skol

Bugesera : Umurwayi wo mu mutwe yishe se umubyara amutemaguye

Amakuru   Yanditswe na: Alphonse Bikorimana 16 October 2018

Mu murenge wa Kamabuye umusaza witwa Munyankumburwa Emmanuel, w’imyaka 66, yapfuye atemaguwe n’umuhungu we Niyonsenga Kevin ufite uburwayi bwo mu mutwe.
Ibi byabereye mu kagali ka Biharagu , umudugudu wa Munazi kuri uyu wa 15 ukwakira 2018 hagana 6h25’ nk’uko byemejwe n’ubuyobozi .


Umwe mu bana ba nyakwigendera, yavuye gusenga agasanga ibi byabaye. Yadutangarije ko nyina umubyara yamubwiye ko bagiye kujya mu murima, umusaza akamubwira ko nta mbaraga afite agasigara aryamye, nyuma umubyeyi we agarutse kureba ikintu mu rugo asanga byarangiye.

Yakomeje atangaza ko umuvandimwe we yari afite uburwayi bwo mu mutwe kuva 2016, bakaba ngo baragerageje kumuvuza , byaranagaragaraga ko yorohewe ariko bakaba batunguwe n’ibyabaye. “ Twari twaramuvuje twajyga tunamusengera , bigaragara ko hari igicamo , sinzi uko yakoze ibi”

Ubwo umunyamakuru yageraga mu rugo rwa nyakwigendera abantu benshi batangarije UMURYANGO ko yamwishe amuciyemo ibice byinshi banasaba ko yafashwa kuvuzwa kuko adakize bikazaba ngombwa ko agaruka wenda yazakora ibindi. Umwe utshatse ko tumuvuga izina yavuze ko bamwitaho by’umwihariko kavurwa kuko yabonaga agira amahane . “ njye vuba aha twahuye afite ifuni, yanarakaye ndiruka, bazamufashe bamuvure barebe ko yakira pe .”

Umuyobozi w’akarere ka bugesera ushinzwe imibereho myiza Imanishimwe Yvette yatangarije UMURYANGO ko ibyo byago babimenye kandi ko ikibazo cy’uyu musore Niyonsenga cyari kizwi kuko yavurirwaga ku bitaro by’akarere ndetsse n’ibya Ndera kandi ko na we yigeze kugerageza kwiyahura akoresheje imiti inyuranye . Yanatangaje ko abantu nk’abo bagira uko bitabwaho “ Kimwe n’abandi bose abadafite ubushobozi bitabwaho mu ngeri zinyuranye harimo no guhabwa ubuvuzi”. Anasaba abaturage gutanga amakuru ku bantu bafite uburwayi bwo mu mutwe bahinduye imyitwarire.

Nyakwigendera yahise ashyingurwa kuko yari yangirijwe bikomeye, n’ukekwaho ubwicanyi ashyikrizwa RIB kandi ngo aranagezwa kwa muganga asuzumwe.

Author : Alphonse Bikorimana

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rubavu: Igikuta cy’inzu cyagwiriye umuntu ahasiga ubuzima

Mu ijoro ryacyeye imvura nyinshi yaguye muri aka karere isenya inzu zigera...
23 January 2022 0

Rwamagana: Yatemye umuturanyi we nyuma yo gukeka ko amusambanyiriza...

Umugabo wo mu Murenge wa Gahengeri mu Karere ka Rwamagana, yashatse gutema...
23 January 2022 0

U Rwanda rwaje ku mwanya wa 6 ku isi mu bihugu bitekanye ku bagenzi bagenda...

Ubushakashatsi bwakozwe n’ikigo Bounce (usebounce.com) bwashyize u Rwanda ku...
21 January 2022 0

Uganda: Abagore bahagaritswe kwicarana imbere n’abashoferi b’amakamyo mu...

Abacuruzi b’abagore muri Uganda ntibazongera kwemererwa kwicara hamwe...
21 January 2022 0

Kayonza: Abakobwa 2 bari inshuti bapfuye umusore umwe atera mugenzi we...

Abakobwa babiri bari mu kigero cy’imyaka 28 bo mu Karere ka Kayonza mu...
21 January 2022 0

Musanze: Abagabo babiri batawe muri yombi bakekwaho gutema inka...

Abagabo babiri bo mu Karere ka Musanze, Umurenge wa Kinigi, batawe muri...
20 January 2022 0