skol

Gasabo: Inzego zishinzwe umutekano zarashe abacyekwaho ubujura bari bitwaje intwaro gakondo

Amakuru   Yanditswe na: Dusingizimana Remy 17 May 2022

Inzego zishinzwe umutekano mu Rwanda zarashe abasore bakekwaho ubujura nyuma yo kubasangana ibyuma n’umuhoro bashaka kubarwanya.

Ibi byabereye mu Murenge wa Gisozi mu Karere ka Gasabo ku Cyumweru tariki 15 Gicurasi 2022 ,aho abasore babiri bivugwa ko ari abajura barashwe n’inzego z’umutekano barapfa.

Abaturage bashimiye polisi y’u Rwanda ngo kuko bari bazengerejwe n’ibisambo bidahwema kwambura abaturage no kubica bikabashyira mu ishyamba rya Gisozi.

Amakuru y’iraswa ry’aba basore babiri barasiwe ku rugabano rw’Umurenge wa Gisozi n’uwa Jabana yamenyekane mu gitondo cyo ku Cyumweru aho basanganwe intwaro gakondo zirimo umuhoro ,ibyuma n’umukasi ngo nyuma yo gushaka kurwanya inzego z’umutekano nibwo byarashwe.

Aba baturage bavuga ko bishimiye iki gikorwa kuko ngo muri aka gace umutekano wari umaze kuzamba.

Umwe avuga ko abakora ibikorwa byo kwiba bagakwiye gushaka ubindi bakora , undi ashimangira ko umwe mu barashwe amuzi neza ko yari yarabazengereje I Batsinda ati’’Ibintu mwakoze ni uburyohe’’

Umunyamabanga nshingwabikorwa w’Umurenge wa Gisozi ,Musasangohi Providence yabwiye BTN TV dukesha iyi nkuru ko abarashwe bari ku rutonde rw’ibisambo byashakishwaga ariko ko inzego z’umutekano zitari zizi ko bari buze kwiba kuri uwo munsi bityo ko asaba abaturage ubufatanye mu kurinda umutekano cyane cyane mu gutanga amakuru kandi bigakorwa ku gihe.

Nyuma y’iraswa ry’aba babiri hari n’undi musore wahise atabwa muri yombi akekwaho kuba muri iri tsinda , Imodoka ya Polisi ikaba yarahise itwara imirambo mu gihe RIB yahise itangira iperereza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble mucukumbuzi

    Na hano RWEZAMENYO ibintu bimaze kudogera amabandi yongeye gushinga ibirindiro kimwe nindaya ziyafasha kwiba nkiyitwa CLAUDINE, ANIYATI , KIRIHAHIRA, NADIA , MAKOBWA, ANGE.. aba nibo bakorana namabandi bakiba Hari nubwo bajyaga bibisha abamotari za Moto zabo batura munsi ya Matimba Ni muti Rwezamenyo.

    1 month ago

Inzindi nkuru

RDC: Umusirikare wa FARDC yaciye ibintu nyuma yo gutsindwa na M23...

Umwe mu basirikare bivugwa ko ari mu itsinda rishinzwe kurinda umukuru...
29 June 2022 1

Gatsibo: Yatawe muri yombi azira kwiyita umukozi wa REG akambura...

Polisi y’u Rwanda mu karere ka Gatsibo yafaahe uwitwa Nkotanyi David...
27 June 2022 0

"Uyu munsi turi gihugu cyahindutse mu mutima, mu bitekerezo no ku...

Ubwo yatangizaga ku mugaragaro inama y’abakuru b’ibihugu bigize umuryango wa...
24 June 2022 0

Abagize inama nyobozi yaguye mu Umuryango PAM bahagurukiye kwigisha...

Umuryango uharanira ubwigenge n’iterambere ry’afurika ishami ry’u Rwanda PAM...
20 June 2022 0

Inyeshyamba za FLN zategeye imodoka itwara abagenzi muri Nyungwe zihitana...

Abakekwaho kuba inyeshyamba za FLN barashe ku mudoka itwara abagenzi muri...
18 June 2022 3

M23 yarashe indege ya FARDC yari ibagabyeho igitero

Umutwe wa M23 wavuze ko warashe indege y’igisirikare cya Repubulika...
17 June 2022 1