skol

Meteo Rwanda yongeye kuburira imvura yateza ibiza muri uku kwa gatanu

Amakuru   Yanditswe na: Joseph Iradukunda 7 May 2022

Meteo Rwanda yatanze umuburo ku myuzure n’inkangu bizaturuka ku mvura muri uku kwezi


Ikigo cy’Igihugu cy’iteganyagihe mu Rwanda kivuga ko bitewe kandi n’imvura yabonetse mu gice cya gatatu cya Mata 2022 ubutaka bukaba bwaramaze gusoma, hateganyijwe imyuzure n’inkangu byateza ingaruka zirimo kwangirika kw’imyaka n’ibikorwa remezo cyane cyane ahateganyijwe imvura nyinshi.

Hateganyijwe kandi ingaruka nziza ku bihingwa byihanganira amazi ndetse n’inzuri z’amatungo bizatuma umusaruro ubikomokaho wiyongera.

Ikigo cy’Igihugu cy’iteganyagihe mu Rwanda cyatangaje ko muri uku kwezi kwa Gicurasi 2022 hateganyijwe imvura iri hagati ya milimetero 50 na 200, aho igice cy’amajyaruguru kizagira imvura iruta iyo mu majyepfo.

Ubushyuhe bwo mu Nyanja y’Abahinde buzaba buri ku kigero gisanzwe naho ubwo mu Nyanja ya Pasifika bukaba buri munsi y’ikigero cy’ubushyuhe busanzwe, bikaba biri muri bimwe bizatera imvura iteganyijwe mu karere u Rwanda ruherereyemo hiyongereyeho isangano ry’imiyaga rigenda ryerekeza mu gice cya ruguru cy’Isi.

Biteganyijwe ko muri uku kwezi imvura izakomeza kuboneka mu gihugu ahenshi cyane cyane mu ntara y’Amajyaruguru n’iy’Iburengerazuba.

Muri Mata 2022 mu gice cya gatatu cy’ukwezi, ibice byinshi by’igihugu cyane cyane mu ntara y’Amajyaruguru, iy’Iburengerazuba, n’Umujyi wa Kigali haranzwe n’imvura yabaye nyinshi imyuzure n’inkangu byagize ingaruka kubihingwa, ibikorwa remezo n’ubuzima.

Muri rusange igiteranyo cy’imvura yaguye muri uku kwezi cyari hejuru y’impuzandengo y’imvura isanzwe igwa muri uku kwezi mu gihe k’imyaka myinshi mu bice byinshi by’igihugu.

Author : Joseph Iradukunda

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

U Rwanda na Uganda bateye indi ntambwe ishimangira ubwiyunge

Nyuma y’uruzinduko rw’umukuru w’igihugu cy’u Rwanda Paulo Kagame muri Uganda...
13 May 2022 0

Wa mukobwa waburiwe irengero yenda kuba umubikira yabonetse

Urwego rw’Igihugu rw’Ubugenzacyaha rwatangaje ko umukobwa witeguraga kuba...
12 May 2022 1

Rwamagana:Bafashwe bagerageza guha ruswa umupolisi

Polisi y’u Rwanda, Ishami rishinzwe gutanga ibizamini by’impushya zo gutwara...
12 May 2022 0

Nyagatare: Yagiye kwiba urutoki ananirwa kuva mu murima bikekwa ko yafashwe...

Ahagana mu ma saa kumi n’imwe za mu gitondo mu karere ka Nyagatare,mu...
7 May 2022 0

Gasabo: Yafunzwe ashinjwa gusambanya inkoko y’uwari umucumbikiye

Umusore w’imyaka 31 wari ucumbitse mu karere ka Gasabo arashinjwa gusambanya...
7 May 2022 0

Meteo Rwanda yongeye kuburira imvura yateza ibiza muri uku kwa...

Meteo Rwanda yatanze umuburo ku myuzure n’inkangu bizaturuka ku mvura muri...
7 May 2022 0