skol
Kigali

Umunyamakuru Jado Castar ukundwa na benshi mu busesenguzi bw’Imikino yafunguwe

Amakuru   Yanditswe na: Dusingizimana Remy 14 May 2022

Umunyamakuru wa B&B FM,Jado Castar wahoze ari Visi Perezida wa Kabiri ushinzwe Amarushanwa mu Ishyirahamwe Nyarwanda ry’Umukino wa Volleyball (FRVB),yamaze gufungurwa nyuma yo kurangiza igihano yari yahawe.

Amakuru y’ifungurwa Castar,yatangajwe ku mbuga nkoranyambaga na mugenzi we bakorana kuri B&B FM UMWEZI,Imfurayacu Jean Luc,wagize ati "Imana ishimwe ko yabanye nawe mu mezi 8 ashize…Turishimye, Turanashima."

Aya makuru kandi yashimangiwe kandi na David Bayingana, inshuti ye magara bakoranye kuva kuri Radio Salus, Radio 10 kugeza bashinze radio yabo ya B&B FM UMWEZI.

Bayingana yagize ati "Umuvandimwe yagarutse.Rutambuka aho amakenga atinya, Uw’isuli Murasana Isuku..

Kaze Neza Bagirishya Yohana W’Imana (CASTAR) Ngwino Tugutere Umubavu Mushya Twongeye Kuyo Wasize.. "

Urukiko Rukuru rwakatiye igifungo cy’amezi 8 Umunyamakuru Bagirishya Jean de Dieu [Jado Castar], wahamijwe icyaha cyo gukoresha inyandiko mpimbano nawe ubwe yiyemereye.

Jado Castar yatawe muri yombi muri Nzeri 2021 nyuma y’aho ikipe y’u Rwanda y’abagore yari imaze gusezererwa mu gikombe cy’Afurika cy’abagore cyabereye mu Rwanda kubera gukinisha abakinnyi badafite ibyangombwa.

Castar wari Visi Perezida wa Kabiri ushinzwe Amarushanwa mu Ishyirahamwe Nyarwanda ry’Umukino wa Volleyball (FRVB), yari yakatiwe igifungo cy’imyaka ibiri n’Urukiko Rwisumbuye rwa Gasabo.

Yaje kujuririra Urukiko Rukuru ari narwo rwamukatiye gufungwa amezi umunani mu mwanzuro warwo wasomwe kuwa Mbere tariki 7 Werurwe 2022.

Mu bujurire bwe, Jado Castar yari yatakambiye Urukiko, arusaba kumugabanyiriza ibihano kuko mu kuburana kwe yemeye icyaha ndetse akagisabira imbabazi.

Uyu mugabo kandi yagaragaje ko ibyo yakoze byose yabikoze mu nyungu n’ishyaka ryo gukunda igihugu.

Ibyaha Jado Castar yari akurikiranyweho, bifitanye isano n’impamvu zatumye Ikipe y’Igihugu mu Bagore isezererwa muri Shampiyona Nyafurika ya Volleyball yabereye mu Rwanda hagati ya tariki ya 10 n’iya 20 Nzeri 2021.

Ikipe y’Igihugu y’u Rwanda y’Abagore yasezerewe mu Gikombe cya Afurika cya Volleyball, ishinjwa gukinisha abakinnyi bakomoka muri Brésil batujuje ibisabwa.

Iri rushanwa ryasojwe ku wa 19 Nzeri 2021, ryegukanywe na Cameroun nyuma y’iminsi ibiri ridakinwa kubera kutumvikana ku cyemezo cyari gufatirwa u Rwanda.

Aline Siqueira, Apolinario Caroline Taiana, Mariana Da Silva na Moreira Bianca Gomes bakomoka muri Brésil, bakiniye u Rwanda ku nshuro ya mbere nyuma yo kugera i Kigali muri Kanama 2021.

Ni bo bagaragajwe nk’abakinnyi batujuje ibisabwa mbere y’umukino rwari rugiye guhuramo na Sénégal ku wa 16 Nzeri 2021.

Ibi byatumye hafatwa umwanzuro w’uko irushanwa risozwa hatarimo ikipe y’u Rwanda kuko yahise isezererwa.


Jado Castar n’inshuti ye bamaranye igihe kinini David Bayingana

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    Castar twari tumukumbuye imana ishimwe

    1 month ago

Inzindi nkuru

Perezida Kagame n’abandi banyacyubahiro bashyize ibuye ry’ifatizo ahazubakwa...

Perezida Kagame ari kumwe na Perezida wa Ghana Nana Akufo-Addo, Perezida...
23 June 2022 0

Amazi ya Jibu yahagaritswe kubera ubuziranenge buke yasanganwe

Ikigo cy’igihugu gishinzwe ubugenzuzi bw’imiti n’ibiribwa (Rwanda FDA)...
22 June 2022 0

RCS yabaye ihagaritse gahunda yo gusura imfungwa muri gereza zose zo mu...

Urwego rw’Igihugu Rushinzwe Imfungwa n’Abagororwa (RCSRwanda) rwatabgaje ko...
20 June 2022 0

Kamonyi:Mu ishuri rya Cyeru umunyeshuri yitabye Imana azize kumira...

Mu karere ka Kamonyi Ababyeyi bari mu gahinda gakomeye nyuma y’urupfu...
16 June 2022 0

Guverinoma y’u Rwanda yavuze icyo izakorera abimukira bo muri UK batifuzaga...

Umuvugizi wa Guverinoma y’u Rwanda, Yolande Makolo,yagiranye ikiganiro...
14 June 2022 0

Musanze: Hashyizweho "Car free zone" yo gufasha abantu kwidagadura mu mpera...

Mu karere ka Musanze hashyizweho Car Free Zone (umuhanda utageramo imodoka)...
9 June 2022 0