skol
Fortebet

Musanze: Hatewe ibindi bisasu 2 bivugwa ko byaturutse muri RDC

Amakuru   Yanditswe na: Dusingizimana Remy 10 June 2022

Ahagana mu ma saa tanu zo kuri uyu wa Gatanu tariki ya 10 Kamena 2022,mu kagari ka Nyabigoma mu murenge wa Kinigi wo mu karere ka Musanze hatewe ibindi bisasu 2 byo mu bwoko bwa Rokete bivugwa ko byaturutse muri Rutshuru muri RDC.

Mu gihe imirwano hagati ya FARDC na M23 ikomeje,ibisasu byongeye kugwa mu Rwanda nyuma y’ibindi byaherukaga guterwa i Musanze kuwa 23 Gicurasi 2022 biturutse muri RDC bikangiza inzu z’abaturage ndetse bikanabakomeretsa.

Nkuko abahaye amakuru Bwiza.com dukesha iyi nkuru babitangaje,ibi bisasu byaguye mu duce tubiri two mu mudugudu wa Gasizi wo mu Kinigi.

Aba bantu bavuze ko ibi bisasu byatewe mu Rwanda mu ma saa tanu na 45 ndetse ngo byaba byaturutse muri Tshanzu ho muri Gurupema ya Jomba muri Rutshuru.

Abatuye muri aka gace, bavuga ko kuva mu gitondo cyo kuri uyu wa Gatanu bakomeje kumva urusaku rw’amasasu ariko ko bitabatunguye kuko nubundi bimaze iminsi byumvikana hakurya muri Repubulika Iharanira Demokarasi ya Congo.

Amakuru aravuga ko ibyo bisasu byatewe mu mirima y’abaturage ariko nta muntu wakomeretse cyangwa ngo ahasige ubuzima ndetse mu masaha ashize ingabo za RDF na Polisi bahise bahagera bahumuriza abaturage ndetse babasa gukomeza imirimo yabo.

Urubuga Kivu Morning Post rwo muri RDC rwatangaje ko uyu munsi saa 10:40 [11:40 mu Rwanda] ingabo za FARDC na M23 zakozanyijeho muri Tshanzu ndetse bishoboka ko ayo ma rokete yatewe aturutse muri iyi ntambara.

Mu gitondo cyo ku wa Mbere,tariki ya 23 Gicurasi 2022, mu Karere ka Musanze humvikanye ibisasu byarashwe biturutse muri Repubulika Iharanira Demokarasi ya Congo, byaguye mu Mirenge ya Kinigi na Nyange bigakomeretsa abaturage ndetse n’ibikorwa byabo birimo inzu bikangirika.

Igisasu kimwe cyaguye ku nzu y’uwitwa Serukora wo mu Mudugudu wa Muhe Akagari ka Kampanga mu Murenge wa Kinigi kirayangiza, uretse ko abantu babiri bari bayirimo barokotse, ikindi kigwa mu murima w’umuturage.

Mu itangazo ryashyizwe hanze n’Ingabo z’u Rwanda (RDF) icyo gihe, ryahamije aya makuru, ndetse rivuga ko RDF yifuza ibisobanuro ku ntandaro y’ibi bisasu byaturutse muri Congo.

Igisirikare cy’u Rwanda cyahise gisaba itsinda ry’ingabo rishinzwe kugenzura imipaka mu karere (EJVM/The Expanded Joint Verification Mechanism) gukora iperereza ryihuse kuri ibi bisasu byarashwe n’Igisirikare cya Repubulika Iharanira Demokarasi ya Congo (FARDC).

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble citoyen

    Bimeze nko guturana n’umusazi akajya agutera amabuye hejuru y’inzu!!

    1 month ago

Inzindi nkuru

U Rwanda rwamaganye raporo ya UN irushinja ko rwateye ingabo za DR Congo...

Guverinoma y’u Rwanda yamaganye ibikomeje kuvugwa ko Ingabo zarwo zagiye...
5 August 2022 0

Gisagara:Umugeni yategerereje umukunzi we ku kiliziya bari gusezeranira...

Umukobwa wo mu Murenge wa Mukindo mu Karere ka Gisagara yategereje umuhungu...
4 August 2022 0

Nyanza: Batewe impungenge n’umusore watangiye gusambanya abana nyuma y’igihe...

Mu murenge wa Kigoma mu karere ka Nyanza hari umusore bahimbye Rukacira...
4 August 2022 0

Rubavu: Imodoka 2 zagonganye benshi bahasiga ubuzima

Mu gitondo cyo kuri uyu wa Kabiri, ahagana saa Yine, mu Murenge wa Gisenyi...
2 August 2022 0

RIB yasubije Umushinwakazi miliyoni 14 FRW zari zibwe n’umushoferi...

Urwego rw’Igihugu rw’Ubugenzacyaha (RIB), rwasubije umushoramari...
2 August 2022 0

Rubavu: Wa mukobwa washinjaga Gitifu kumukura iryinyo kuko yanze ko...

Umukobwa witwa Uwimanimpaye w’imyaka 22 y’amavuko waregaga Gitifu wa Kanzenze...
2 August 2022 2