skol

Rubavu: Ibisenge byagwiriye abantu 5 bari bugamye umwe arakomereka bikabije

Amakuru   Yanditswe na: Dusingizimana Remy 4 January 2022

Imvura idasanzwe yaguye mu Karere ka Rubavu kuri uyu wa Mbere, yangije ikigo cy’Ishuri ribanza rya Rebero riherereye mu Kagari ka Rusura mu Murenge wa Busasamana, ibisenge y’ibyumba bitatu by’amashuri biraguruka ndetse binagwira abantu batanu bari bugamye.

Bivugwa ko bane muri abo bari bugamye bakomeretse byoroheje ndetse bahise bajyanwa kuvuriwa ku Kigo Nderabuzima cya Busasamana mu gihe uwakomeretse cyane yahise yihutishirizwa ku Bitaro bya Gisenyi.

Amakuru dukesha IMVAHO NSHYA avuga ko nu masaha ya saa munani n’igice z’igicamunsi cyo kuri uyu wa Mbere aribwo iyo mvura yari ivanze n’umuyaga ndetse n’urubura yaguye ari nyinshi cyane muri ako gace kegereye umupaka w’u Rwanda na Repubulika Iharanida Demokarasi ya Congo (RDC).

Abaturage bavuga ko iyo mvura yari nyinshi cyane ifite umuyaga mwinshi ndetse harimo n’amahindu.

Umwe muri bo yagize ati: “Twari mu rugo twumva abantu benshi bavuza induru, tugeze kuri aya mashuri dusanga ibisenge byagurutse bigwa ku mugore wari uhetse umwana, umugabo, umudamu n’undi muntu umwe bari kumwe bacuruza ibisheke bari bugamye. Tabashije kubakuramo bajya kwa muganga. “

Abandi baturage bavuga ko ayo mashuri asanzwe abatera impungenge kuko babona atubatswe mu buryo bukwiriye bikaba bigaragarira buri wese.

Umwe ati: “Aya mashuri natwe adutera ikibazo kuko iyo dutambutse tubona byenda kugwa. Na n’iyi saha turacyafite impungenge ko abana bazajya mu mashuri akazabagwaho kuko natwe nk’abaturage nubwo tutazi kubaka tubona aya mashuri afite ikibazo.”

Bavuga ko by’umwihariko imireko ifata amazi idafashe ndetse n’imyubakire y’amashuri ubwayo ikaba isondetse ku buryo hakenewe kugezwa izindi mpuguke mu bwubatsi zikahakosora.

Muri ibi bice biherereye mu Majyaruguru y’Iburengerazuba bw’u Rwanda bikaba binegereye Ibirunga, imvura isanzwe igwa ari nyinshi ku buryo iyo idasenye inzu usanga yangije imyaka. Abaturage bavuga ko bahorana impungenge ku bijyanye n’iyo mvura itabura kugwa mu mezi menshi, cyane cyane mu ntangiro z’umwaka.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    Ayomashuritwasabaka bayavugurura kuko nkababyeyintabwobasubiza abana babokuricyo kigo bityo twasabako ayomashuri bayavugurura vuba mbere yuko abana basubira ku ishuri

    2 weeks ago

Inzindi nkuru

Uganda: Abagore bahagaritswe kwicarana imbere n’abashoferi b’amakamyo mu...

Abacuruzi b’abagore muri Uganda ntibazongera kwemererwa kwicara hamwe...
21 January 2022 0

Kayonza: Abakobwa 2 bari inshuti bapfuye umusore umwe atera mugenzi we...

Abakobwa babiri bari mu kigero cy’imyaka 28 bo mu Karere ka Kayonza mu...
21 January 2022 0

Musanze: Abagabo babiri batawe muri yombi bakekwaho gutema inka...

Abagabo babiri bo mu Karere ka Musanze, Umurenge wa Kinigi, batawe muri...
20 January 2022 0

Rubavu:Urundi rubyiruko rwishyize hamwe rwakubise umuturage...

Bamwe mu bandi bantu bigize intagondwa mu karere ka Rubavu bishyize hamwe...
20 January 2022 0

Abanyarwanda 11 bafashwe bagiye guhungira urukingo rwa Covid-19 muri...

Imiryango ibiri igizwe n’abantu 11 barimo abarimu babiri, yafatiwe mu Kagari...
19 January 2022 0

Huye: Umugabo akurikiranyweho kwica mugenzi we bapfuye indaya

Umugabo w’imyaka 30 y’amavuko akurikiranyweho kwica mugenzi we w’imyaka 18...
18 January 2022 1