skol

Inyeshyamba bivugwa ko ari iza Gen Kayumba Nyamwasa na FDRL zarasiwe muri Kongo, uziyoboye afatwa mpiri [AMAFOTO]

Amakuru   Yanditswe na: Dusingizimana Remy, Joseph Hakuzwumuremyi 27 June 2019

Inyeshyamba nyinshi bivugwa ko ari iza RNC ya Kayumba Nyamwasa zarashwe izindi zifatirwa mpiri mu ntara ya Kivu y’Amajyepfo n’ingabo za Leta ya RDC zizwi nka FARDC.Inyeshyamba zacitse ku icumu zahungiye ahitwa Minembwe.


Kuri uyu wa Kane nibwo ikinyamakuru Chimpreports cyamenye amakuru ko umwe mu bayobozi ba RNC witwa Habib Mudasru yatawe muri yombi ndetse agiye koherezwa mu Rwanda guhatwa ibibazo.

Ifoto Chimpreports yashyize hanze yagaragaje uyu Col Habib Mudasru yicaye hasi yakomerekejwe ukuguru ndetse hari umurambo wagaragaye bivugwa ko ari uwa Cpt Sibo wari wungirije Kayumba muri RNC gusa iki kinyamakuru cyavuze ko kitabihamya neza.

Abayobozi b’inzego zibanze muri RDC bavuze ko aba basirikare atari aba RNC ahubwo ari ab’umutwe wa FDRL ushinjwa guhungira muri RDC nyuma yo gukora Jenoside mu Rwanda mu mwaka wa 1994.

Amakuru yavuze ko izi nyeshyamba zarashwe ku mugoroba wo kuwa Gatatu,inyeshyamba zimwe ziricwa izindi zirafatwa ndetse hari amafoto yagaragaje zimwe zambitswe amapingu.

Andi makuru avuga ko Colonel Mudasru Habib ariwe wayoboraga ingabo za Gen Kayumba Nyamwasa ziri muri Kongo, uyu akaba yarahoze ari umusirikare muri RPA yafashwe mpiri mu ntambara ikomeye abari muri Kongo bavuga ko yibasiye izi ngabo za Kayumba zari zimaze igihe ziyubaka zinisuganyiriza muri Kivu y’Amajyepfo.

Amakuru ahari kandi ni uko nawe agiye kuzanwa i Kigali aho ashobora kuburanishwa nk’abandi bahoze muri FDRL na Sankara nabo ubu batangiye kuburanishwa.

Amakuru ava muri Kivu y’Amajyepfo aremeza ko ubukana n’imbaraga by’abasilikali bari kurasa aba Kayumba birenze kure cyane ibisanzwe bizwi ku ngabo za DRC.

Perezida Felix Tchisekedi kuva yasimbura Kabila yahinduye byinshi mu mubano wa Kongo n’u Rwanda.

Perezida Kagame aherutse muri Kongo mu kwezi gushize aho yumvikanye na Perezida Felix Tshisekedi kurwanyiriza hamwe imitwe yitwaje intwaro iri muri Kongo.

Gen Nyamvumba, Umugaba Mukuru w’Ingabo z’ U Rwanda nawe aherutse muri Kongo mu rugendo rwamuhuje n’abayobozi nzego zitandukanye zo mu buyobozi bwa Politiki igisilikali n’iperereza bya Kongo

Kuva ku butegetsi kwa Kabila kwaje gukurikirana n’igenda rya Kikwete muri Tanzaniya ndetse n’irya Zuma muri Afurika y’Epfo, abaperezida bavuzweho gushyigikira FDRL na RNC ya Kayumba Nyamwasa.

Ubuganda bumaze iminsi bufasha abayobozi ba RNC gutambutsa ubutumwa mu binyamakuru bya Leta busaba ibiganiro na Leta ya Kigali, ari nako bakomezaga ibikorwa byo kubaka igisirikali muri Kongo gishobora kugaba ibitero ku Rwanda isaha n’isaha. Ibintu nabyo U Rwanda rushinja Uganda kuba yari ibiri inyuma.

Perezida Kagame, utemera ibiganiro n’abamurwanya uko byaba bisa kose, nawe yagiye yumvikana avuga ko hari umurongo ntarengwa ushobora kugeraho urwanya ubutegetsi bwe. Akunze kuvuga ko iyo uwurenze u Rwanda ruhaguruka rukagira icyo rukora.

Si ubwa mbere muri Kongo harasirwa imitwe irwanya leta y’u Rwanda kandi ikaraswa yari imaze kugera kure yiyubaka n’imyiteguro. Indi mitwe yari yarabashije kugaba ibitero ku Rwanda abavugizi bayo yombi batawe muri yombi mu bihugu barimo bazanwa mu Rwanda ubu bari kuburanishwa.

Abarashe ingabo za Kayumba bazimye amahirwe yo guhungira intambara mu Burundi, igihugu u Rwanda ruvuga ko nacyo gishyigikira ndetse kigakorana n’abashaka gutera u Rwanda cyane cyane FDRL. RNC ikaba yari imaze igihe yarihuje na FDRL mu ntambara yo gutera u Rwanda, ndetse n’ibihugu bibatera inkunga byahora ga bibasaba kunoza ubu bufatanye, Leta y’u Rwanda ikaba yarakomeje gutakambira ibi bihugu cyane cyane Ubuganda n’Uburundi guhagarika ubu bufatanye.





FARDC yarashe inyeshyamba bivugwa ko ari iza Kayumba Nyamwasa na FDRL ifata mpiri uwitwa Habib

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Author : Joseph Hakuzwumuremyi

Hakuzwumuremyi Joseph ni umunyamakuru utarabigize umwuga. Afite impamyabushobozi y’ikiciro cya kabili cya Kaminuza mu ikoranabuhanga n’icungamutungo. Yashinze ikinyamakuru cy’Akarere ka Gisagara, Amabengeza (ubu cyabaye Imbanzabigwi), yashinze ikinyamakuru cy’Akarere ka Bugesera, Bugesera Magazine. Yabaye umukorerabushake igihe kinini kuri Radio Salus. Ubu ni umunyamakuru usesengura inkuru za Politiki n’Umutekano ku kinyamakuru Umuryango.

Ibitecyerezo

  • Who are you?

    Amategeko n'amabwiriza birkurikizwa


  • chat_bubble mahoro jack

    Aba bo bazashirira mu mashyamba bataramenya ikibakubise!!

    June 2019

Inzindi nkuru

Rubavu: Batangiye guterwa n’abajura kubera umuriro umaze amezi 3...

Abaturage bo mu karere ka Rubavu mu murenge wa Nyamyumba bahangayikishijwe...
2 December 2021 0

Ngororero:Yafashwe amaze guca insinga z’amashanyarazi agiye kuzigurisha

Polisi ikorera mu Karere ka Ngororero kuri uyu wa Kabiri tariki ya 30...
2 December 2021 0

Nyagatare: Inkuba yakubise inka 12 n’intama 2 z’umuturage birapfa

Kuri uyu wa Kabiri,tariki ya 30 Ugushyingo 2021,mu masaha ya mbere ya saa...
30 November 2021 0

Kicukiro: Imodoka yari itwaye abanyeshuri yafashwe n’inkongi y’umuriro

Imodoka yari itwaye abanyeshuri yafashwe n’inkongi y’umuriro ubwo yari mu...
30 November 2021 0

Rubavu: Akarere kiyemeje guhangana n’abiyise abuzukuru ba shitani bazwiho...

Abasore n’abana bazwi ku izina ry’abuzukuru ba shitani bamaze imyaka myinshi...
29 November 2021 0

Abanyeshuri 3 barohamye mu kiyaga cya Burera bagiye koga

Abanyeshuri batatu bigaga mu kigo cy’Ishuri cy’imyuga cya Centre pour la...
29 November 2021 0