skol

Polisi mpuzamahanga y’u Rwanda yahaye iya Afurika y’Epfo ikamyo yafatiwe mu Rwanda yibwe

Amakuru   Yanditswe na: Dusingizimana Remy 9 September 2021

Ishami rya Polisi Mpuzamahanga ry’u Rwanda, kuri uyu wa Gatatu ryashyikirije irya Afurika y’Epfo imodoka ya rukururana (Remoroki) yibwe umunyemari w’umunya Afurika y’Epfo André Hannekom.

Iyi modoka yafashwe mu kwezi kwa Gicurasi ubwo yinjiraga mu Rwanda yikoreye imizigo yerekeza muri Repubulika ya Demokarasi ya Kongo.

Jean Bosco Zingiro, ukora mu ishami rya Polisi Mpuzamahanga mu Rwego rw’Igihugu rw’Ubugenzacyaha (RIB), yavuze ko iyo romoroke ikimara kwibwa, Polisi Mpuzamahanga ya Pretoria muri Afurika y’Epfo yahise iyigaragaza mu buryo bw’ikoranabuhanga ikoresha, bityo itangira gukurikiranwa aho ari ho hose yanyura ku mupaka.

Avuga ko imodoka yaje gufatwa ivuye muri Tanzania yerekeza muri Repubulika ya Demukarasi ya Kongo inyuze mu Rwanda, ihita ifatwa.

Zingiro avuga ko mu rwego rwo kurwanya ibyaha byambukiranya imipaka, hari ikoranabuhanga, Polisi mpuzamahanga ikoresha mu bihugu byose ribasha gutahura uwakoze icyaha.

Yasabye abakora ubucuruzi kwitonda mu gihe bagiye kugura imodoka, bakabanza kumenya niba iyo modoka idashakishwa.Ati "Mbere yo kugura imodoka,umuntu ajya aabnza amenye ibyayo."

Warrant Officer Matome Peter Mmamorobela, ukorera mu Ishami rya Polisi Mpuzamahanga ya Afurika y’Epfo, yavuze ko yishimiye kuba iyi modoka yarabashije gufatwa ikaba igiye gushyikirizwa nyirayo.

Yashimiye imikoranire hagati ya Polisi Mpuzamahanga ya Kigali n’iya Pretoria, avuga ko imikoranire yagenze neza kuva mu ntangiriro kugeza iyi modoka ibonetse.

Nyuma yo gushyikirizwa iyo modoka, Warrant Officer Matome Peter Mmamorobela yavuze ko umushoferi wayo agiye kongera kuyisubiza muri Tanzania, hanyuma ikazakomeza yerekezwa muri Afurika y’Epfo igashyikirizwa nyirayo.

Inkuru ya Kigali Today

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Musanze: Ikamyo yagonganye n’ivatiri igwa igushije urubavu [AMAFOTO]

Imbere y’Ibiro by’Akarere ka Musanze, mu gitondo cyo kuri uyu wa Kabiri...
12 October 2021 0

Huye: Umukobwa yafatanwe ibikoresho bya polisi ashaka gutuburira...

Mu gitondo cyo kuri iki Cyumweru tariki ya 10 Ukwakira ahagana saa yine...
11 October 2021 0

Rulindo: Imvura n’umuyaga byasenye inzu zirenga 200 zirimo inyubako z’ikigo...

Ubuyobozi bw’Akarere ka Rulindo bwatangaje ko bwatangiye kubarura ibyangijwe...
11 October 2021 0

Ngoma:Umunya Nigeria yasanzwe mu nzu yapfuye

Umunya-Nigeriya witwa Tukumbo Shakuru Adeite yasanzwe mu rugo rumwe rwo mu...
8 October 2021 0

Kimisagara: Mu mugezi wa Mpazi basanzemo umurambo w’umugabo

Mu murenge wa Kimisagara mu karere ka Nyarugenge munsi y’ikigo cya MAISON...
8 October 2021 0

Rusizi: Polisi yafatiye mu cyuho abasore bato bakoraga impushya mpimbano zo...

Ku mugoroba wo kuri uyu wa Gatatu tariki ya 6 Ukwakira Polisi ikorera mu...
8 October 2021 0