Ikipe ya APR Women Volleyball Club yahuye n’impanuka ikomeye ubwo bari bagiye mu myitozo, bageze ku i Rebero imodoka barimo igongana n’umumotari ahita yitaba Imana mu gihe abakinnyi bamwe bakomeretse bikomeye.
Iyi mpanuka yabereye i Rebero mu Karere ka Kicukiro mu Mujyi wa Kigali ubwo abakinnyi b’iyi kipe bari bagiye mu myitozo.
Iyo modoka yakoze impanuka nyuma yo kugonga umumotari wahise ahasiga ubuzima mu muhanda Rebero-Kicukiro naho yo igonga ipoto y’umuriro birangira itaye umuhanda igwa (...)

Sponsored Ad

Ikipe ya APR Women Volleyball Club yahuye n’impanuka ikomeye ubwo bari bagiye mu myitozo, bageze ku i Rebero imodoka barimo igongana n’umumotari ahita yitaba Imana mu gihe abakinnyi bamwe bakomeretse bikomeye.

Iyi mpanuka yabereye i Rebero mu Karere ka Kicukiro mu Mujyi wa Kigali ubwo abakinnyi b’iyi kipe bari bagiye mu myitozo.

Iyo modoka yakoze impanuka nyuma yo kugonga umumotari wahise ahasiga ubuzima mu muhanda Rebero-Kicukiro naho yo igonga ipoto y’umuriro birangira itaye umuhanda igwa mu nzira iyobora amazi y’imvura.

Nkuko amafoto yashyizwe hanze abigaragaza,imodoka yari itwaye aba bakinnyi yaguye mu mugende w’amazi mu gihe uyu mumotari we yahise apfa.

Umwe mu bakinnyi ba APR Women Volleyball na Team Manager bakomeretse bikomeye, nk’uko amakuru abitangaza mu gihe abandi bakinnyi 8 bakomeretse byoroheje.

Uwabonye impanuka iba yavuze ko yatewe n’ubwoba ku ruhande rw’umumotari n’umushoferi, no kuba uwari utwaye imodoka yihutaga.

Abakomeretse babajyanye kuvurirwa mu bitaro bya gisirikare i Kanombe.

APR WVC iri mu myiteguro y’imikino iteganyijwe hagati ya tariki 26-28 Igamije gushimira Abasora neza (Best Tax Payer) yateguwe n’ikigo cy’igihugu cy’Imisoro n’Amahoro.