skol

RDF yahaye isezerano rikomeye Abanyarwanda bahangayikishijwe n’umutekano

Amakuru   Yanditswe na: Dusingizimana Remy 14 June 2022

Ingabo z’u Rwanda RDF zahumurije abaturage muri rusange ko umutekano w’abanyarwanda n’ubusugire bw’imbibi z’u Rwanda bibungabunzwe neza.

Muri ubu butumwa bwashyizwe hanze n’Ingabo z’u Rwanda kuri uyu wa kabiri, bukomeza buvuga ko ingabo z’u Rwanda zizakomeza gukora ibishoboka byose ngo ibitero bikomeje kwibasira u Rwanda biturutse hakurya y’umupaka bihagarare.

Kuwa Gatanu w’icyumweru gishize nibwo I Musanze hongeye guterwa ibindi bisasu 2 byo mu bwoko bwa Rokete biturutse muri RDC.

Mu itangazo ryashyizwe ahagaragara uwo munsi, RDF yemeje ko ibyo bisasu bibiri bya Rokete byaturutse i Bunagana muri DR Congo, bikagwa mu Kagari ka Nyabigoma ho mu Murenge wa Kinigi.

N’ubwo ntawe byakomerekeje ariko byakanze abaturage. RDF yibukije ko ibi bisasu byatewe, bikurikiye ibyatewe kuwa 19 Werurwe no kuwa 23 Gicurasi 2022, bigakomeretsa abantu ndetse bikangiriza iby’abaturage mu mirenge ya Nyange na Kinigi muri Musanze, ndetse no mu murenge wa Gahunga wo mu karere ka Burera.

RDF yavuze ko iryo terwa ry’ibisasu mu bihe bitatu bitandukanye, kongeraho ugushimuta abasirikare babiri b’ u Rwanda ariko baheruka kurekurwa byakozwe n’igisirikare cya DR.Congo gifatanyije n’umutwe wa FDRL, byose byamenyeshejwe itsinda ry’impuguke za EJVM.

Muri iri tangazo, RDF yijeje abanyarwanda ko iri mu nzira kandi yegereje gukemura ibi ibibazo by’umutekano muke, bituruka muri Repubulika Iharanira Demokalasi ya Congo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RDC: Umusirikare wa FARDC yaciye ibintu nyuma yo gutsindwa na M23...

Umwe mu basirikare bivugwa ko ari mu itsinda rishinzwe kurinda umukuru...
29 June 2022 1

Gatsibo: Yatawe muri yombi azira kwiyita umukozi wa REG akambura...

Polisi y’u Rwanda mu karere ka Gatsibo yafaahe uwitwa Nkotanyi David...
27 June 2022 0

"Uyu munsi turi gihugu cyahindutse mu mutima, mu bitekerezo no ku...

Ubwo yatangizaga ku mugaragaro inama y’abakuru b’ibihugu bigize umuryango wa...
24 June 2022 0

Abagize inama nyobozi yaguye mu Umuryango PAM bahagurukiye kwigisha...

Umuryango uharanira ubwigenge n’iterambere ry’afurika ishami ry’u Rwanda PAM...
20 June 2022 0

Inyeshyamba za FLN zategeye imodoka itwara abagenzi muri Nyungwe zihitana...

Abakekwaho kuba inyeshyamba za FLN barashe ku mudoka itwara abagenzi muri...
18 June 2022 3

M23 yarashe indege ya FARDC yari ibagabyeho igitero

Umutwe wa M23 wavuze ko warashe indege y’igisirikare cya Repubulika...
17 June 2022 1