skol

RIB yerekanye abakekwaho kwiba umushoramari asaga miliyari hakoreshejwe ubwambuzi bushukana

Amakuru   Yanditswe na: Dusingizimana Remy 29 June 2021

Urwego rw’Igihugu rushinzwe Ubugenzacyaha (RIB) rwerekanye abarimo Padiri Mukuru wa Paruwasi ya Rwamagana, Ingabire Jean Marie Théophile wafatanywe miliyoni 400 Frw muri miliyari 1 Frw yibwe umunyamahanga.


Mu cyumweru gishize nibwo RIB yatangaje ko yafashe padiri mukuru wa Paruwasi ya Rwamagana,Ingabire Jean Marie Theophile,nyuma yo gusaka iwe bakamusangana amafaranga miliyoni 400 FRW yari yabikijwe n’umwe mu bakekwaho ubujura bafitanye isano.

Umuvugizi wa RIB,Dr Murangira B. Thierry, yavuze ko aya mafaranga uyu mupadiri yayabikijwe na mubyara we ari mu bashinjwa kuyiba.

Kuri uyu wa Kabiri,nibwo RIB yerekanye abantu 2 bakekwaho kwiba aya mafaranga ndetse n’ibyitso byabo.

RIB yavuze ko ku bufatanye na Polisi y’u Rwanda, uwo mushoramari ukomoka muri Hongrie yasubijwe ayafashwe yose hamwe agera kuri miliyoni 771 y’u Rwanda muri 1 000 000 000 Frw yari yibwe, agizwe n’inoti z’ama-Euro, amadorari, n’amanyarwanda.

RIB ibinyujije ku rubuga rwayo rwa Twitter yagize iti "Ku bufatanye na Polisi y’Igihugu n’abaturage, RIB yafashe abajura 02 n’ibyitso byabo, igaruza ama Euro 324,650£ amadorali 344,700$, n’amafaranga y’u Rwanda 37,421,000frw, yose hamwe angana na 771,701,000 frw ku mafaranga agera kuri miliyari imwe y’amanyarwanda (1,000,000,000frw) yari yibwe umushoramari hakoreshejwe ubwambuzi bushukana.

Hafatiriwe kandi ikilo kimwe (1Kg) cya zahabu, imodoka ebyiri ndetse n’ibibanza 31 byaguzwe muri ayo mafaranga y’amajurano.

Dosiye yashyikirijwe Ubushinjacyaha mu gihe iperereza rikomeje kugirango hafatwe n’abandi babigizemo uruhare hanagaruzwe amafaranga asigaye kugira ngo ahabwe nyirayo.

RIB irongera gushimira abantu bose bagize uruhare mu ifatwa ry’aba bagizi ba nabi, inaburira abafite umugambi wo kwiba iby’abandi ko nta mwanya bafite mu #Rwanda kuko inzego zifatanyije n’abaturarwanda zitazabihanganira na gato.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rubavu: Batangiye guterwa n’abajura kubera umuriro umaze amezi 3...

Abaturage bo mu karere ka Rubavu mu murenge wa Nyamyumba bahangayikishijwe...
2 December 2021 0

Ngororero:Yafashwe amaze guca insinga z’amashanyarazi agiye kuzigurisha

Polisi ikorera mu Karere ka Ngororero kuri uyu wa Kabiri tariki ya 30...
2 December 2021 0

Nyagatare: Inkuba yakubise inka 12 n’intama 2 z’umuturage birapfa

Kuri uyu wa Kabiri,tariki ya 30 Ugushyingo 2021,mu masaha ya mbere ya saa...
30 November 2021 0

Kicukiro: Imodoka yari itwaye abanyeshuri yafashwe n’inkongi y’umuriro

Imodoka yari itwaye abanyeshuri yafashwe n’inkongi y’umuriro ubwo yari mu...
30 November 2021 0

Rubavu: Akarere kiyemeje guhangana n’abiyise abuzukuru ba shitani bazwiho...

Abasore n’abana bazwi ku izina ry’abuzukuru ba shitani bamaze imyaka myinshi...
29 November 2021 0

Abanyeshuri 3 barohamye mu kiyaga cya Burera bagiye koga

Abanyeshuri batatu bigaga mu kigo cy’Ishuri cy’imyuga cya Centre pour la...
29 November 2021 0