skol

Reba akayabo abatasi bakoresha Pegasus bishyura ba nyirayo b’Abisiraheli

Amakuru   Yanditswe na: Dusingizimana Remy 21 July 2021

Ubutasi kuri telephone ngendanwa bwongeye kuvugwa muri iyi minsi ko bukorwa na za leta zimwe na zimwe, igiciro cyabwo gishobora kugera kuri miliyoni 1$ kugira ngo ikoreshwe muri telephone 10 gusa, nk’uko bivugwa n’ikinyamakuru New York Times.


Amnesty International iherutse gutangaza amakuru mashya y’abantu batandukanye Pegasus yinjijwe muri telephone zabo, cyangwa yagerageje kwinjizwamo hagamijwe kubaneka.

Leta z’ibihugu bitandukanye ku isi, muri Africa birimo u Rwanda na Maroc, zashinjwe kuyikoresha ku batavuga rumwe n’ubutegetsi, impirimbanyi z’uburenganzira bwa muntu cyangwa abanyapolitiki bakomeye bo mu bihugu bituranyi.

Organized Crime and Corruption Reporting Project (OCCRP) ivuga ko Minisitiri w’ububanyi n’amahanga w’u Rwanda yahakanye ko u Rwanda rufite cyangwa rukoresha iyi logiciel/software.

Ku rutonde rw’abayikoreshejweho cyangwa abageragejwe kuyikoreshwaho mu Rwanda OCCRP ivuga ko barimo:

Umunyamategeko Gatera Gashabana, Cassien Ntamuhanga (waburiwe irengero muri Mozambique), abanyamakuru Robert Mugabe na Eric Bagiruwubusa na bamwe mu banyapolitiki batavuga rumwe n’ubutegetsi bahungiye mu mahanga.

Pegasus ikorwa n’ikigo NSO Group cya Israel ibonwa nk’uburyo bugezezweho ibihugu bikomeye byifashisha mu gutata abo byifuza.

NSO Group yo ivuga ko igurisha Pegasus kuri za leta hagamijwe gusa gukurikirana abakora ibyaha n’abakora iterabwoba.

Mu 2016 New York Times yatangaje ko inyandiko yakuye ku bakiriya ba Pegasus zerekana ibiciro bitandukanye iyo kompanyi igurishaho iyi ’spyware’ yayo.

New York Times ivuga ko izo nyandiko zirimo emails za NSO Group, amasezerano, n’inyandiko zigamije ubucuruzi zerekana ko hari leta nyinshi icyo gihe zifuje gukoresha iri koranabuhanga mu butasi.

Igiciro icyo gihe cyari $500,000 (asaga 500,000,000 Frw) ya ’installation’ gusa.

Kuri ayo, za leta zongeraho $650,000 yo kuyikoresha mu gihe iri gukora muri telephone 10 za Android cyangwa 10 za iPhone, $500,000 kuri telephone eshanu za BlackBerry, nk’uko New York Times ibivuga.

Ubu ntihazwi neza uko ibiciro by’iki gihe byifashe mu gukoresha iri koranabuhanga mu butasi.

Icyo gihe gukurikirana abantu 100 biyongera kuri abo 10 byishyurwagaho $800,000, abandi 50 bakishyurwaho $500,000, abandi 20 bakishyurwaho $250,000 naho 10 bakishyurwaho $150,000 nk’uko inyandiko y’ubucuruzi ya NSO Group yabyerekanaga.

Kuri ibyo, hakiyongeraho ikiguzi cyishyurwa buri mwaka cya ’system maintenance’ kingana na 17% y’igiciro cyose hamwe cyishuwe.

Mu nyandiko zitaka serivisi yayo, NSO Group ivuga ko Pegasus itanga "kugera muri telephone yose y’uwo ugamije wisanzuye nta nkomyi".

Ko ibyo ubikora uri kure ugafata "amakuru yose, umubano we, aho ari, abo ahamagara n’abamuhagamara, gahunda ze n’ibikorwa bye - igihe cyose aho bari hose"

Ikongeraho iti: "Kandi nta kimenyetso na kimwe bisiga".

Gusa abahanga mu ikoranabuhanga ba laboratoire ya kaminuza ya Toronto izwi nka The Citizen Lab, babashije kugenzura no kugaragaza telephone z’abantu batandukanye kw’isi zagezwemo cyangwa zagerageje gushyirwamo Pegasus.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Bwiko

    Ngaho aho imisoro yacu ninkunga bishirira.Barangiza ngo babikoze munyungu zabanyarwanda.

    4 months ago

Inzindi nkuru

Polisi yataye muri yombi umugabo ushinjwa kwambura umugore ibihumbi 222...

Polisi y’u Rwanda ikorera mu nkambi ya Mahama yafashe umurundi uba muri iyi...
8 December 2021 0

Nyagatare: Abasore batatu bafatanwe amafaranga y’amiganano arenga ibihumbi...

Polisi y’u Rwanda ikorera mu Karere ka Nyagatare kuri iki Cyumweru tariki ya...
7 December 2021 0

Kicukiro: Umugabo yatawe muri yombi ashinjwa kwica umugore we bapfa...

Urwego rw’Igihugu rw’Ubugenzacyaha, RIB, rwataye muri yombi Kanyamibare...
7 December 2021 0

Polisi yafashe abagabo babiri bakurikiranweho gutanga ruswa no kugurisha...

Kuri uyu wa gatandatu tariki ya 4 Ukuboza 2021, Polisi y’u Rwanda yataye...
6 December 2021 0

Nta Camera zigenzura umuvuduko, zizongera gushyirwa ku byapa biri munsi ya...

Polisi y’u Rwanda yavuze ko nta Camera zigenzura umuvuduko, zizongera...
3 December 2021 0

Rubavu: Batangiye guterwa n’abajura kubera umuriro umaze amezi 3...

Abaturage bo mu karere ka Rubavu mu murenge wa Nyamyumba bahangayikishijwe...
2 December 2021 0