skol

Polisi yataye muri yombi umukobwa uherutse kugaragara yasindiye ku gisimenti

Amakuru   Yanditswe na: Dusingizimana Remy 4 March 2022

Polisi y’u Rwanda yataye muri yombi umugore uherutse kugaragara ku mbuga nkoranyambaga yarushijwe imbaraga na manyinya akaryama mu muhanda i Remera ku Gisimenti.

Ku wa Kane tariki 3 Werurwe 2022, Polisi ikorera mu Mujyi wa Kigali yafashe umugore witwa Umutoni Divine. Uyu mugore yafatiwe mu Karere ka Kicukiro, Umurenge wa Kicukiro, Akagali ka Nyakabanda, akurikiranweho gukora icyaha cyo gusindira mu ruhame akanakora ibiterasoni.

Umuvugizi wa Polisi y’u Rwanda, CP John Bosco Kabera, yabwiye IGIHE dukesha iyi nkuru ko Umutoni yagaragaye mu mashusho yafashwe ku wa 26 Gashyantare agakwirakwizwa ku mbuga nkoranyambaga, agaragaza abagore babiri basinze cyane bateje akavuyo ahazwi nko ku Gisimenti mu Murenge wa Remera.

Yagize ati "Uyu mugore aracyekwaho icyaha cyo gusindira mu ruhame no gukora ibiterasoni yakoze ubwo yari mu kabari mu Gisimenti mu Murenge wa Remera ari gusangira inzoga n’inshuti ye yitwa Uwase Anitha, bigeze mu masaha y’ijoro Umutoni yashatse gutaha agerageje gutega moto ananirwa kuyurira kuko yari yasinze, akomeje guhatiriza yikubita hasi ananirwa kubyuka akajya yikurura hasi, abantu barahurura bamushungera basakuza cyane. Mugenzi we basangiye nawe agerageza kumwegura ariko biranga kuko bose bari basinze cyane."

CP Kabera yagiriye inama abantu banywa inzoga, kunywa mu rugero kandi bakirinda gusinda no gukora ibikorwa by’urukozasoni.

Yongeye ati "Kunywa inzoga ntibibujijwe ariko abantu bagomba kumenya ko niba banyoye inzoga batemerewe kubangamira ituze rusange. Ikindi kandi gusinda mu ruhame ni icyaha gihanwa n’amategeko y’u Rwanda."

Uwafashwe yashyikirijwe Urwego rw’Ugihugu rushinzwe Ubugenzacyaha (RIB) kugira ngo akurikiranwe n’amategeko, ni mu gihe Uwase Anitha bari kumwe agishakishwa ngo nawe akurikiranwe.

Ingingo ya 268 mu itegeko riteganya ibyaha n’ibihano muri rusange ivuga ko umuntu wese usinda ku mugaragaro, mu muhanda, mu kibuga, mu nzira, mu kabari, mu nzu y’imikino cyangwa ahandi hose hateranira abantu, aba akoze icyaha.

Iyo abihamijwe n’urukiko, ahanishwa igifungo kitari munsi y’iminsi umunani ariko kitarenze amezi abiri n’ihazabu y’amafaranga y’u Rwanda atari munsi y’ibihumbi 20 Frw ariko atarenze ibihumbi 100 Frw cyangwa kimwe gusa muri ibyo bihano.

Ingingo ya 143 ivuga ko umuntu wese ukora ibiterasoni mu ruhame aba akoze icyaha. Iyo abihamijwe n’urukiko ahanishwa igihano cy’igifungo kitari munsi y’amezi atandatu ariko kitarenze imyaka ibiri.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

U Rwanda na Uganda bateye indi ntambwe ishimangira ubwiyunge

Nyuma y’uruzinduko rw’umukuru w’igihugu cy’u Rwanda Paulo Kagame muri Uganda...
13 May 2022 0

Wa mukobwa waburiwe irengero yenda kuba umubikira yabonetse

Urwego rw’Igihugu rw’Ubugenzacyaha rwatangaje ko umukobwa witeguraga kuba...
12 May 2022 1

Rwamagana:Bafashwe bagerageza guha ruswa umupolisi

Polisi y’u Rwanda, Ishami rishinzwe gutanga ibizamini by’impushya zo gutwara...
12 May 2022 0

Nyagatare: Yagiye kwiba urutoki ananirwa kuva mu murima bikekwa ko yafashwe...

Ahagana mu ma saa kumi n’imwe za mu gitondo mu karere ka Nyagatare,mu...
7 May 2022 0

Gasabo: Yafunzwe ashinjwa gusambanya inkoko y’uwari umucumbikiye

Umusore w’imyaka 31 wari ucumbitse mu karere ka Gasabo arashinjwa gusambanya...
7 May 2022 0

Meteo Rwanda yongeye kuburira imvura yateza ibiza muri uku kwa...

Meteo Rwanda yatanze umuburo ku myuzure n’inkangu bizaturuka ku mvura muri...
7 May 2022 0