skol

Gakenke: RIB yafunze Gitifu w’umurenge nabo bari kumwe bagaragaye bahondagura umumotari

Amakuru   Yanditswe na: Dusingizimana Remy 6 July 2021

RIB yafunze Hakuzimana Valens, Umunyamabanga Nshingwabikorwa w’Umurenge wa Muhondo mu Karere ka Gekenke n’abandi bari kumwe bagaragaye ku mashusho ku mbuga nkoranyambaga bakubita umumotari wari utwaye imizigo i Kigali binyuranyije n’amabwiriza ya guma mu Karere mu rwego rwo kwirinda COVID-19.

Mu mashusho yakwirakwiriye ku mbuga nkoranyambaga,yagaragaje,uyu mumotari wari utwaye imizigo agera ahari uyu gitifu n’abakorerabushake bashinzwe kurinda ishyirwa mu bikorwa ry’amabwiriza yo kwirinda Covid-19,bamusaba guparika moto ye aranga ayivaho arayisunika hanyuma baramukubita brangije baramuzirika.

Amakuru avuga ko ibi bintu byabereye mu karere ka Rulindo ndetse uyu mumotari ngo yaganaga mu karere ka Gakenke.

Umuryango CLADHO urengera Uburenganzira bwa muntu mu Rwanda ubinyujije kuri Twitter wakoresheje iyi videwo usaba Polisi y’u Rwanda,RIB,n’Ubuyobozi bw’akarere ka Gakenke kurenganura uyu mumotari.

Bwagize buti "Ntibikwiye ko abaturage bahohoterwa muri ubu buryo kuko hariho ibiteganyirizwa abakosheje cg barenze ku mabwiriza! Turasaba ko Polisi y’u Rwanda,RIB,bakurikirana ibi bintu ngo byabereye Muhondo mu karere ka Gakenke kandi bivugwa ko na ES w’Umurenge ari muri bo."

Polisi y’u Rwanda yahise isubiza CLADHO Rwanda iti "Murakoze ku makuru muduhaye, yafashwe ashaka kuva mu Karere ka Rulindo ajya mu Karere ka Gakenke nta ruhushya yasabye. Yakubise umuhuzabikorwa w’umurenge, urubyiruko rw’abakoranabushake baratabara. Ikijyanye no gukubitwa kirakurikiranwa.

Uyu Munsi RIB yatangaje ko yataye muri yombi abakubise uyu mumotari ndetse ko bakurikiranweho ibyaha by’iyica rubozo, gukubita no gukomeretsa umuturage mu gihe bagenzuraga ishyirwa mu bikorwa ry’amabwiriza yo kwirinda COVID-19.

Uretse Umunyamabanga Nsingwabikorwa w’Umurenge wa Muhondo muri
wo mu karere ka Gakenke,HAKUZIMANA VALENS hatawe muri yombi kandi Umuhuzabikorwa w’urubyiruko mu murenge , NZAMURAMBAHO, Umuyobozi w’umudugudu wa Gahama DIEUDONNÉ.Bose bakurukinyweho gukubita uyu muturage.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rubavu: Batangiye guterwa n’abajura kubera umuriro umaze amezi 3...

Abaturage bo mu karere ka Rubavu mu murenge wa Nyamyumba bahangayikishijwe...
2 December 2021 0

Ngororero:Yafashwe amaze guca insinga z’amashanyarazi agiye kuzigurisha

Polisi ikorera mu Karere ka Ngororero kuri uyu wa Kabiri tariki ya 30...
2 December 2021 0

Nyagatare: Inkuba yakubise inka 12 n’intama 2 z’umuturage birapfa

Kuri uyu wa Kabiri,tariki ya 30 Ugushyingo 2021,mu masaha ya mbere ya saa...
30 November 2021 0

Kicukiro: Imodoka yari itwaye abanyeshuri yafashwe n’inkongi y’umuriro

Imodoka yari itwaye abanyeshuri yafashwe n’inkongi y’umuriro ubwo yari mu...
30 November 2021 0

Rubavu: Akarere kiyemeje guhangana n’abiyise abuzukuru ba shitani bazwiho...

Abasore n’abana bazwi ku izina ry’abuzukuru ba shitani bamaze imyaka myinshi...
29 November 2021 0

Abanyeshuri 3 barohamye mu kiyaga cya Burera bagiye koga

Abanyeshuri batatu bigaga mu kigo cy’Ishuri cy’imyuga cya Centre pour la...
29 November 2021 0