Kuri uyu munsi mpuzamahanga w’ubwisanzure bw’itangazamakuru raporo ya 2022 igaragazwa na Reporters sans frontières (RSF) irerekana ko u Burundi n’u Rwanda byateye intambwe.
Kuri raporo y’umwaka ushize ku rutonde rw’ibihugu 180, u Burundi bwari ku mwanya wa 147 naho u Rwanda kuwa 156, byombi byari mu kiciro cy’aho ’itangazamakuru rikinizwe’.
Ku rubuga rw’icyo kigo giharanira uburenganzira bw’abanyamakuru, raporo y’uyu mwaka yerekana ko u Burundi buri ku mwanya wa 107 naho u Rwanda kuwa 136.
Umwaka (...)

Sponsored Ad

Kuri uyu munsi mpuzamahanga w’ubwisanzure bw’itangazamakuru raporo ya 2022 igaragazwa na Reporters sans frontières (RSF) irerekana ko u Burundi n’u Rwanda byateye intambwe.

Kuri raporo y’umwaka ushize ku rutonde rw’ibihugu 180, u Burundi bwari ku mwanya wa 147 naho u Rwanda kuwa 156, byombi byari mu kiciro cy’aho ’itangazamakuru rikinizwe’.

Ku rubuga rw’icyo kigo giharanira uburenganzira bw’abanyamakuru, raporo y’uyu mwaka yerekana ko u Burundi buri ku mwanya wa 107 naho u Rwanda kuwa 136.

Umwaka ushize, abategetsi muri ibi bihugu byombi bavuze ko ubwisanzure bw’itangazamakuru buhagaze neza, ibyo bamwe mu banyamakuru baho bo babona ukundi.

Mu Ugushyingo (11) 2021 leta y’u Rwanda yasohoye raporo yerekana ko ubwisanzure bw’itangazamakuru buri ku gipimo cya 93%.

Bamwe mu banyamakuru ariko babwiye BBC ko "Urebye ibibazo abanyamakuru bahura nabyo hari aho umuntu yumva ko ari imibare gusa itavuga ukuri".

Umwaka ushize Marie Chantal Nijimbere minisitiri w’itangazamakuru mu Burundi yavuze ko ku bwigenge bw’itangazamakuru ’hari akarusho’ ariko ko ’inzira ikiri ndende’.

Naho Diane Ndonse uhagarariye ishyirahamwe ry’abanyamakuru b’abagore mu Burundi yabwiye BBC ko "gushika ubu ku rubuga umumenyeshamakuru ntibamuha inkuru".

RSF ivuga ko uyu mwaka u Burundi bwazamutse imyanya 40 kubera politike ya Perezida Ndayishimiye yo korohereza itangazamakuru kwisanzura, ariko ko hari byinshi bikimeze nabi.

Igira iti: "Abanyamakuru mu Burundi baracyakorera mu bwoba bwo kugirirwa nabi cyangwa gufungwa. Ibi bishobora gukorwa n’abategetsi cyangwa impirimbanyi zo mu ishyaka riri ku butegetsi, cyane cyane Imbonerakure, zabonetse mu bikorwa byo kugirira nabi no gukubita abanyamakuru hagamijwe kubacecekesha".

Mu gihe u Rwanda rwazamutse imyanya 20 kuri raporo y’uyu mwaka, RSF ivuga ko hakiri ibikorwa bibuza itangazamakuru kwisanzura.

BBC