skol

Gasabo: Abantu 4 bahitanwe n’inzoga z’inkorano banyoye bakabanza guhuma

Amakuru   Yanditswe na: Dusingizimana Remy 27 December 2021

Mu Mujyi wa Kigali, Akarere ka Gasabo mu Murenge wa Kimihurura,mu mudugudu w’intambwe wo mu kagali ka Kimihurura ahazwi nko mu Myembe, haravugwa urupfu rw’abaturage 4 n’abandi 3 bajyanywe mu bitaro, nyuma yo kunywa inzoga z’inkorano mu kabari ko mu rugo rw’umuturage.

Amakuru aravuga ko abapfuye barimo umugore umwe n’abagabo batatu bivugwa ko bazize inzoga yitwa "umuneza".

Abatuye muri uyu mudugudu babwiye itangazamakuru ko ari uburozi bashyiriwemo kuko imyaka bamaze banywa iyi nzoga ntacyo yabatwaye.

Abo bantu bivugwa ko bashizemo umwuka mu masaha atandukanye yo mu gitondo cyo kuri kuri uyu wa Mbere taliki ya 27 Ukuboza.

Imwe mu mpamvu haketswe izo nzoga ni uko abamerewe nabi bose ari abazinyoyeho bakanarenza urugero, ndetse zikaba zirimo ikinyabutabire cya ethanol.

Umunyamabanga Nshingwabikorwa w’Akagari ka Kimihurura, Ruzibiza Wilson, yavuze ko ayo makuru bayamenye ndetse n’inzego zishinzwe iperereza ziri gushaka intandaro nyirizina y’urupfu rwabo.

Ruzibiza yavuze ko batangiye bagaragaza ibimenyetso bitandukanye birimo guhuma no kuribwa mu nda.

Yagize ati: “Hari utuyoga twa make bajya bagurisha dupfundiye tugura 300frw, 400frw. Abantu bagiye bapfa bagiye bagaragaza ikibazo cyo guhuma no kuribwa mu nda, kenshi bijya bikunda kugaragara ku bantu banyoye ibintu birimo ethanol. Turasaba abantu kwitondera ibyo basanzwe banywa, bakanashishoza kuko iminsi mikuru ntibivuze kwiyahuza ibisindisha.”

Umuvugizi w’Urwego rwIgihugu rw’Ubugenzacyaha (RIB), Dr Murangira B Thierry yabwiye itangazamakuru ko iperereza ryatangiye ngo hamenyekane intandaro y’urwo rupfu.

Zimwe mu nzoga aba baturage banywaga harimo Umuneza,Tuzane ndetse n’izindi.

Amakuru aravuga ko Minisiteri y’Ubuzima ifatanyije n’Ikigo cy’Igihugu gishinzwe Ubugenzuzi bw’ibiribwa n’imiti (Rwanda FDA), Urwego rw’igihugu rw’Ubugenzacyaha (RIB) ndetse n’Ikigo cy’Igihugu cy’Ubuzima (RBC) batangiye gukurikirana iki kibazo cy’abantu bane bapfuye nyuma yo kunywa inzoga n’abandi batatu barembeye kwa muganga.

Amabwiriza y’Ikigo cy’Igihugu gishinzwe ubuziranenge ateganya ko umuntu wese ufatanwe inzoga z’inkorano zangirizwa muruhame agacibwa amande agenwa n’ubuyobozi bw’inzego z’ibanze, mu gihe ufatanywe ibiyobyabwenge birimo urumogi , kanyanga n’ibindi akurikiranwa n’ingingo ya 263 mugitabo giteganya ibyaha n’ibihano muri rusange.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

U Rwanda rwavuze icyo rwiteguye gukora igihe intambara yo muri RDC yakomeza...

Umuvugizi wungirije wa Leta y’u Rwanda, Alain Mukurariranda yabwiye Ijwi...
27 May 2022 0

Nsabimana Callixte "Sankara"yahaye ubutumwa abo bakoranaga muri FLN...

Nsabimana Callixte uzwi nka Sankara wakatiwe igifungo cy’imyaka 15 kubera...
26 May 2022 0

Kigali: Hatawe muriyombi abasore 12 bigize abajura b’amatelefone mu buryo...

Polisi y’u Rwanda ikorera mu mujyi wa Kigali , yatangaje ko kuri uyu wa...
26 May 2022 0

Musanze: Abaturage bakutse umutima kubera ibisasu byabaguyeho biturutse RDC...

Minisitiri w’Umutekano mu Gihugu, Alfred Gasana yahumurije abaturage bo mu...
25 May 2022 0

RDF yasabye iperereza ryihuse ku bisasu byageze mu Rwanda biturutse muri...

U Rwanda rwasohoye itangazo risaba urwego rw’ingabo z’Akarere zishinzwe...
23 May 2022 0

Nyanza: Wa mugabo uheruka kwica umugore we amuziza imitugo yarasiwe muri...

Umugabo witwa Ndahayo Jean w’imyaka 43 watawe muri yombi tariki 18 Gicurasi,...
23 May 2022 1