skol
Kigali

Umupolisi yasubije amafaranga umushoferi wari wayataye

Amakuru   Yanditswe na: Dusingizimana Remy 10 May 2022

Ku wa Mbere, taliki ya 9 Gicurasi, Polisi y’u Rwanda (RNP) yashyikirije amafaranga y’u Rwanda, ibihumbi mirongo ine (40,000 Frw) nyirayo nyuma yo gutoragurwa n’umupolisi ukorera mu Kigo cya Polisi gishinzwe kugenzura Ubuziranenge bw’Ibinyabiziga (Automobile Inspection Centre) gikorera i Remera mu Karere ka Gasabo.

Ahagana saa kumi n’ebyiri z’umugoroba, ni bwo Umupolisi witwa Senior Sergent (SSGT) Ntidendereza Fred, yari asoje akazi ke aza kubona ikofi yari yatakaye aho imodoka ziparika, arebyemo asanga harimo amafaranga n’ibindi byangombwa niko guhita abimenyesha abamukuriye.

Iyo kofi ikaba yari yatawe n’umwe mu bashoferi waje kumenyekana mu mazina ya Niyongira Hakim wari wazanye imodoka ye uwo munsi muri icyo kigo.

Umuvugizi wa Polisi y’u Rwanda, Commissioner of Police (CP) John Bosco Kabera, yavuze ko muri iyo kofi yatoraguwe, hari harimo n’uruhushya rwo gutwara ibinyabiziga ndetse n’ikarita y’akazi ari nabyo byifashishijwe mu gushakisha nyirabyo.

Yagize ati: “Ku bw’amahirwe, mu byangombwa bya Niyongira Hakim byatoraguwe, hari hariho nimero ze za telefoni ari nazo zahamagawe, nyirazo asabwa ubusobanuro bwahujwe n’amakuru y’ibyatoraguwe mbere y’uko abisubizwa.”

CP Kabera yakomeje agira ati:”Ibi birasanzwe ko Polisi itoragura amafaranga, ibyangombwa ndetse n’ibindi bikoresho bitandukanye ikabishyikiriza ba nyirabyo. Ni kimwe mu biranga Polisi y’u Rwanda nk’urwego rushinzwe kurinda abantu n’ibintu byabo kandi biri mu ndangagaciro zigomba kuranga buri mupolisi w’u Rwanda.”

Ibindi bihe byagaragayemo ibikorwa nk’ibi

Twavuga nko mu kwezi k’Ukuboza, mu mwaka ushize wa 2021, aho Umupolisi ukorera na none muri iki kigo kigenzura ubuziranenge bw’ibinyabiziga I Remera, yatoraguye amafaranga y’u Rwanda ibihumbi 15 nayo aza gusubizwa nyirayo.

Mu kwezi k’Ukwakira, muri uwo mwaka wa 2021, nibwo kandi Umupolisi wakoreraga mu Kigo kigenzura ubuziranenge bw’ibinyabiziga giherereye mu karere ka Huye, yatoraguye amafaranga y’u Rwanda angana na Miliyoni imwe (1,000,000 Frw) aho nyirayo yaje gushakishwa nawe akaza kuyasubizwa.

Muri Nyakanga, mu mwaka wa 2011, Umupolisi ukorera ku kibuga cy’indege Mpuzamahanga cya Kigali, yatoraguye amadolari y’Amerika angana n’ibihumbi mirongo ine (US$40,000) yari yatawe n’umugenzi akaba na we yaraje kuyashyikirizwa.

Ahandi ni muri Gashyantare, mu mwaka wa 2012, aho umupolisi w’inyangamugayo nawe wakoreraga ku kibuga cy’indege Mpuzamahanga cya Kigali yatoraguye igikapu cyari kirimo amafaranga akoreshwa mu muryango w’Ubumwe bw’ibihugu by’i Burayi (Euros 2,225) n’Amadorali y’Amerika ($53) yari yatawe n’Umunya Ethiopia nawe waje kuyashyikirizwa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Pan African Movement yahishuye igitera imirire mibi n’igwingira muri Afurika...

Umuryango uharanira ubwigenge, agaciro n’Iterambere by’Umunyafurika, Ishami...
22 May 2022 0

Urupfu rw’umwarimukazi w’umunyabigwi wigishije Jeanette Kagame, rwasheguye...

“Umwarimu mwiza ameze nka buji (bougie)-irashonga kugira ngo imurikire...
20 May 2022 0

Rusizi: Umugore yanze ko bashyingura umugabo we wiyahuye kubera...

Umugore wo mu Murenge wa Kamembe mu Karere ka Rusizi uherutse gupfusha...
20 May 2022 0

Abimukira bazava UK bateguriwe amazu meza cyane yo kubamo [AMAFOTO]

Guverinoma y’u Rwanda yatangaje ko hamwe mu hagomba gucumbikirwa abimukira...
20 May 2022 0

"Gutitiriza usaba igitsina niba ari icyaha nta mugabo uzasigara"-Karegeya

Nta gihe gishize ,Urukiko rutegetse ko Prince Kid wateguraga irushanwa rya...
19 May 2022 0

Gasabo: Umusore yambuwe n’indaya ata umutwe ajya kuryama mu irimbi

Ahagana saa yine za mu gitondo kuri uyu wa Mbere tariki ya 16 Gicurasi 2022...
17 May 2022 0