skol

Kigali: Abantu 4 bakekwaho kwiba moto bakazihindurira mu zindi batawe muri yombi

Amakuru   Yanditswe na: Dusingizimana Remy 24 July 2021

Polisi y’u Rwanda yerekanye abantu bane bo mu Karere ka Muhanga, bakekwaho kwiba moto bakazikuramo ibyuma byazo bikimurirwa mu zindi cyangwa bagahindura ibirango byazo ku buryo ba nyirazo batabasha kurabukwa ko ari izabo.


Ahagana saa saba z’amanywa kuri uyu wa Gatandatu tariki ya 24 Nyakanga 2021, nibwo aba bagabo beretswe itangazamakuru.

Bafashwe bamaze kwiba moto enye. Bacungaga ba nyiri moto baziparitse bagahita bazibiba bakoresheje imfunguzo z’incurano, bakazijyana i Muhanga mu igaraji bagahita bazibaga.

Bamwe muri aba bajura bemeye ibyaha baregwa banabisabira imbabazi banashishikariza abandi bakorana kubireka kuko inzego z’ubutabera zabihagurukiye.

Umugabo wakoraga mu igaraji izi moto zafungurirwagamo yavuze uko yabigenzaga n’inyungu yakuragamo.

Ati “Uko njye nabigenzaga, mugenzi wanjye yazanaga moto nkamurebera umuntu ufite ishaje ibyuma tukabishyira mu nshya, ibyasigaye bikaba ari byo nyungu yanjye nkabigurisha cyangwa nkaba ari byo mpembwamo.”

Umuvugizi wa Polisi, CP Kabera John Bosco, yavuze ko aba bajura umwihariko bafite ari uwo guhindura amayeri bakibisha imfunguzo z’inkorano anasaba ba nyir’amagaraji kugira amakenga mu rwego rwo kwirinda ko ibyakozwe n’aba bagabo byababaho.

Uko ari bane bakurikiranyweho icyaha cyo kwiba gihanishwa igifungo kitari munsi y’umwaka umwe ariko kitarenze imyaka ibiri n’ihazabu y’amafaranga y’u Rwanda atari munsi ya miliyoni imwe ariko atarenze miliyoni ebyiri, imirimo y’inyungu rusange mu gihe cy’amezi atandatu cyangwa kimwe gusa muri ibyo bihano.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Musanze: Ikamyo yagonganye n’ivatiri igwa igushije urubavu [AMAFOTO]

Imbere y’Ibiro by’Akarere ka Musanze, mu gitondo cyo kuri uyu wa Kabiri...
12 October 2021 0

Huye: Umukobwa yafatanwe ibikoresho bya polisi ashaka gutuburira...

Mu gitondo cyo kuri iki Cyumweru tariki ya 10 Ukwakira ahagana saa yine...
11 October 2021 0

Rulindo: Imvura n’umuyaga byasenye inzu zirenga 200 zirimo inyubako z’ikigo...

Ubuyobozi bw’Akarere ka Rulindo bwatangaje ko bwatangiye kubarura ibyangijwe...
11 October 2021 0

Ngoma:Umunya Nigeria yasanzwe mu nzu yapfuye

Umunya-Nigeriya witwa Tukumbo Shakuru Adeite yasanzwe mu rugo rumwe rwo mu...
8 October 2021 0

Kimisagara: Mu mugezi wa Mpazi basanzemo umurambo w’umugabo

Mu murenge wa Kimisagara mu karere ka Nyarugenge munsi y’ikigo cya MAISON...
8 October 2021 0

Rusizi: Polisi yafatiye mu cyuho abasore bato bakoraga impushya mpimbano zo...

Ku mugoroba wo kuri uyu wa Gatatu tariki ya 6 Ukwakira Polisi ikorera mu...
8 October 2021 0