Mu Kagari ka Musenda Mu murenge wa Gatebe ho mu Karere ka Burera ni mujyaruguru y’igihugu niho hatuye umukecuru w’imyaka 106 bivugwa ko ariwe ukuze kurusha abandi mu Rwanda.
Uyu mukecuru ari kumwe n’abakobwa be babiri bamukoreye ibirori byo kwizihiza isabukuru y’amavuko amaze avutse.Ni mu rugo kwa Nyarugendo Jeremesiya wavutse ku itariki ya 01 Mutarama 1902 yibuka neza ko hari ku ngoma y’umwami Rudahigwa wayoboye u Rwanda.
Mu kiganiro yahaye RBA ducyesha iyi nkuru,Uyu mukecuru utakibasha (...)

Sponsored Ad

Mu Kagari ka Musenda Mu murenge wa Gatebe ho mu Karere ka Burera ni mujyaruguru y’igihugu niho hatuye umukecuru w’imyaka 106 bivugwa ko ariwe ukuze kurusha abandi mu Rwanda.

Uyu mukecuru ari kumwe n’abakobwa be babiri bamukoreye ibirori byo kwizihiza isabukuru y’amavuko amaze avutse.Ni mu rugo kwa Nyarugendo Jeremesiya wavutse ku itariki ya 01 Mutarama 1902 yibuka neza ko hari ku ngoma y’umwami Rudahigwa wayoboye u Rwanda.

Mu kiganiro yahaye RBA ducyesha iyi nkuru,Uyu mukecuru utakibasha kuvuga neza ndetse bimwe mu bimwerekeyeho akaba atabyibuka neza avuga ashidikanya ko imyaka yabonye ari ijana ndetse akongera no kubishimangira mu ijwi riranguruye. Yagize ati “ Imyaka nabonye n’ijana, n’ijana rwose yeee navutse ku ngoma y’umwami Rudahigwa uhhh na Musinga.”

Uyu mukecuru waganirizaga umunyamakuru akubita agatwenge yatangaje ko nta banga ryihariye yakoresheje kugira ngo arambe ku isi ariko ko mu byo yakundaga kurya akiri umukobwa harimo ibinyamafufu akarenzaho n’umutsima w’amasaka.Ati “Naryaga utwo nihahiraga nyine nkigira ubihaha nitwo nihahiraga nk’ utujumba n’udasaka yeeeee.”

Ku bijyanye n’umuco wa kera n’uw’ubu, Jeremesiya yavuze ko nta tandukaniro abona ririmo ahubwo ko ari ibihe byagiye bihindagurika n’ibyabo ‘oyaaa,oyaaa ntaho bitaniye.”

Uyu mukecuru avuga ko yavutse ku ngoma y’umwami Rudahigwa na Musinga

Uyu mukecuru utakibasha kumva neza avuga ko nta ndirimbo nyinshi azi,yumvikana mu ijwi ryuzuye gushima Imana yakoze ibikomeye akaba agejeje iyi myaka.Indirimbo yibuka igira iti “Ingabo z’Imana sinzibagirwa,U Rwanda ni urwawe bikiramariya’…

Yasakuje n’umunyamakuru aseka cyane avuga ko byinshi atabyibuka ariko muri bike yibuka harimo ,,nagutera iriva ntirizime ‘’’’umunyamakuru arasubiza ati ‘n’izuba’’’’.eeeeh uhhh

Yongeye gusakuza n’umunyamakuru ati ‘Sakwe Sakwe’, umunyamakuru arasubiza ati ‘Soma’ .Nyogokuru ati “Sakuza n’uwo muri kumwe.”Umunyamauru amubwira ko kimunaniye nawe ati ‘ nawe, yeeeweee’.

Kuri gahunda y’umunsi Umwe mu bakobwa we yavuze ko ariwe usigaye umwitaho kuko atakibasha guteka maze akamuha agatamira.Ku bijyanye n’igihe uyu mukecuru yavukiye umukobwa we yavuze ko bavutse bagasanga ariho kandi ko mu bo yabyaye benshi bagiye bapfa ariko ko basize abana.

Uyu mukobwa w’imyaka 50 yagize ati “Mu buzima busanzwe Mana urabona ntagishoboye guteka,iyo natetse n’uguteka uturyo nkitonda nkaduteka neza tugashya urabona nta menyo akigira mu kanwa ndaducucuma maze nkamuha agatamira akarya akabaho gutyo.

Kubijyanye n’imyaka y’umubyeyi we yavuze ko bayimenye bashingiye ku gihe bavukiye ndetse n’abo yabyaye bakita Imana mbere ye.Ati “Impamvu tuvuga y’uko yavutse muri 1902 twaravutse dusanga dukurikije n’abana yabyaye.Njyewe ubu ndi mu mwana we yabyaye yagendaga apfa nta mwana we wapfaga afite abana babiri gusa yapfaga afite nk’imbyaro eshatu cyangwa enye.”

Yavuze ko abakobwa be bana bitabye Imana ndetse ko harimo n’abandi benshi bo batamenye.Ngo babiri ba mbere barapfuye (babanjirije uyu vuga) barapfuye kandi ngo nabwo babazi.Yavuze ko azi abandi babiri bapfuye muri bane bitabye Imana.Ngo kugeza uyu mukecuru afite abakobwa batatu n’umuhugu wa kane n’abazukuru batandatu.

Atera isengesho, uyu mukecuru yashimye Imana avuga ko ari nyir’impuhwe ayisaba gukomeza kumurinda asoza avuga ko yamurinze mu izuba no mvura y’umuhindo.Ati “Yego dawe ndagushimira ko undegera ijoro n’amanywa,ukandengera izuba mu mvura y’umuhindo uri kugwa none dawe uri mu ijuru nkusabye impuhwe n’imbabazi,ungirire impuhwe nyakubahwa.Ni wowe muryango utabare imbabare.Ni wowe buzima budahenda.Amen.”


Bamwe mu bakobwa b’uyu mukecuru bari kumwe n’umunyamakuru