skol

Kicukiro: Imodoka ebyiri na moto byakoze impanuka ikomeye (Amafoto)

Amakuru   Yanditswe na: Dusingizimana Remy 6 March 2022

Imodoka ebyiri na moto byagonganiye mu Murenge wa Kicuro, Akarere ka Kicukiro mu Mujyi wa Kigali mu buryo bukomeye ariko ku bw’amahirwe ntihagira umuntu witaba Imana.

Ahagana saa Kumi n’igice zo kuri uyu wa Gatandatu tariki ya 5 Werurwe 2022, nibwo imodoka yo mu bwoko bwa ‘Rav4’ yazamukaga ijya ahagana ku Karere ka Kicukiro yagonganye n’iya ‘Land cruiser’ mu buryo bukomeye, maze umumotari wari inyuma yayo wamanukaga yerekezaga kwa Gitwaza ayigwa mu mapine.

Iyi Rav4 yarimo umushoferi mu gihe Land Cruiser yarimo umugore n’abana be batatu barimo uw’umukobwa umwe.

Kimwe mu byatangaje benshi mu bari baje kureba iyi mpanuka ni uburyo nta muntu wayipfiriyemo bitewe n’ukuntu izi modoka ebyiri zagonganye zigata ibyerekezo zarimo n’umumotari akazigwamo.

Ababonye iby’iyi mpanuka babwiye IGIHE dukesha iyi nkuru ko umushoferi wari utwaye Rav4 ari we ufite amakosa, banashimangira ko yari afite umuvuduko ukabije.

Muhire Jeanvier yagize ati “Uyu mushoferi wa Rav4 yazamukaga asa nk’ujya ku Karere ka Kicukiro, noneho aca ku modoka yari imuri imbere atarebye ko hari indi iri kumanuka, nibwo zagonganye umotari nawe wari inyuma yayo yinjira muri iyi modoka ya Land Cruiser.”

Umwe mu bari batwaye imodoka utifuje ko izina rye ritangazwa, yabwiye IGIHE ko yatunguwe n’uburyo undi mushoferi yari afite umuvuduko ukabije.

Ati “Njye namanukaga we azamuka, ashaka guca ku modoka yari imuri imbere yihuta nibwo yangonze, imodoka irahindukira umumotari nawe araza anyinjiramo.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Gasabo: Inzego zishinzwe umutekano zarashe abacyekwaho ubujura bari bitwaje...

Inzego zishinzwe umutekano mu Rwanda zarashe abasore bakekwaho ubujura...
17 May 2022 0

Sergeant Robert uherutse gutoroka u Rwanda yafatiwe muri Uganda

Ikinyamakuru Chimpreports cyatangaje ko uwahoze ari umusirikare w’u Rwanda...
16 May 2022 0

Kigali: Abamotari bahishuye impamvu bitwikira ijoro bagahenda...

Abakora umwuga wo gutwara abagenzi kuri moto mu Mujyi wa Kigali, bavuga ko...
13 May 2022 0

U Rwanda na Uganda bateye indi ntambwe ishimangira ubwiyunge

Nyuma y’uruzinduko rw’umukuru w’igihugu cy’u Rwanda Paulo Kagame muri Uganda...
13 May 2022 0

Wa mukobwa waburiwe irengero yenda kuba umubikira yabonetse

Urwego rw’Igihugu rw’Ubugenzacyaha rwatangaje ko umukobwa witeguraga kuba...
12 May 2022 1

Rwamagana:Bafashwe bagerageza guha ruswa umupolisi

Polisi y’u Rwanda, Ishami rishinzwe gutanga ibizamini by’impushya zo gutwara...
12 May 2022 0