skol
Fortebet

Rubavu: Wa mukobwa washinjaga Gitifu kumukura iryinyo kuko yanze ko basambana yafunzwe

Amakuru   Yanditswe na: Dusingizimana Remy 2 August 2022

Umukobwa witwa Uwimanimpaye w’imyaka 22 y’amavuko waregaga Gitifu wa Kanzenze kumukubita amuziza kwanga ko baryamana,yatawe muri yombi kuri uyu wa mbere azira gusakaza ayo makuru bivugwa ko ari ibinyoma.

Umunyamabanga Nshingwabikorwa w’Umurenge wa Kanzenze muri Rubavu, Nkurunziza Faustin,yashinjwee ko yakubise uyu mukobwa ukora mu kabari witwa Uwimanimpaye Clarisse akamukura iryinyo bapfa ko yanze ko bakorana imibonano mpuzabitsina.

Nkuko amakuru dukesha Umunyamakuru Oswald Mutuyeyezu wa RadioTV10 abitangaza,uyu mukobwa ngo yisanze mu nama y’umutekano mu murenge wa Kanzenze yabaye ejo guhera 07:00-16:00. Nyuma yayo Mayor wa Rubavu yavuze ko uyu mukobwa yemeye ko yabeshyeye Gitifu bamuraza muri mu kasho.

Uretse uwo mukobwa urega Gitifu kumukubita akamukura iryinyo wafunzwe,n’abandi baregwa muri iyo dosiye yo ’kubeshyera gitifu’ bafunzwe.

Meya wa Rubavu,Kambogo Ildephonse avuga ko uriya mukobwa yiyemerera gushukwa agahimbira ibinyoma Gitifu wa Kanzenze.

Ubutumwa bivugwa ko ari ubwo Gitifu Nkurunziza Faustin yanditse,bwemeza ko ibi bimuvugwaho ari umugambi mubisha w’abasanzwe bamuharabika ndetse batanamwifuriza amahoro

Yavuze ko hari igikorwa cy’ubugenzuzi cyakozwe n’ubuyobozi muri uyu Murenge wa Kanzenze cyo kureba niba abantu barikingije cyanageze mu kabari gakoramo uriya mukobwa.

Nkurunziza yatangaje ko uyu mukobwa yabajijwe ibyangombwa bigaragaza ko yikingije ariko akinangira ahubwo agatuka abayobozi bari muri iki gikorwa, bigatuma ahita ajyanwa mu kigo kinyuzwamo abantu by’igihe gito (Tansit Center) ariko akaza kurekurwa.

Avuga ko akimara gusohoka ari bwo hatangiye gucicikana ariya makuru yo kuba yamukubise akamukura iryinyo ariko ko hari ababiri inyuma.

Uyu Munyamabanga Nshingwabikorwa wa Kanzenze avuga ko umukozi ushinzwe imari n’ubutegetsi muri uyu Murenge ari we ubiri inyuma.

Ati “Kuko asanzwe akoresha itangazamakuru amparabika, akaba ari na we wahamagaye abanyamakuru ababwira ngo nakubise umukozi wo mu kabari kuko atikingije mukura amenyo.”

Uyu muyobozi avuga kandi ko nyiri kariya kabari gakoramo uyu mukobwa na we ari mu batije umurindi ziriya nkuru zimusebya ngo kuko asanzwe yigomeka ku buyobozi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble j

    Ark nimba nuwo muyobozi yiyemererako basanzwe babimuvugaho hashyirwemo ubushishozi kko ntanduru ivugira ubusa ku musozi

    1 week ago
  • chat_bubble j

    Ark nimba nuwo muyobozi yiyemererako basanzwe babimuvugaho hashyirwemo ubushishozi kko ntanduru ivugira ubusa ku musozi

    1 week ago

Inzindi nkuru

Polisi y’u Rwanda yamaganye imyambarire ishotorana iharawe n’abakobwa mu...

Hirya no hino mu Gihugu cyane cyane mu Mujyi wa Kigali hakomeje kugaragara...
11 August 2022 3

Kigali: Abamotari banze gukoresha mubazi kubera ibihombo

Bamwe mu bamotari bo mu mujyi wa Kigali batangaje ko batazongera gukoresha...
10 August 2022 0

Nyamasheke: Umugabo wishe ababyeyi be bombi abakase amajosi yarashwe mu...

Umugabo witwa Nzanywayimana Eliezer wo mu karere ka Nyamasheke uheruka...
9 August 2022 0

Kayonza: Umusore yakubise nyina amuziza ko yanze ko batera akabariro

Umusore w’imyaka 22 wo mu Karere ka Kayonza yatawe muri yombi n’inzego...
9 August 2022 1

Green Party yanenze umuyobozi wa RGB inasaba u Rwanda kugura amasasu...

Ishyaka riharanira Demokarasi no kurengera ibidukikije (Democratic Green...
5 August 2022 0

U Rwanda rwamaganye raporo ya UN irushinja ko rwateye ingabo za DR Congo...

Guverinoma y’u Rwanda yamaganye ibikomeje kuvugwa ko Ingabo zarwo zagiye...
5 August 2022 0