skol

RIB yafunze nyiri uruganda rwakoze inzoga yitwa Umuneza yishe abantu 11 igira impumyi 4

Amakuru   Yanditswe na: Dusingizimana Remy 4 January 2022

Urwego rw’Igihugu rw’Ubugenzacyaha, RIB, rwatangaje ko rumaze guta muri yombi abantu batanu bafite aho bahuriye n’ikibazo cy’inzoga itujuje ubuziranenge yitwa Umuneza yatumye abagera kuri 11 babura ubuzima, abandi bane bagahuma.


Iyi nzoga yitwa Umuneza ikorwa n’Uruganda RWANDABEV ruherereye mu Murenge wa Ntarama mu Karere ka Bugesera. Ku wa 27 Ukuboza 2021 ni bwo hatangiye kumvikana amakuru avuga ko hari abantu bane bishwe no kuyinywa.

Muri uku kwezi, Ikigo gishinzwe kugenzura Ibiribwa n’Imiti mu Rwanda (Rwanda-FDA) cyahise gisohora itangazo kivuga ko “cyahagaritse by’agateganyo iyi nzoga.’’

Kugeza ubu abantu 11 bo mu Turere twa Bugesera na Gasabo ni bo bishwe n’iyi nzoga ndetse hari batanu batawe muri yombi bakurikiranyweho kubigiramo uruhare.

Umuvugizi w’Urwego rw’Igihugu rw’Ubugenzacyaha, RIB, Dr Murangira B Thierry, yabwiye IGIHE dukesha iyi nkuru ko mu batawe muri yombi harimo Umuyobozi wa RWANDABEV witwa Marcel Ngarambe.

Yakomeje avuga ko Ngarambe yatawe muri yombi ku wa Mbere, tariki 3 Mutarama 2022, mu gihe abandi bane bafashwe ku wa 27 Ukuboza 2021.

Dr Murangira yavuze ko ibimenyetso bya laboratwari byagaragaje ko iyi nzoga irimo ikinyabutabire cya methanol ari nacyo cyabaye intandaro y’impfu z’abayinyoye.

Ati “Inzoga ya Umuneza ifite methanol kandi byemejwe na raporo ya Laboratwari y’u Rwanda y’ibimenyetso bya gihanga bikoreshwa mu butabera. Isuzuma ryakozwe ku mpagararizi (sample) yakuwe mu gifu cy’imirambo igaragaza ko mu nda harimo iki kinyabutabire cya methanol akaba ari cyo cyabaye intandaro y’urupfu rwabo.”

Yavuze ko abantu bakwiye kwirinda gushyira mu kaga ubuzima bwa bagenzi babo.

Yagize ati “Ubuzima bw’abaturarwanda ni bwubahwe. Ntabwo bikwiye ko inyungu y’umuntu igomba gusimbuzwa ubuzima bw’abaturarwanda. Abantu nibitondere amabwiriza y’ubuziranenge bahabwa yo gukora ibinyobwa, ibiribwa ndetse n’ibindi bintu bikoreshwa mu biribwa cyangwa ibinyobwa bayakurikize . Utazabikora azakurikiranwa n’amategeko abihanirwe.’’

Uretse abapfuye, kugeza ubu abandi bantu bane banyweye kuri kiriya kinyobwa barahumye burundu, bakaba bari kwitabwaho mu Bitaro bya Kaminuza bya Kigali, CHUK.

Kuva iki kibazo cyagaragara hafashwe imyanzuro itandukanye irimo ko hagiye gushyirwaho amatsinda yihariye ashinzwe kugenzura inzoga zikorerwa hirya no hino.

Mu bindi byemejwe harimo kuba uturere tugiye guhabwa urutonde rw’inzoga zemewe gukorerwamo ndetse n’izitemewe kugira ngo bifashe ubuyobozi n’abaturage.

Ubuyobozi bwa Rwanda FDA buvuga ko hagiye gukazwa ubugenzuzi hagamijwe kureba ko abacuruza ibiribwa, imiti n’ibinyobwa byose bubahiriza amabwiriza y’ubuziranenge.

Abatawe muri yombi bafungiye kuri Sitasiyo ya RIB ya Kimihurura, iya Kicukiro n’iya Gikondo mu gihe hagikorwa iperereza kugira ngo dosiye zabo zishyikirizwe Ubushinjacyaha.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Karongi: Abana 13 bari baburiwe irengero bari ku ishuri babonetse nyuma...

Abanyeshuri bo mu Karere ka Karongi bari baburiwe irengero bongeye kuboneka...
26 January 2022 0

Bugesera:Yemeye ko yibye moto ya mugenzi we kubera ko yagiye kunywa inzoga...

Mu ijoro rya tariki ya 21 Mutarama Polisi ku bufatanye n’izindi nzego...
24 January 2022 0

Rubavu: Igikuta cy’inzu cyagwiriye umuntu ahasiga ubuzima

Mu ijoro ryacyeye imvura nyinshi yaguye muri aka karere isenya inzu zigera...
23 January 2022 0

Rwamagana: Yatemye umuturanyi we nyuma yo gukeka ko amusambanyiriza...

Umugabo wo mu Murenge wa Gahengeri mu Karere ka Rwamagana, yashatse gutema...
23 January 2022 0

U Rwanda rwaje ku mwanya wa 6 ku isi mu bihugu bitekanye ku bagenzi bagenda...

Ubushakashatsi bwakozwe n’ikigo Bounce (usebounce.com) bwashyize u Rwanda ku...
21 January 2022 0

Uganda: Abagore bahagaritswe kwicarana imbere n’abashoferi b’amakamyo mu...

Abacuruzi b’abagore muri Uganda ntibazongera kwemererwa kwicara hamwe...
21 January 2022 0