skol

Nyanza: Ushinzwe imyitwarire y’abanyeshuri yafunzwe azira gukubita umunyeshuri bimuviramo uburwayi

Amakuru   Yanditswe na: Dusingizimana Remy 21 March 2022

Urwego rw’igihugu rw’Ubugenzacyaha (RIB) rwataye muri yombi umukozi ushinzwe imyitwarire y’abanyeshuri (Animateur) mu kigo cy’amashuri yisumbuye gihereye mu karere ka Nyanza akurikiranyweho gukubita umwana inshyi.

Nkuko amakuru dukesha Ikinyamakuru UMUSEKE abitangaza,ku wa 16 Werurwe 2022 nibwo RIB yataye muri yombi Mupenzi Paul usanzwe ashinzwe imyitware y’abanyeshuri mu kigo cy’amashuri yisumbuye cya College Maranatha riherereye mu Murenge wa Busasamana, mu Karere ka Nyanza.

Akurikiranweho gukubita umwana inshyi mu matwi bikamuviramo kujya avamo amaraso n’amashyira.

Uyu munyeshuri amaze gukubitwa hashize iminsi itatu yagiye kureba Umuforomo ushinzwe kuvura abanyeshuri abonye atamushoboye ahita ajya kumuvuza mu rindi vuriro bisa naho byoroha.

Nyuma hashize icyumweru n’iminsi mike mu matwi hakomeje kuza amaraso n’amashyira bimenyeshwa ubuyobozi bw’ikigo nabwo bufata icyemezo cyo kubimenyesha inzego zibishinzwe ngo zikurikirane icyo kibazo mu buryo bwisumbuyeho maze RIB itangira iperereza.

Mu kiganiro Umuvugizi w’Urwego rw’Ubugenzacyaha (RIB), Dr Murangira B Thierry yahaye UMUSEKE, yagize ati “Mupenzi Paul (Animateur) yiyemera ko yakubise urushyi uwo munyeshuri ariko ngo byaramugwiririye kuko hari amafaranga 200Frw yari yabuze bikekwa ko uwo munyeshuri ari we wayatwaye.”

Umuvugizi wa RIB arasaba ababyeyi n’abarezi ndetse n’undi wese ufite inshingano zo kurera umwana, ko guha umwana ibihano biremereye bihanwa n’amategeko

Dr Murangira ati “Abarezi nibitwararike, ibihano bibuza umwana uburenganzira bwe, cyangwa bimubabaza umubiri ntibyemewe.”

Amakuru aravuga ko uregwa afungiye kuri station ya RIB ya Busasamana.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyanza: Wa mugabo uheruka kwica umugore we amuziza imitugo yarasiwe muri...

Umugabo witwa Ndahayo Jean w’imyaka 43 watawe muri yombi tariki 18 Gicurasi,...
23 May 2022 0

Musanze: Ibikorwaremezo birimo amazu byangijwe bikomeye n’ibisasu 3...

Mu gitondo cyo kuri uyu wa Mbere 23 ku ya Gicurasi 2023 ,mu karere ka...
23 May 2022 0

Umuyobozi wungirije wa RGB yatawe muri yombi

RIB yataye muri yombi Dr Nibishaka Emmanuel,umuyobozi wungiririje w’Urwego...
22 May 2022 0

Nyagatare: Yafashwe yarahimbye uruhushya rwo gutwara ibinyabiziga...

Kuri uyu wa Kane tariki ya 19 Gicurasi Polisi y’u Rwanda Ishami rishinzwe...
21 May 2022 0

Umusirikare wafashwe asambanya umwana w’imyaka 15 yahawe igifungo...

Urukiko rwa Gisirikare rukorera i Kigali, rwakatiye Umusirikare wo ku rwego...
20 May 2022 0

"Abana 13,646 basambanyijwe mu myaka 3 ishize"-RIB

Urwego rw’Igihugu rw’Ubugenzacyaha (RIB), kuva mu mwaka wa 2019-2021,rwatangaj ko
19 May 2022 0