skol

Abanyarwanda 32 barimo abana 3 bari bafungiye i Mbarara barekuwe

Amakuru   Yanditswe na: Dusingizimana Remy 12 August 2021

Mu gitondo cyo kuri uyu wa Kane tariki 12 Kanama 2021, u Rwanda rwakiriye abandi banyarwanda 32 barimo abagore batanu (5) n’abana batatu (3) n’abagabo 24 bari bamaze iminsi bafungiye muri Uganda mu buryo bunyuranyije n’amategeko.


Aba banyarwanda bakiririwe mu Mupaka wa Kagitumba mu Karere ka Nyagatare,ahagana saa moya n’igice za mu gitondo bakirirwa ku biro bishinzwe abinjira n’abasohoka.

Bose uko 32 bagiye bafatirwa mu bice byegeranye n’umupaka uhuza Ibihugu by’u Rwanda na Uganda bimaze iminsi bibanye nabi.

Bari bafungiye muri gereza ya Cyamugoranyi iherereye i Mbarara muri Uganda dore ko bamwe muri bo banafatiwe hariya i Mbarara.

Bamwe bari bamaze amezi 2 aho inzego za Uganda zabashinjaga ibyaha binyuranye byumvikana nk’urwitwazo rwo kugira ngo kiriya gihugu gikomeze imigambi yo kubanira nabi u Rwanda.

Ku wa Gatanu w’icyumweru gishize ahagana saa mbiri z’igitondo, inzego zishinzwe abinjira n’abasohoka muri Uganda zirukanye ku bataka bw’icyo gihugu Abanyarwanda 23,zibajugunya ku mupaka wa Kagitumba mu Karere ka Nyagatare.

Abirukanywe ni abagabo 19, abagore batatu n’uruhinja, kuri ubu bakaba bakiri ku ruhande rwa Uganda aho bagiye kurekurirwa u Rwanda.

Kuva mu 2017, Abanyarwanda bakorera ibikorwa binyuranye muri Uganda batabwa muri yombi, bagakorerwa iyicarubozo ry’inkazi bashinjwa kwitwa intasi. Basabwa kuyobora umutwe wa RNC kugira ngo barekuwe, abanze bakagirirwa nabi.

U Rwanda rwakunze gusaba Uganda kureka ibi bikorwa, ariko ibiganiro bimaze imyaka hafi ine ntacyo biratanga.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Gasabo: Umugore yatwitse moto n’ibindi bikoresho by’umugabo we kubera...

Umugore witwa Mukampabuka Beatrice, wo mu mu mudugudu wa Rugina ,mu murenge...
20 October 2021 0

Ingaboz’u Rwanda zasobanuye uko zinjiye ku butaka bwa DR Congo...

Ingabo z’u Rwanda [RDF] zatangaje ko ku wa Mbere, i Bugeshi mu Karere ka...
19 October 2021 0

U Burundi nabwo bwashyikirije u Rwanda abarwanyi 11 bo muri...

Kuri uyu wa Kabiri tariki ya 19 Ukwakira 2021, ku mupaka wa Nemba mu Karere...
19 October 2021 0

Rutsiro:Minisitiri Gatabazi yijeje ubufasha abagororerwa Iwawa

Bamwe mu bagororewe n’abagororerwa mu kigo ngororamuco cya Iwawa...
19 October 2021 0

RDC: Ambasaderi Karega yavuze ku mirwano yavuzwe hagati ya RDF na...

Ambasaderi w’u Rwanda muri Repubulika Iharanira Demokarasi ya Congo, Vincent...
19 October 2021 0

Gasabo: Umugore arashinjwa kujya mu buraya we n’umugabo baryamira uruhinja...

Umugore uvugwaho gukora umwuga w’uburaya biravugwa ko mu ijoro ryacyeye...
18 October 2021 0