakira izindi nkingo z’ubwo bwoko 247,000.
Minisiteri y’Ubuzima (…)

Minisiteri y’Ubuzima mu Rwanda yatangaje ko ibikorwa by’ikingira bigiye gusubukurwa, nyuma y’uko igihugu cyakiriye inkingo 247,000 binyuze muri gahunda ya Covax, igamije gufasha ibihugu kubona inkingo za Covid-19.

Minisiteri y’Ubuzima yatangaje ko kuri uyu wa Gatandatu, u Rwanda rutangira gutanga doze ya 2 y’urukingo rwa AstraZeneca.

Abakingirwa muri iki cyiciro ni abahawe urukingo rwa mbere rw’Astra Zeneca, nyuma yo kwakira izindi nkingo z’ubwo bwoko 247,000.

Minisiteri y’Ubuzima yakomeje kuvuga ko gukingira abari mu byiciro byibasiwe kurusha ibindi bizakomeza mu gihugu hose uko u Rwanda ruzagenda rwakira ibindi byiciro by’inkingo.

Gukingirwa byatangiye nyuma y’iminsi ibiri gusa u Rwanda rwakiriye icyiciro cya mbere cy’inkingo rwemerewe muri gahunda ya COVAX mu ntangiriro za Werurwe 2021.Abakingiwe bose mu Rwanda ni ibihumbi 350.

Mu gihe u Rwanda rutaragera nibura ku rugero rwa 60% bagomba gukingirwa, buri wese arasabwa kwitwararika no kubahiriza amabwiriza yo kwirinda ari yo gusiga intera ya metero, kwambara neza agapfukamunwa no gukaraba intoki kenshi bakoresheje amazi meza n’isabune cyangwa alukolo yabugenewe.