skol

Abatwara ibinyabiziga bararira kubera ibyo bari gukorwa na Camera izwi nka "Sofia"

Amakuru   Yanditswe na: Dusingizimana Remy 16 November 2021

Abatwara ibinyabiziga barimo kwinuba ari benshi ko bari gucibwa amande ’bikabije’, polisi yo ikavuga ko ubu ibikoresho n’abakozi byiyongereye, ko "nudafatwa n’umupolisi ufatwa na camera".


Guhera mu mpera z’icyumweru gishize abantu batangiye kwijujuta ari benshi bagaragaza ko bari kwandikirwa amande na za camera zishobora kuba zarashyizwe n’ahari ibyapa by’umuvuduko ntarengwa wa 40Km/h.

Bamwe mu baganiriye na BBC bavuga izo camera - batabona "kuko zimwe zihishwa" - ziri kubafotora zikabandikira mu buryo "ubu noneho bukabije".

Umuvugizi wa polisi y’u Rwanda yatangaje ko "abantu bagifite igihunga ariko bagomba kubimenyera."

Umwe mu batwara imodoka utifuje gutangazwa amazina yabwiye BBC ati: "Uko bigaragara ntabwo ari uguhana gusa, urabona ko leta igamije kuvana amafaranga mu bantu nta kindi."

Jean Leon Murenzi utuye mu mujyi wa Kigali avuga ko ku cyumweru gusa no kuwa mbere yandikiwe na camera inshuro eshatu amande yose hamwe angana na 75,000Frw.

Ati: "Ubu noneho birakabije, gushyira camera ahantu hari icyapa cya 40 ukongeraho kuyihisha ni ibintu bitera urwikekwe hagati yacu na leta. Uko biboneka ntabwo ari ukurwanya impanuka gusa."

Commissioner of Police John Bosco Kabera umuvugizi wa polisi y’u Rwanda yatangarije ikigo cy’itangazamakuru cya leta, RBA, ko ubu abapolisi na za camera byiyongereye ku mihanda.

Yagize ati: "Abantu rero ubwinyagamburiro busigaye ni bucyeya cyane, nudafatwa n’umupolisi urafatwa na camera."

Abaturage bavuga ko ahantu hamwe na hamwe bidakwiye gushyiraho umuvuduko ntarengwa wa 40Km/h kuko ikinyabiziga kiba kigenda "buhoro cyane".

Kabera avuga ko ibyapa biri ku mihanda hari amategeko abishyiraho kandi inzego zibishinzwe ari zo zihitamo aho bigomba kujya.

Mu ntangiriro z’uyu mwaka polisi yatangaje ko mu 2019 impanuka zo mu muhanda zapfiriyemo abantu 537, mu gihe mu mezi 10 ya 2020 zari zimaze kwica abagera kuri 500.

Kabera avuga ko 85% by’impanuka zibera mu muhanda ziba zishobora kwirindwa.

Ariko umuhate wa polisi mu guca amande mu kurwanya impanuka zo mu muhanda muri iyi minsi micye utuma hari abibaza niba polisi "yarabaye ikigo cy’ubucuruzi".

CP Kabera we ati: "Inshuro zose uzarenga ku mategeko yo kugendera mu muhanda n’ibyapa bihari camera ikakubona izakwandikira niyo byaba ari inshuro 10 cyangwa 20 cyangwa 100."

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kicukiro: Umugabo yatawe muri yombi ashinjwa kwica umugore we bapfa...

Urwego rw’Igihugu rw’Ubugenzacyaha, RIB, rwataye muri yombi Kanyamibare...
7 December 2021 0

Polisi yafashe abagabo babiri bakurikiranweho gutanga ruswa no kugurisha...

Kuri uyu wa gatandatu tariki ya 4 Ukuboza 2021, Polisi y’u Rwanda yataye...
6 December 2021 0

Nta Camera zigenzura umuvuduko, zizongera gushyirwa ku byapa biri munsi ya...

Polisi y’u Rwanda yavuze ko nta Camera zigenzura umuvuduko, zizongera...
3 December 2021 0

Rubavu: Batangiye guterwa n’abajura kubera umuriro umaze amezi 3...

Abaturage bo mu karere ka Rubavu mu murenge wa Nyamyumba bahangayikishijwe...
2 December 2021 0

Ngororero:Yafashwe amaze guca insinga z’amashanyarazi agiye kuzigurisha

Polisi ikorera mu Karere ka Ngororero kuri uyu wa Kabiri tariki ya 30...
2 December 2021 0

Nyagatare: Inkuba yakubise inka 12 n’intama 2 z’umuturage birapfa

Kuri uyu wa Kabiri,tariki ya 30 Ugushyingo 2021,mu masaha ya mbere ya saa...
30 November 2021 0