Abanyarwanda 17 bari bamaze igihe bafungiwe mu gihugu cya Uganda bagejejwe ku mupaka wa Kagitumba kuri uyu wa Gatatu tariki ya 5 Gicurasi 2021. Mu bazanywe harimo ab’igitsinagore batatu n’ab’igitsinagabo 14.
Abageze ku mupaka bavuga ko bari bamaze igihe bafungiye muri gereza zitandukanye muri icyo gihugu.
Aba banyarwanda 17 baje bakurikira abandi icyenda barimo umugore umwe n’abari abayobozi ba ADEPR muri Uganda bari bamaze igihe bafungiwe muri Uganda,barekuwe kuwa 03 Mata 2021. (…)

Abanyarwanda 17 bari bamaze igihe bafungiwe mu gihugu cya Uganda bagejejwe ku mupaka wa Kagitumba kuri uyu wa Gatatu tariki ya 5 Gicurasi 2021. Mu bazanywe harimo ab’igitsinagore batatu n’ab’igitsinagabo 14.

Abageze ku mupaka bavuga ko bari bamaze igihe bafungiye muri gereza zitandukanye muri icyo gihugu.

Aba banyarwanda 17 baje bakurikira abandi icyenda barimo umugore umwe n’abari abayobozi ba ADEPR muri Uganda bari bamaze igihe bafungiwe muri Uganda,barekuwe kuwa 03 Mata 2021.

Abenshi mu bazanywe icyo gihe,bari bafungiwe muri Gereza ya Mbuya no mu mabohero y’Urwego rushinzwe Ubutasi mu Gisirikare, CMI. Bose bahuriza ku kuba bafatwaga nabi, bagakubitwa, bakarazwa mu mazi babwirwa ko impamvu bakorerwa ibyo ari uko ari ba maneko b’u Rwanda.

Kuva mu 2017, Abanyarwanda bakorera ibikorwa binyuranye muri Uganda bagiye batabwa muri yombi, bagakorerwa iyicarubozo ry’inkazi bashinjwa kwitwa intasi. Basabwa kuyobora umutwe wa RNC kugira ngo barekuwe, abanze bakagirirwa nabi.

U Rwanda rwakunze gusaba Uganda kureka ibi bikorwa, ariko ibiganiro bimaze imyaka hafi ine ntacyo biratanga.