skol

Nyanza: Wa mugabo uheruka kwica umugore we amuziza imitugo yarasiwe muri Gereza

Amakuru   Yanditswe na: Rebecca UFITAMAHORO 23 May 2022

Umugabo witwa Ndahayo Jean w’imyaka 43 watawe muri yombi tariki 18 Gicurasi, 2022 akekwaho kwica umugore we bari bagiye kugabana imitungo, yamfiriye muri Kasho nyuma yo kuraswa.

Amakuru dukesha ikinyamakuru UMUSEKE cyahawe n’uwarumuturanyi w’urugo rwa Ndahayo Jean w’imyaka 43 na Nyakwigendera Niyonsaba Helarie w’imyaka 36 ,avuga ko abayobozi bababwiye ko Ndahayo yarwanyije inzego z’umutekano ziramurasa agahita apfa.

Yabwiye Umuseke ati “Yarapfuye, urabariza umuzimu mu bazima. Yapfuye ku wa Kane, ngo yarwanyije inzego z’umutekano baramurasa, yashyinguwe ku wa Gatandatu (tariki 21 Gicurasi, 2022).”

Inkuru y’urupfu rw’uriya mugabo ngo abaturage batangiye kuruvuga ku wa Gatanu bavuye gushyingura umugore we.

Hari amakuru yizewe avuga ko Ndahayo Jean yarashwe ku wa Kane tariki 19 Gicurasi, 2022.

Uko byanjyenze
Ndahayo yishe umugore we ubwo Umuhesha w’inkiko yarimo abagabanya imitungo
Byabaye mu masaha y’ikigoroba, ahagana saa kenda (15h00), ku wa Gatatu tariki 18 z’ukwezi kwa Gatanu 2022, mu Mudugudu wa Rukoma, Akagari ka Katarara, Umurenge wa Ntyazo, mu Karere ka Nyanza.

Ndahayo Jean w’imyaka 43, akekwaho kwica umugore we Niyonsaba Helarie w’imyaka 36 bari barashakanye mu buryo byemewe n’amategeko ariko bakaba batari bakibana kuko bari baratandukanyijwe n’inkiko, bakaba bari bafitanye abana 3.
Amakuru avuga ko ubwo umuhesha w’inkiko w’umwuga wigenga witwa Runyambo Chritian yazaga kurangiza urubanza rwa bariya bantu abagabanya imitungo, arangije ajya gukora Raporo y’irangiza ry’urubanza.

Umugore wa Ndahayo Jean ari we nyakwigendera Niyonsaba Helarie yaje gusanga umuhesha w’inkiko agira ngo amuhe raporo y’urubanza nibwo umugabo we yaje na we kuhamusanga afite umuhoro ahita amutema ijosi aramwica.

Ngabonzima Donat Umunyamabanga Nshingwabikorwa w’Umurenge wa Ntyazo yabwiye UMUSEKE ati “Ni byo ejo ku gicamunsi cya tariki 18 /05/ 2022 ahashyira saa kenda n’igice (15h30) nibwo twamenye inkuru y’inshamugogo ko Ndahayo Yohani yishe umugore we Hilariya. Impamvu tuvuga ko yamwishe ni uko twamufashe ahunga akaba ari kuri sitasiyo ya Ntyazo kandi arabyemera.”

Sorce:UMUSEKE

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Innocent

    Abantu nkaba baba bakwiye gupfa. Ntampamvu yo kuvuna leta ngo irabahahira

    1 month ago

Inzindi nkuru

"Uyu munsi turi gihugu cyahindutse mu mutima, mu bitekerezo no ku...

Ubwo yatangizaga ku mugaragaro inama y’abakuru b’ibihugu bigize umuryango wa...
24 June 2022 0

Abagize inama nyobozi yaguye mu Umuryango PAM bahagurukiye kwigisha...

Umuryango uharanira ubwigenge n’iterambere ry’afurika ishami ry’u Rwanda PAM...
20 June 2022 0

Inyeshyamba za FLN zategeye imodoka itwara abagenzi muri Nyungwe zihitana...

Abakekwaho kuba inyeshyamba za FLN barashe ku mudoka itwara abagenzi muri...
18 June 2022 3

M23 yarashe indege ya FARDC yari ibagabyeho igitero

Umutwe wa M23 wavuze ko warashe indege y’igisirikare cya Repubulika...
17 June 2022 1

RDF yavuze ku musirikare wa RDC warasiwe ku mupaka w’u Rwanda ari kurasa...

Mu gitondo cyo kuri uyu wa Gatanu, umusirikare wa DRC witwaje imbunda...
17 June 2022 0

Umusirikare wa Kongo yarasiwe ku butaka bw’u Rwanda

Muri iki gitondo cyo kuwa 5, ahagana saa 9h30,Umusirikare w’igisirikare cya...
17 June 2022 5