skol

Rwanda Meteo yahishuye ingano y’imvura izagwa muri Mutarama-Gashyantare

Amakuru   Yanditswe na: Dusingizimana Remy 11 January 2022

Ikigo cy’Igihugu gishinzwe Ubumenyi bw’Ikirere (Meteo Rwanda), cyatangaje ko kuva muri Mutarama kugeza muri Gashyantare 2022, hateganyijwe imvura iringaniye muri rusange ariko hari aho iyi mvura ishobora kuzaba nyinshi hashingiwe ku miterere yaho.

Mu gihugu hose hateganyijwe imvura isanzwe igwa mu bihe byiza ariko ishobora kwiyongera gake mu majyepfo ashyira iburengerazuba bw’igihugu.

Ingano y’imvura iteganyijwe

Imvura iri hagati ya milimetero 250 na milimetero 300 iteganyijwe mu Turere twa Rusizi na Nyamasheke, iburengerazuba bw’Uturere twa Nyaruguru, Nyamagabe na Rutsiro, amajyepfo y’Uturere twa Karongi, Ruhango na Gisagara, iburasirazuba bw’Akarere ka Nyabihu n’aka Rulindo n’igice gito cy’Akarere ka Nyanza na Huye.

Imvura iri hagati ya milimetero 200 na milimetero 250 iteganyijwe henshi mu Turere twa Nyamagabe, Nyaruguru, Karongi na Huye, amajyepfo ya Muhanga, Nyabihu, Ngororero, Rulindo, Burera na Gakenke, amajyaruguru y’Akarere ka Gasabo, igice cy’amajyaruguru y’iburasirazuba y’Akarere ka Rutsiro ndetse no mu gice cy’amajyepfo y’uburasirazuba bw’Akarere ka Rwamagana.

Imvura iri hagati ya milimetero 150 na milimetero 200 iteganyijwe mu Turere twa Musanze, Rubavu, Kamonyi na Burera, amajyaruguru y’Akarere ka Nyabihu, Muhanga, Bugesera, Rulindo, Ngoma na Gicumbi, uduce dusigaye tw’Uturere twa Rwamagana, Nyanza, Nyanza, Kicukiro, Gasabo na Nyarugenge.

Imvura iri hagati ya milimetero 100 na milimetero 150 iteganyijwe mu Ntara y’Iburasirazuba mu Turere twa Nyagatare, Gatsibo, Kayonza, Iburengerazuba bw’Akarere ka Rwamagana,

Ikigo cy’Igihugu gishinzwe Ubumenyi bw’Ikirere (Meteo Rwanda), kirashishikariza Abaturarwanda n’abafatanyabikorwa bose gushingira kuri iri teganyagihe mu igenamigambi ryabo rya buri munsi; cyane ko imvura iteganyijwe hamwe ishobora kubangamira imirimo y’isarura.

Abakeneye ibindi bisobanuro birambuye kuri iri teganyagihe n’uburyo ryakoreshwa barasabwa kwegera inzego z’imirimo bakorana hamwe n’Ikigo cy’Igihugu gishinzwe Ubumenyi bw’Ikirere (Meteo Rwanda) cyangwa bagahamagara kuri nimero itishyurwa 6080.

Iri teganyagihe rikomeza gukoreshwa ryunganirwa n’irindi risanzwe ritangwa mu gihe cy’ukwezi, iminsi icumi (10), iminsi itanu (5), iminsi itatu (3) ndetse n’iteganyagihe ritangwa buri munsi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RDF yasabye iperereza ryihuse ku bisasu byageze mu Rwanda biturutse muri...

U Rwanda rwasohoye itangazo risaba urwego rw’ingabo z’Akarere zishinzwe...
23 May 2022 0

Nyanza: Wa mugabo uheruka kwica umugore we amuziza imitugo yarasiwe muri...

Umugabo witwa Ndahayo Jean w’imyaka 43 watawe muri yombi tariki 18 Gicurasi,...
23 May 2022 1

Musanze: Ibikorwaremezo birimo amazu byangijwe bikomeye n’ibisasu 3...

Mu gitondo cyo kuri uyu wa Mbere 23 ku ya Gicurasi 2023 ,mu karere ka...
23 May 2022 0

Umuyobozi wungirije wa RGB yatawe muri yombi

RIB yataye muri yombi Dr Nibishaka Emmanuel,umuyobozi wungiririje w’Urwego...
22 May 2022 0

Nyagatare: Yafashwe yarahimbye uruhushya rwo gutwara ibinyabiziga...

Kuri uyu wa Kane tariki ya 19 Gicurasi Polisi y’u Rwanda Ishami rishinzwe...
21 May 2022 0

Umusirikare wafashwe asambanya umwana w’imyaka 15 yahawe igifungo...

Urukiko rwa Gisirikare rukorera i Kigali, rwakatiye Umusirikare wo ku rwego...
20 May 2022 0